భారతీయులకు భూటాన్ వీసా

భారత పౌరుల కోసం భూటాన్ వీసా గురించి అన్నీ

విహారయాత్రలకు వెళ్లే భారతీయులకు అత్యంత ప్రసిద్ధ గమ్యస్థానాలలో ఒకటైన భూటాన్ భారతదేశానికి అత్యంత సమీప పొరుగు దేశాలలో ఒకటిగా ఉండటంలో ఆశ్చర్యం లేదు. మీపం లో ఉండటం ఆ దేశాన్ని ఎంచుకోవడానికి ఉన్న ప్రధాన కారణాల్లో ఒకటి అయితే, ఆ దేశం అందించే మిగితా అన్నింటిని గుర్తుంచుకోవడం కూడా చాలా అవసరం. 

అధికారికంగా భూటాన్ రాజ్యం అని పిలువబడే, ఈ దేశం సిల్క్ రోడ్‌లో ఉంది. దాని పర్వత అమరిక యొక్క ప్రశాంతత, అందం మరియు ప్రకృతి యొక్క అద్భుతమైన వీక్షణలతో పాటు, ఇది తన సందర్శకులకు ప్యాలెస్‌లు, మ్యూజియంలు మొదలైనవాటిని కూడా అందిస్తుంది.

భూటాన్‌ను సందర్శించడానికి భారతీయులకు వీసా అవసరమా?

లేదు, భారత పాస్ పోర్ట్ హోల్డర్‌లు భూటాన్‌కు వెళ్లడానికి వీసా అవసరం లేదు. భూటాన్‌తో సరిహద్దును పంచుకునే మరియు చాలా మంచి సంబంధాలతో ఉన్న కొన్ని దేశాలలో భారతదేశం ఒకటి.

ఫలితంగా, కొన్ని ఇతర దేశాల పౌరుల మాదిరిగా భారతీయులకు భూటాన్ వీసా అవసరం లేదు. బదులుగా, ఒక భారతీయ పౌరుడిగా, మీరు భూటాన్‌లోకి ప్రవేశించడానికి ఇతర ఆధారాలను కలిగి ఉండాలి. భూటాన్‌లో ప్రవేశించడానికి అవసరమైన ఆధారాల జాబితాలు ఈ కథనంలో తర్వాత జాబితా చేయబడ్డాయి.

భూటాన్‌లోకి ప్రవేశించడానికి భారతీయ పౌరులకు అనుమతి అవసరమా?

అవును, భారత పాస్ పోర్ట్ హోల్డర్‌లు భూటాన్‌లోకి ప్రవేశించడానికి ఫంట్‌షోలింగ్‌లోని ఇమ్మిగ్రేషన్ ఆఫీస్ నుండి జారీ చేయబడిన ఎంట్రీ పర్మిట్ పొందవలసి ఉంటుంది. ఈ అనుమతి 7 రోజుల కాలవ్యవధికి చెల్లుబాటు అవుతుంది మరియు భూటాన్‌కు రోడ్డు మార్గంలో ప్రయాణించే వారు ధృవీకరణ కోసం ప్రతి చెక్‌పాయింట్‌లో దీనిని సమర్పించాలి.

భారతీయులు తమ బసను 7 రోజుల కంటే ఎక్కువ కాలం పొడిగించుకోవాలనుకునే వారు థింపులో ఉన్న ఇమ్మిగ్రేషన్ కార్యాలయాన్ని సందర్శించి, వారి పర్మిట్ చెల్లుబాటు గడువు పొడిగింపు కోసం అప్లై చేసుకోవాలి.

భారత పౌరులు భూటాన్‌లోకి ప్రవేశించడానికి కొన్ని పత్రాలను తప్పనిసరిగా తీసుకెళ్లాలి. భూటాన్‌లోకి ప్రవేశించేటప్పుడు ఇమ్మిగ్రేషన్ కార్యాలయంలో “ఎంట్రీ పర్మిట్” పొందేందుకు దిగువ జాబితా చేయబడిన పత్రాలు అవసరం.

• మీ పాస్ పోర్ట్ కాపీ.

• ఒకవేళ మీ వద్ద మీ పాస్ పోర్ట్ లేకపోతే, మీరు భారత ఎన్నికల సంఘం జారీ చేసిన మీ ఓటరు ఐడి (ID) కార్డును కూడా సమర్పించవచ్చు.

• 18 సంవత్సరాల కంటే తక్కువ వయస్సు ఉన్న పిల్లలు, జనన ధృవీకరణ పత్రం మరియు వ్యాలీడ్ అయ్యే పాఠశాల గుర్తింపు కార్డు తప్పనిసరిగా అందించాలి.

• 2 పాస్ పోర్ట్-సైజ్ రంగు ఛాయాచిత్రాలు.

• హోటల్ చిరునామాతో సహా వసతి మరియు బస డీటెయిల్స్.

"ఎంట్రీ పర్మిట్" మీరు థింపు మరియు పారోలను మాత్రమే సందర్శించడానికి అనుమతిస్తుంది. మీరు దేశంలోని ఇతర ప్రదేశాలను సందర్శించాలనుకుంటే, మీరు భారత పౌరుల కోసం ప్రత్యేక భూటాన్ అనుమతిని పొందాలి. "స్పెషల్ ఏరియా పర్మిట్" కోసం దరఖాస్తు చేయడానికి అవసరమైన పత్రాలు క్రింది విధంగా ఉన్నాయి.

• మీ ఎంట్రీ పర్మిట్‌లో చేర్చబడిన రూట్ పర్మిట్ యొక్క ఫోటోకాపీని మీరు తప్పనిసరిగా తీసుకెళ్లాలి.

• సరిగ్గా నింపిన అప్లికేషన్ ఫారం.

• మీరు మీ కారును నడుపుతున్నట్లయితే, మీకు రోడ్డు భద్రత మరియు రవాణా అథారిటీ (ఆర్‌ఎస్‌టిఎ) కార్యాలయంలో పొందగలిగే పొడిగింపు అనుమతి కూడా అవసరం.

భూటాన్‌లోకి ప్రవేశించడానికి అనుమతిని పొందడానికి, మీరు ఫ్యూన్‌షోలింగ్‌లోని రాయల్ గవర్నమెంట్ యొక్క ఇమ్మిగ్రేషన్ కార్యాలయాన్ని సందర్శించాలి. ఇండో-భూటాన్ సరిహద్దు వద్ద ఉన్న మీరు ఈ కార్యాలయంలో భూటాన్ అనుమతికి అవసరమైన పత్రాలను తప్పనిసరిగా సమర్పించాలి. తదనంతరం, మీరు దేశంలోకి ప్రవేశించడానికి మరియు ప్రయాణించడానికి అనుమతించే "ఎంట్రీ పర్మిట్" మీకు జారీ చేయబడుతుంది. గమనించదగ్గ విషయం ఏమిటంటే, మీరు భూటాన్‌లోకి విమానంలో ప్రవేశించాలనుకున్నా, మీరు పారో అంతర్జాతీయ విమానాశ్రయంలో తప్పనిసరిగా ఈ అనుమతిని పొందాలి.

మీరు ఎంట్రీ పర్మిట్‌తో పారో మరియు థింపూ దాటి ప్రయాణించలేరు కాబట్టి, మీరు భారత పౌరుల కోసం భూటాన్ ఇమ్మిగ్రేషన్ కోసం అదనపు పత్రాల కోసం తప్పనిసరిగా దరఖాస్తు చేసుకోవాలి. మీరు థింపులోని ఆర్‌జిఓబి (RGoB) ఇమ్మిగ్రేషన్ కార్యాలయంలో మీ “స్పెషల్ ఏరియా పర్మిట్” కోసం అప్లై చేసుకోవచ్చు. సాధారణంగా, కార్యాలయం ఈ అనుమతులను గంటలోపు జారీ చేస్తుంది. మీరు మీ సొంత కారును నడుపుతున్నట్లయితే, మీ పొడిగింపు అనుమతి కోసం మీరు తప్పనిసరిగా ఆర్‌జిఓబి (RGoB) ని కూడా సందర్శించాలి.

భూటాన్‌లో భారత రాయబార కార్యాలయం ఎక్కడ ఉంది?

థింపులో ఉన్న ఈ రాయబార కార్యాలయం వారాంతపు రోజులలో పని చేస్తుంది మరియు శని మరియు ఆదివారాలు మూసి ఉంటుంది.

• చిరునామా: 193, జంగ్షినా, థింపు.

• ఫోన్ నంబర్: +975 2 322162

• ఎమర్జెన్సీ కాన్సులర్ నంబర్: +975 17128429

మీరు భూటాన్‌ను సందర్శించేటప్పుడు ఇంటర్నేషనల్ ట్రావెల్ ఇన్సూరెన్స్ పాలసీని కొనుగోలు చేయడం తప్పనిసరి కాదు. అయినప్పటికీ, అనేక రకాల ఊహించలేని పరిస్థితుల నుండి మిమ్మల్ని సమర్థవంతంగా కవర్ చేయగలదు కాబట్టి, ఒక పాలసీని కలిగి ఉండటం మంచిది. ఆకస్మిక ట్రెక్కింగ్ ప్రమాదం లేదా సామాను కోల్పోవడం వల్ల వైద్యపరమైన అత్యవసర పరిస్థితి కావచ్చు; డిజిట్ అందించే పాలసీల కింద ప్రతిదీ కవర్ చేయబడుతుంది. మీరు ఆసుపత్రిలో చేరవలసి వచ్చినప్పటికీ, ఈ పాలసీల క్రింద ఖర్చులు కవర్ చేయబడతాయి.

భూటాన్ లో మీరు ప్రయాణిస్తున్నప్పుడు మీ కారును డ్రైవింగ్ చేస్తున్నట్లయితే లయబిలిటీ ఛార్జీల ఇన్సూరెన్స్ తీసుకుంటే మీ మనసు మీద ఒత్తిడిని దూరం చేస్తుంది కాబట్టి మీకు ప్రత్యేకంగా సహాయపడుతుంది. ఇది ఉచితం కానప్పటికీ, ఈ పాలసీలు USD 5,000 (BTN 4,07,291.2) సమ్ ఇన్సూర్డ్ కి, ఒక వయోజన వ్యక్తికి రోజుకు USD 0.56 (BTN 45.58) వద్ద చాలా చౌకగా లభిస్తాయి. ఇది ట్రావెల్ ఇన్సూరెన్స్ లో అత్యంత పొదుపుగా ఉండే ఎంపికలలో ఒకటిగా చేస్తుంది. జాతీయ హాలీడేలలో కూడా మీరు ఎప్పుడైనా ఫోన్ ద్వారా మమ్మల్ని సంప్రదించవచ్చు కాబట్టి డిజిట్ అందించే కస్టమర్ సేవ కూడా సౌకర్యవంతంగా ఉంటుంది.