Our WhatsApp number cannot be used for calls. This is a chat only number.
మీరు హెల్త్ ఇన్సూరెన్స్ కొనాలని చూస్తుంటే కనుక "ఒక నిమిషం ఆగు, నేను క్లెయిమ్ చేయకుంటే ఏమవుతుంది" అని మీరు అనుకుంటున్నారా?
మీ ప్రీమియం చెల్లింపులు వృథా అవుతాయని భయపడవచ్చు. అయితే మీరు ఆరోగ్యంగా ఉన్నందుకు, అంటే ఎలాంటి క్లెయిమ్‌లు చేయనందుకు కూడా మీరు రివార్డు పొందొచ్చని మీకు మేము చెప్తే?
అవును, బోనస్ గురించి మేము మాట్లాడుతున్నాం. బీమా పరిభాషలోె చెప్పాలంటే దీన్ని ‘క్యుములేటివ్ బోనస్’ అని పిలుస్తారు.
హెల్త్ ఇన్సూరెన్స్లో క్యుములేటివ్ బోనస్ అనేది ఒక పాలసీ సంవత్సరంలో ఎలాంటి క్లెయిమ్‌లు చేయకపోతే మీరు రివార్డ్‌గా పొందే ఆర్థిక ప్రయోజనం. ఇది కారు ఇన్సూరెన్స్‌లోని నో క్లెయిమ్ బోనస్కు చాలా దగ్గరగా ఉంటుంది.
అయితే, మీరు పొందే ప్రయోజనం ఒక్కో ఆరోగ్య బీమా సంస్థకు ఒక్కోలా ఉండవచ్చు. కొన్ని బీమా సంస్థలు మీ పాలసీ సంవత్సరానికి మీ ప్రీమియంలో తగ్గించి రివార్డు ఇస్తాయి. మరికొన్ని మాత్రం మీ హెల్త్ ఇన్సూరెన్స్ ప్రీమియంను పెంచకుండానే మీ హెల్త్ ఇన్సూరెన్స్కు అదనపు బీమాను అందిస్తాయి. సాధారణంగా, చాలా బీమా సంస్థలు ప్రతీ క్లెయిమ్ చేసుకోని సంవత్సరానికి బీమా మొత్తంలో 5% నుంచి 50% పెరుగుదలను అందిస్తాయి.
డిజిట్లో, ప్రతీ క్లెయిమ్ రహిత సంవత్సరానికి (గరిష్టంగా 100% ప్రయోజనంతో) 50% వరకు మీ బీమా మొత్తంలో పెరుగుదల యొక్క ప్రయోజనాన్ని మేము మీకు అందిస్తాం.
మీరు రూ. 10 లక్షల బీమాకు హెల్త్ ఇన్సూరెన్స్ పాలసీదారుడు అని అనుకుందాం. మీరు మీ మొదటి సంవత్సరంలో ఎలాంటి క్లెయిమ్‌లు చేయనట్లయితే, మీరు నేరుగా 50% పెరుగుదలను పొందొచ్చు. దీంతో మీ బీమా మొత్తం రూ. 15 లక్షలు అవుతుంది.
క్రమంగా, మీరు మీ రెండో సంవత్సరానికి ఎలాంటి క్లెయిమ్‌లు లేకుండా కొనసాగితే, మీరు మొదట్లో ప్రారంభించిన బీమా మొత్తానికి 100% వరకు పెరుగుతుంది. అంటే 20 లక్షలు అవుతుంది.
గమనిక : డిజిట్ హెల్త్ ఇన్సూరెన్స్ (కంఫర్ట్ ఆప్షన్)కు సంబంధించి క్యుములేటివ్ బోనస్‌లో ఇన్సూరెన్స్ మొత్తంలో పెరుగుదల ఎలా ఉంటుందో చెప్పడానికి ఇదో ఉదాహరణ మాత్రమే. ప్రతి బీమా సంస్థ బీమా చేసిన మొత్తం లేదా రాయితీ ప్రీమియంలో వివిధ రేట్ల మేర పెరుగుదలను అందిస్తుంటాయి.
ముఖ్యమైనది : కరోనా వైరస్ హెల్త్ ఇన్సూరెన్స్లో ప్రయోజనాలు & కవర్ అయిన వాటి గురించి మరింత తెలుసుకోండి.
క్లెయిమ్ చేయని సంవత్సరాలు |
క్యుములేటివ్ బోనస్ (డబుల్ వాలెట్ ప్లాన్) | క్యుములేటివ్ బోనస్ (ఇన్ఫినిటీ వాలెట్ అండ్ వరల్డ్‌వైడ్ ట్రీట్మెంట్ ప్లాన్) |
| 1 సంవత్సరం తర్వాత | 10% | 50% |
| రెండేళ్ల తర్వాత | 20% | 100% |
| మూడేళ్ల తర్వాత | 30% | N/A |
| నాలుగేళ్ల తర్వాత | 40% | N/A |
| ఐదేళ్ల తర్వాత | 50% | N/A |
ఆరేళ్ల తర్వాత |
60% | N/A |
| 7 సంవత్సరాల తర్వాత | 70% | N/A |
| 8 సంవత్సరాల తర్వాత | 80% | N/A |
| 9 సంవత్సరాల తర్వాత | 90% | N/A |
| 10 సంవత్సరాల తర్వాత | 100% | N/A |
ఇది మీ బీమా సంస్థపై ఆధారపడి ఉంటుంది. అయినా, సంవత్సరంలో మీ క్లెయిమ్ చాలా తక్కువగా ఉంటే, కొన్ని బీమా సంస్థలు క్యుములేటివ్ బోనస్ అందిస్తాయి. సాధారణంగా మీరు ఒక సంవత్సరంలోపు క్లెయిమ్ చేస్తే, మీ అసలు బీమా మొత్తం రెన్యువల్ అవుతుంది. ప్రస్తుత పాలసీ నియమాలు మరింత సరళంగా ఉంటాయి. మీరు తక్కువ క్లెయిమ్ చేస్తే, మీ రివార్డు తక్కువగా తగ్గుతుంది.
ఉదాహరణకు, మీరు రూ. 10 లక్షలకు బీమా చేసుకున్నారని అనుకోండి. మీరు రూ. 10,000 క్లెయిమ్ చేస్తే బీమా చేసిన మొత్తంతో పోలిస్తే ఇది చాలా తక్కువ. మీ క్యుములేటివ్ బోనస్‌లో అంతే శాతం తగ్గుతుంది.
మీ క్యుములేటివ్ బోనస్‌ను బదిలీ చేయడం సాధ్యమే అయినా.. కొత్త సంస్థ అందించే బోనస్ రకం (ప్రీమియం-ఆధారిత లేదా సమ్ ఆధారిత)పై ఆధారపడి ఉంటుంది. ఆ కంపెనీ సొంత నిబంధనలు, షరతులు వర్తిస్తాయి.
ఉదాహరణకు, మీరు 45 ఏళ్ల కంటే తక్కువ వయసు ఉన్నట్లయితే మొత్తం బోనస్‌ను బదిలీ చేయొచ్చు. 45 ఏళ్లు పైబడిన వారైతే బోనస్‌లో 50% మాత్రమే బదిలీ అవుతుంది. మీ బీమా మొత్తాన్ని పోర్ట్ చేస్తున్నప్పుడు, కొత్త సంస్థలో బీమా మొత్తాన్ని ఎంచుకోవడం కోసం మీ క్యుములేటివ్ బోనస్ పరిగణించబడుతుంది.
చాలా హెల్త్ ఇన్సూరెన్స్ కంపెనీలు కంపెనీలు వారి నో-క్లెయిమ్ లేదా క్యుములేటివ్ బోనస్ నిబంధన కింద నిర్దిష్ట పరిమితిని కలిగి ఉంటాయి. ప్రీమియంపై మీ గరిష్ట తగ్గింపు లేదా బీమా మొత్తం పెరుగుదల ఈ ఫిక్స్డ్ శాతంపై ఆధారపడి ఉంటుంది.
డిజిట్లో, మీరు వరుసగా రెండేళ్లు ఎలాంటి క్లెయిమ్‌లు చేయకపోతే మేము బీమా మొత్తంలో 100% పెరుగుదల అందిస్తాం. మొదటి క్లెయిమ్ రహిత సంవత్సరానికి 50% పెరుగుదలను అందిస్తాం.
P.S: క్యుములేటివ్ బోనస్ గడువు ముగియకుండా ఉండటానికి, మీ హెల్త్ ఇన్సూరెన్స్ పాలసీని సకాలంలో రెన్యువల్ చేసుకోవాలనే విషయం గుర్తుంచుకోండి. ఎందుకంటే మీరు ఆరోగ్యంగా ఉండటానికి ఇచ్చే బహుమతి ఇది.
మేము బీమాను చాలా సరళతరం చేస్తున్నాం. ఎంతలా అంటే ఐదేళ్ల పిల్లలు కూడా దాన్ని అర్థం చేసుకోగలరు.
మాయకు రోజూ చాక్లెట్లు తినడం చాలా ఇష్టం. ఆమె ఒక వారం పాటు చాక్లెట్లు తినకుండా ఉంటే ఆమెకు ట్రిఫుల్ కేక్, ప్రతీ ఆదివారం ఆమెకు ఇష్టమైన చాకో-బార్ ఇస్తామని ఆమె తల్లిదండ్రులు చెప్పారు. ఆమె తల్లిదండ్రుల ఆఫర్ హెల్త్ ఇన్సూరెన్స్లో క్యుములేటివ్ బోనస్ వంటిది.
Please try one more time!
