మారటోరియం మరియు ఫుల్ మెడికల్ అండర్ రైటింగ్ మధ్య వ్యత్యాసం

ప్రపంచవ్యాప్తంగా హెల్త్‌కేర్ ధరలు ఆకాశాన్నంటుతున్నందున, అనారోగ్యం పాలవడం అనేది మీరు కోరుకునే చివరి విషయం. కానీ అలా జరగడం దాని స్వభావం. మీకు హెల్త్ అసిస్టెన్స్ ఎప్పుడు అవసరం అవుతుందో మీకు తెలియదు. ఇలాంటి అనూహ్య పరిస్థితుల్లో అనారోగ్యానికి తోడుగా ఆస్పత్రి బిల్లు మిమ్మల్ని మరింత బాధిస్తుంది.

అలాంటి సమయాల్లో, మీకు హెల్త్ ఇన్సూరెన్స్ ఉంటే, అది మిమ్మల్ని ఆర్థిక షాక్‌ల నుండి మాత్రమే కాకుండా, అలాంటి సమయాలు తెచ్చే అన్ని రకాల మానసిక ఒత్తిడి నుండి కూడా మిమ్మల్ని కాపాడుతుంది.

"హెల్త్ ఇన్సూరెన్స్ లో మారటోరియం అంటే ఏమిటి" అనే దాని గురించి మాట్లాడే ముందు, "ప్రీ ఎగ్జిస్టింగ్ కండిషన్ అంటే ఏమిటి" అని తెలుసుకోవడం తప్పనిసరి. నిర్వచనం ప్రకారం, ప్రీ-ఎగ్జిస్టింగ్ డిసీజ్ (PED) అనేది మీరు మీ ఇన్సూరెన్స్ పాలసీని కొనుగోలు చేయడానికి ముందు 48 నెలలు లేదా అంతకంటే తక్కువ వ్యవధి నుండి మీకు నిర్ధారణ అయిన మరియు మీరు బాధపడుతున్న ఒక వ్యాధి.

చాలా పాలసీలు ప్రీ ఎగ్జిస్టింగ్ వ్యాధులను కవర్ చేస్తాయి, అయితే అవి నిర్దిష్ట వెయిటింగ్ పీరియడ్ తర్వాత మాత్రమే చేస్తాయి.

మారటోరియం అండర్ రైటింగ్ అనేది ఒక ఇన్సూరెన్స్ రకం, ఇందులో ఇన్స్యూరర్ గత ఐదు సంవత్సరాల నుండి ఉన్న అన్ని ప్రీ ఎక్జిస్టింగ్ కండిషన్స్ ను ఒక నిర్దిష్ట కాలం వరకు వెయిటింగ్ పీరియడ్ వలె మినహాయించి, ఆ తర్వాత వాటిని కవర్ చేస్తారు.

హెల్త్ ఇన్సూరెన్స్ లో సాధారణ వెయిటింగ్ పీరియడ్ నుండి మారటోరియం పీరియడ్ ఎలా భిన్నంగా ఉంటుంది?

మరి! మారటోరియంలో, మీ ప్రీ ఎక్జిస్టింగ్ వ్యాధుల గురించి ఎలాంటి వివరాలను అడగరు, కానీ సాధారణంగా, గత ఐదు సంవత్సరాల నుండి మీకు ఉన్న అన్ని ఆరోగ్య రుగ్మతలు మినహాయించబడతాయి. ప్రతి ఇన్సూరెన్స్ ప్రొవైడర్‌కు మారటోరియం గురించి వారి స్వంత నిర్వచనం ఉంటుందని గుర్తుంచుకోండి మరియు ఇది ఒక కంపెనీ నుండి ఇంకో కంపెనీ కి భిన్నంగా ఉంటుంది.

ఫుల్ వైద్య అండర్ రైటింగ్ కింద, దరఖాస్తుదారుడు తన పూర్తి వైద్య చరిత్రను ఇన్సూరెన్స్ ప్రొవైడర్‌కు వెల్లడించాల్సి ఉంటుంది, దీని ఆధారంగా కంపెనీ కాంప్రహెన్సివ్ హెల్త్ కవరేజీని లేదా కింది వాటిలో దేనినైనా నిర్ణయిస్తుంది:

• ప్రీ ఎక్జిస్టింగ్ కండిషన్స్ మీ మెడికల్ కవరేజీలో కవర్ చేయబడవు.
• క్లయిమ్ ఆవశ్యకత యొక్క సంభావ్యత పెరిగిన కారణంగా మీ ప్రస్తుత ప్రీమియమ్‌కు “సర్‌ఛార్జ్” జోడించబడవచ్చు.
• ప్రీ ఎక్జిస్టింగ్ కండిషన్స్ పూర్తిగా అంగీకరించబడతాయి.
• అప్లికేషన్ పూర్తిగా తిరస్కరించబడింది.

రెండు విధానాలకు వాటి స్వంత లక్షణాలు, ప్రయోజనాలు మరియు అప్రయోజనాలు ఉన్నాయి. ఈ రెండింటిని పక్కపక్కన ఉంచి పోల్చకూడదు, బదులుగా, మీకు ఏది బాగా సరిపోతుంది అనే దాని ఆధారంగా వాటిని అంచనా వేయాలి.

ప్రీ ఎక్జిస్టింగ్ వ్యాధులు లేని ఆరోగ్యవంతమైన వ్యక్తికి, ఫుల్ మెడికల్ అండర్‌రైటింగ్ మరింత అనుకూలంగా ఉంటుంది, అయితే అనారోగ్యం చరిత్ర ఉన్న ఎవరైనా మారటోరియం విధానాన్ని పరిగణించవచ్చు. కాకపోతే, ఇంతకు ముందే చెప్పినట్లుగా, దేనికదే స్వంత లక్షణాలను కలిగి ఉంటాయి మరియు నిర్ణయం పూర్తిగా ఇన్సూరెన్స్ చేసినవారి ఆరోగ్యం మరియు అవసరాలపై ఆధారపడి ఉంటుంది.