సీఎన్​జీ (CNG) కార్ ఇన్సూరెన్స్

మీకు ఇప్పటికే సీఎన్​జీ వాహనం ఉంటే లేదా పెరుగుతున్న ఇంధన ధరలకు ప్రత్యామ్నాయంగా సీఎన్​జీకి మారాలని అనుకుంటున్నట్లయితే.. మీకు ఇప్పటికే ఉన్న కార్​ ఇన్సూరెన్స్ సరిపోదు. అందుకోసం మీరు ప్రత్యేకంగా సీఎన్​జీ కార్ ఇన్సూరెన్స్​ని తీసుకోవాల్సి ఉంటుంది. అదేంటో ఇక్కడ చదవండి.

సీఎన్​జీ వాహనాలు ప్రత్యేక స్పెసిఫికేషన్​లను కలిగి ఉంటాయి. మీ వాహన ఇన్సూరెన్స్​ను సీఎన్​జీకి మార్చినపుడు కొన్ని నిబంధనలను పాటించాల్సి ఉంటుంది. ఇది మీ వాహన పనితీరును, ఇన్సూరెన్స్ ప్రీమియాన్ని, పర్యావరణాన్ని కూడా ప్రభావితం చేస్తుంది.

సీఎన్​జీ వాహనాల గురించి ఇటీవల బాగా వినబడుతోంది. బడ్జెట్​లో ఉంటూ, అన్ని విధాలా బాగుండే వాహనం కావాలంటే ఇవి మనకు చాలా మంచి ఆప్షన్​గా కనిపిస్తున్నాయి.

సీఎన్​జీ (కంప్రెస్డ్ న్యాచురల్ గ్యాస్) అనేది మీకు రెగ్యులర్ ఇంధనం లాగానే మైలేజీని అందిస్తుంది. కానీ సీఎన్​జీ ధర మామూలు ఇంధనం ధరలో మూడో వంతు మాత్రమే ఉంటుంది. సాంప్రదాయ పెట్రోల్, డీజిల్ వాహనాలకు ఇది గొప్ప ప్రత్యామ్నాయంగా ఉంటుంది.

అదనంగా దీని నుంచి చాలా తక్కువ స్థాయిలో కర్బన ఉద్గారాలు బయటకి వస్తాయి. తద్వారా ఇది పర్యావరణానికి ఎంతో మేలు చేస్తుంది.

మీ వాహనానికి సీఎన్​జీ కిట్​ను అమర్చేందుకు రెండు విధానాలు ఉన్నాయి.

బయటినుంచి ఇన్​స్టాల్​ చేసే సీఎన్​జీ కిట్

మీ పాత పెట్రోల్ కారును సీఎన్​జీ కారుగా మార్చడం సాధ్యమవుతుందని మీకు తెలుసా? మీ కారులో ఒక కొత్త సీఎన్​జీ కిట్​ను ఇన్​స్టాల్ చేస్తే సరిపోతుంది. మంచి నాణ్యత ఉన్న సీఎన్​జీ కిట్​కు దాదాపు రూ. 50,000 వరకు ఖర్చవుతుంది. సాధారణంగా ఈ కిట్​ను కారు ట్రంక్​లో అమరుస్తారు.

ఇది చాలా తొందరగా పాడవుతుంది. కావున మీరు మీ ఇన్సూరెన్స్ సంస్థతో కిట్​కు విడిగా ఇన్సూరెన్స్ చేయించాల్సి ఉంటుంది.

అంతర్గతంగా అమర్చే సీఎన్​జీ కిట్

కొన్ని వాహనాల్లో సీఎన్​జీ కిట్ అనేది మీ కారుతో పాటే వస్తుంది. సీఎన్​జీ కిట్​ను తయారీదారులే అమర్చి పంపుతారు. అంటే మీరు ఇన్సూరెన్స్ కొనుగోలు చేసేటపుడు సీఎన్​జీ ఆప్షన్ ఉన్న ఇన్సూరెన్స్​ను మాత్రమే ఎంచుకుంటే సరిపోతుంది.

కారు ఇన్సూరెన్స్ ప్రీమియంను చాలా అంశాలు ప్రభావితం చేస్తాయి. ఆ కారులో వాడే ఇంధనం రకం, దాని ఇన్సూర్డ్ డిక్లేర్డ్​ వాల్యూ (IDV) తదితరాలు. మీరు కనుక మీ కారు ఇన్సూరెన్స్​కు సీఎన్​జీ కిట్​ను జత చేస్తే మీ ప్రీమియం విలువ ఇంకా పెరిగే అవకాశం ఉంటుంది.

సీఎన్​జీ కార్లలో ప్రీమియం విలువ సాధారణంగా రూ. 60 పెరుగుతుంది. కేవలం థర్డ్ పార్టీ పాలసీల్లో మాత్రమే కొన్ని రకాల అదనపు పన్నులు కూడా ఉంటాయి. అదే మీరు కాంప్రహెన్సివ్ పాలసీని తీసుకుంటే.. సీఎన్​జీ కిట్ కారుతో వచ్చిందా? లేదా తర్వాత అమర్చారా? అనే ఆంశాన్ని చూస్తారు.

బయటినుంచి ఇన్​స్టాల్​ చేసిన సీఎన్​జీ కిట్లకు

మీరు మీ కారులో కొత్త సీఎన్​జీ కిట్​ను అమర్చుకున్నపుడు, ఆ విషయాన్ని తప్పనిసరిగా మీ ఇన్సూరెన్స్ సంస్థకు తెలియజేయాలి.

సీఎన్​జీ వాహనాలకు నిర్వహణా వ్యయం ఎక్కువగానే ఉంటుంది. అంతేగాక ఇన్​స్టలేషన్ ఖర్చు కూడా అధికంగానే ఉంటుంది. (మంచి సీఎన్​జీ కిట్​కు దాదాపు రూ. 50,000 వరకు ఖర్చవుతుంది). అంటే మీ కిట్ విలువ మీద మీ ప్రీమియం 4-5 శాతం పెరుగుతుంది.

సీఎన్​జీ కిట్లతో వచ్చే వాహనాలకు

ముందుగా సీఎన్​జీ అమర్చిన వాహనానికి వేరే ఇతర వాహనం మాదిరిగానే ఇన్సూరెన్స్ చేయించుకోవచ్చు. అంతేగాక ఆర్​సీ (RC) బూత్​ను సీఎన్​జీ సీల్​తో మార్చుకుని కూడా సీఎన్​జీ ఇన్సూరెన్స్​ను చేయించుకోవచ్చు.

పెట్రోల్ లేదా డీజిల్​తో నడిచే వాహనానికి మీరు కట్టే ప్రీమియం కంటే సీఎన్​జీ వాహనానికి కట్టే ప్రీమియం కాస్త ఎక్కువగానే ఉంటుంది.

మీ వాహనంలో సీఎన్​జీ కిట్​ను ఇన్​స్టాల్ చేసుకోవడం లేదా సీఎన్​జీ అమర్చిన కారును కొనుక్కోవడం వలన పెరుగుతున్న ఇంధన ధరల నుంచి మీరు ఉపశమనం పొందవచ్చు.

మీ కారును సీఎన్​జీకి మార్చే ముందు, కొత్త సీఎన్​జీ కార్ ఇన్సూరెన్స్ తీసుకునే ముందు తీసుకోవాల్సిన జాగ్రత్తలు కొన్ని ఉన్నాయి.

ఇంధన లభ్యత

మీరు సీఎన్​జీకి మారాలని నిర్ణయించుకున్నపుడు మీ ప్రాంతంలో సీఎన్​జీ ఇంధన లభ్యతను గురించి తెలుసుకోవాలి. అలాగే సీఎన్​జీ ఇంధనాన్ని నింపుకోవడానికి మీరు ఎంత దూరం ప్రయాణించాల్సి ఉంటుందనేది కూడా అంచనా వేసుకోండి. మీరు కేవలం ఇంధనం నింపుకోవడం కోసమే ఎక్కువ ఇంధనాన్ని ఖర్చు చేయాల్సిన పరిస్థితి రాకుండా చూసుకునేందుకు ప్రయత్నించండి.

ధర వర్సెస్​ పనితీరు

సీఎన్​జీ వాహనాలు మంచి పనితీరును కలిగి ఉంటాయి. అయితే పెట్రోల్ ఇంజన్​తో పోల్చినపుడు దీని పనితీరు బోసిపోతుంది.

సీఎన్​జీ ఇంధనంతో వాహనాన్ని నడపడం వలన మీకు ఇంధనం ఎక్కువ కాలం, దూరం పాటు వస్తుంది. కానీ అదే సమయంలో మీ కారు కూడా పాడవుతుంది.

మీ పెట్రోల్ ఇంజన్​తో పోల్చినపుడు థ్రోటిల్ రెస్పాన్స్ కొంచెం తగ్గుతుంది. మీ పెట్రోల్ వాహనంతో వచ్చిన అనుభూతిని మీరు సీఎన్​జీతో నడిచే వాహనంతో పొందలేరు. అంతేగాక మీరు తరుచూ మీ కారును సర్వీసింగ్​కు ఇవ్వాల్సి వస్తుంది.

ఇలా జరగడానికి ఒక కారణం కూడా ఉంది. ఇంధనం అనేది సిలిండర్ వాల్వు​కు ల్యూబ్రికెంట్​గా పని చేస్తుంది. కాబట్టి ఇంజన్ త్వరగా పాడుకాదు. కానీ సీఎన్​జీలో మాత్రం ఇలా జరగదు. అందుకే ఇంజన్ త్వరగా తుప్పు పడుతుంది.

ఎక్స్​టర్నల్​ లేదా అంతర్గత సీఎన్​జీ కిట్లు

మీ వాహనానికి సీఎన్​జీ కిట్​ను అమర్చేందుకు రెండు రకాల విధానాలు అందుబాటులో ఉన్నాయి. 1) మీ పాత వాహనానికి సీఎన్​జీ కిట్​ను అమర్చడం 2) సీఎన్​జీ అమర్చి ఉన్న కొత్త వాహనాన్ని తీసుకోవడం. ఈ రెండింటిలో ఏది మంచి ఎంపిక అని చాలా మంది చూస్తారు. మీరు మీ పాత వాహనానినికి సీఎన్​జీ కిట్​ను అమర్చుకోవడం కంటే సీఎన్​జీ అమర్చిన కొత్త వాహనాన్ని తీసుకోవడమే మంచిది. ఫ్యాక్టరీలో సీఎన్​జీ కిట్ అమర్చిన వాహనానికి వారంటీ కూడా వస్తుంది.

నిర్వహణా వ్యయం

పెట్రోల్ లేదా డీజిల్ వాహనాలతో పోల్చినపుడు సీఎన్​జీ వాహనానికి మెయింటెనెన్స్ చాలా అవసరం. మీ కారు లీకేజీ, వైర్ లాసింగ్ నుంచి కాపాడుతూ ఉండాలి. తరుచూ తనిఖీ చేస్తూ ఉండాలి.

మామూలు పెట్రోల్, డీజిల్ కారుతో పోలిస్తే సీఎన్​జీ అమర్చిన కారుకు ఎక్కువ ప్రీమియం చెల్లించాల్సి వస్తుంది. కానీ అది ఎంతో విలువైనది.

ముందుగా అందరూ తెలుసుకోవాల్సింది సీఎన్​జీ ఇంధనం పెట్రోల్, డీజిల్ కన్నా చాలా తక్కువ ధరకు వస్తుంది. అంతేగాక ఇది పర్యావరణానికి ఎలాంటి నష్టమూ చేయదు. మీ కారు నుంచి కర్బన ఉద్గారాలు చాలా తక్కువగా వెలువడుతాయి. ఇవి మీ కారు జీవితకాలాన్ని పెంచడంలో సహాయపడతాయి.

అటు పర్యావరణానికైనా, ఇటు మీ బడ్జెట్​కైనా సీఎన్​జీ అనేది చాలా ఫ్రెండ్లీగా ఉంటుంది. కావున మీ కారులో వెంటనే సీఎన్​జీ కిట్​ను అమర్చండి. తక్కువ ఖర్చుతో ప్రయాణించండి.