ઈન્ટરનેશનલ ટ્રાવેલ ઈન્સ્યોરન્સ

Premium Starting ₹395

24x7 Missed Call Facility

ચેક પ્રીમિયમ ચેક પ્રીમિયમ

false

Check Price

Travel Insurance

Trip Type

Single

Multi

Oops! We don’t service this country for now.

Select Destination of Travel

Select geography

Country
Geography

Popular Countries

Leaving date

Return date

Start Date

Valid till {{ travelCtrl.getValidDate(travelCtrl.policyStartDate, 364) }}

+91 Mobile Number

ભારતમાંથી જર્મની વિઝા

ભારતમાંથી જર્મની ટૂરિસ્ટ વિઝા વિશે બધું

જર્મનીની મુસાફરી માટે કદાચ એક કરતાં વધુ કારણ છે. તેના વાઇબ્રન્ટ અને કલાત્મક શહેરોથી લઈને તેના અનોખા અને આકર્ષક ગ્રામ્ય વિસ્તારો સુધી, જર્મની તમારી આગામી ટ્રાવેલ ડેસ્ટિનેશન માટે એક સુંદર દેશ છે. ઑક્ટોબર ફેસ્ટ અને બર્લિન ફિલ્મ ફેસ્ટિવલ જેવી ઇવેન્ટનું ઘર, જર્મની તમામ કળાશિક્ષાનું પણ પ્રખ્યાત કેન્દ્ર છે. પરંતુ, તમે આગળ વધો અને તમારા ટ્રાવેલ સપનાં રંગવાનું શરૂ કરો તે પહેલાં- વિઝા માટે અરજી કરો અને પછી સ્કાય ઈઝ લિમિટ.

શું ભારતીયોને જર્મની માટે વિઝાની જરૂર છે?

હા, ભારતીય પાસપોર્ટ ધારકોને જર્મની માટે શેંગેન વિઝાની જરૂર છે. આ સાથે, તમે શેંગેન વિસ્તારના અન્ય 25 દેશોની પણ મુલાકાત લઈ શકો છો. વિઝા મળ્યા પછી, ભારતીય નાગરિકોને મહત્તમ 90 દિવસ સુધી રહેવાની મંજૂરી આપવામાં આવે છે. જોકે, ખાતરી કરો કે તમારો પાસપોર્ટ જર્મનીમાં તમારા આગમનની તારીખથી ઓછામાં ઓછા 3-મહિના માટે માન્ય છે.

શું ભારતીય નાગરિકો માટે જર્મનીમાં વિઝા ઓન અરાઈવલ છે?

ના, જર્મની અને અન્ય યુરોપિયન દેશો વિઝા ઓન અરાઈવલ ઓફર કરતા નથી. જર્મની જવા ઇચ્છતા પ્રવાસી ભારતીય નાગરિકો માટે પૂર્વ-મંજૂર કરેલ વિઝાની આવશ્યકતા છે.

જર્મનીના ટૂરિસ્ટ વિઝા માટે જરૂરી દસ્તાવેજો

શેંગેન વિઝા માટે અરજી કરતી વખતે, તમારે નીચેના દસ્તાવેજોની જરૂર પડશે:

યોગ્ય રીતે ભરેલ અરજી ફોર્મ
35X45mm પરિમાણોના બે સરખા, રંગીન ફોટા. ખાતરી કરો કે તે તમારો 70-80% ચહેરો દર્શાવે છે.
માન્ય પાસપોર્ટ 10 વર્ષથી વધુ જૂનો નથી. તે જર્મની અથવા અન્ય કોઈપણ શેંગેન દેશથી તમારા પ્રસ્થાનની તારીખથી ઓછામાં ઓછા 3 મહિના માટે માન્ય હોવો જોઈએ.
ટ્રાવેલના પુરાવાના સંદર્ભમાં આવક અને જાવકની હવાઈ ટિકિટ.
રોકાણના પુરાવોના સંદર્ભમાં હોટલ અથવા એરબીએનબી બુકિંગ.
ન્યૂનતમ EUR 30,000નો હેલ્થ ઇન્શ્યુરન્સ કવરેજ ધરાવતી ટ્રાવેલ ઇન્શ્યુરન્સ પોલિસી.
છેલ્લા 6 મહિનાનું બેંક સ્ટેટમેન્ટ, તમારી જાતને ટેકો આપવા માટે પૂરતા નાણાકીય માધ્યમોના પુરાવા તરીકે.
ટ્રાવેલ કરવાનો તમારો ઉદ્દેશ્ય સમજાવતો કવર લેટર.
સ્કૂલ આઈડી/કોલેજ આઈડી/કંપની રજીસ્ટ્રેેશન/રિટાયરમેન્ટનો પુરાવો.
સંબંધિત વિઝા માટે ચૂકવેલ ફીનો પુરાવો.

ભારતીય નાગરિકો માટે જર્મની વિઝા ફી

ભારતીય નાગરિકો માટે વિઝાના પ્રકારને ધ્યાનમાં લીધા વગર જ જર્મની વિઝા ફીમાં પુખ્તો માટે લગભગ EUR 75 અને બાળકો માટે 37.50 EUR વસૂલવામાં આવે છે. પરંતુ અમુક લોકોને ફીમાંથી છૂટ/મુક્તિ આપવામાં આવેલ છે, જેમાં નીચેનાનો સમાવેશ થાય છે:

6 વર્ષથી ઓછી ઉંમરના બાળકો.
NGOની ઈવેન્ટ્સ, સ્પોર્ટ્સ, કોન્ફરન્સમાં ભાગ લેતા પ્રતિનિધિઓ અને જેમની ઉંમર 25 વર્ષથી ઓછી છે.
વૈજ્ઞાનિક સંશોધન માટે ટ્રાવેલ કરતા ત્રીજા દેશોના સંશોધકો.
અભ્યાસ માટે મુસાફરી કરતા વિદ્યાર્થીઓ, સ્નાતકો અથવા અંડરગ્રેજ્યુએટ.

જર્મનીના ટૂરિસ્ટ વિઝા માટે કેવી રીતે અરજી કરવી?

જર્મનીના ટૂરિસ્ટ વિઝા માટે અરજી કરવાની પ્રક્રિયા નીચે મુજબ સરળ છે:

વિઝા એપ્લિકેશન ફોર્મ ડાઉનલોડ કરો અને તેને કાળજીપૂર્વક ભરો.
વિઝા એપ્લિકેશન સેન્ટર અથવા એમ્બેસીમાં એપોઇન્ટમેન્ટ લો.
ઉપર ઉલ્લેખિત વિઝા ફી ચૂકવો.
નિર્ધારિત તારીખે ઇન્ટરવ્યુમાં હાજરી આપો.
બધી જરૂરી માહિતી અને બાયોમેટ્રિક સબમિટ કરો.
પ્રતિનિધિઓના પ્રતિભાવની રાહ જુઓ.
તમારો પાસપોર્ટ એકત્રિત કરો અને વિઝાની મંજૂરી/અસ્વીકાર મેળવો.

જર્મની ટૂરિસ્ટ વિઝા પ્રોસેસિંગ ટાઈમ

જર્મની ટૂરિસ્ટ વિઝા પ્રોસેસિંગમાં લગભગ 15 દિવસ લે છે. પરંતુ કેટલાક કિસ્સાઓમાં સમય 30 દિવસ સુધી પણ લંબાઈ શકે છે.

શું મારે જર્મની માટે ટ્રાવેલ ઇન્શ્યુરન્સ ખરીદવો જોઈએ?

શેંગેન વિઝાની આવશ્યકતાઓ મુજબ, તમામ ભારતીય પ્રવાસીઓ માટે જર્મનીનો ટ્રાવેલ ઇન્શ્યુરન્સ ફરજિયાત છે. જોકે આ ફરજિયાતપણાને કારણે જ ટ્રાવેલ ઇન્શ્યુરન્સ લેવો, એ તમારું કારણ ન હોવું જોઈએ! છેવટે, આપણે ગમે તેટલું પ્લાનિંગ કરીએ - કેટલીક વસ્તુઓ, ઘટનાઓ ઘટી જ જાય છે. આવી પરિસ્થિતિઓમાં જર્મની માટેનો આંતરરાષ્ટ્રીય ટ્રાવેલ ઇન્શ્યુરન્સ તમારો ઉદ્ધારક હશે- તમામ અણધાર્યા સંજોગો સામે તમારું રક્ષણ કરવા સજ્જ હશે. આ સંજોગો ફ્લાઇટમાં વિલંબ જેવા નાનાથી લઈને મોટી દુર્ઘટનાઓ જેવી કે મેડિકલ ઇમરજન્સી અથવા ટ્રિપ રદ કરવા સુધીના કંઈપણ કારણ હોઈ શકે છે.

નીચે આપેલા કેટલાક સંજોગોનો તમને સામનો કરવો પડી શકે છે અને ટ્રાવેલ ઇન્શ્યુરન્સ તમને તેના કારણે થતા કોઈપણ નુકસાનથી કેવી રીતે બચાવી શકે છે તેની માહિતી:

ટ્રિપ કેન્સલેશન: તમે ટ્રિપ પૂર્ણ કરી શકતા નથી અથવા શરૂ કરી શકતા નથી અને તમારે રદ્દ કરવું પડે તેવી પરિસ્થિતિમાં તમારો ટ્રાવેલ ઇન્શ્યુરન્સ તમારી ટ્રિપના રિફંડપાત્ર ખર્ચ માટે ચૂકવણી કરીને મદદ કરશે.
કનેક્ટિંગ ફ્લાઇટ ચૂકી જાવ: ધારો કે તમે તમારી કનેક્ટિંગ ફ્લાઇટ ચૂકી ગયા છો, તો તમારો ટ્રાવેલ ઇન્શ્યુરન્સ તેના કારણે થયેલા નુકસાનની ભરપાઈ કરી શકે છે.
ઇજા અથવા માંદગી: હવામાન ખરાબીના કિસ્સામાં અથવા તમારી ટ્રિપ દરમિયાન અકસ્માતનો સામનો કરો છો તો તમારો ટ્રાવેલ ઇન્શ્યુરન્સ તેના તમામ મેડિકલ ખર્ચાઓ માટે વળતર આપશે.
સામાનની ખોટ અથવા સામાનમાં વિલંબ: જો તમારો સામાન ક્યારેય ન પહોંચે અથવા થોડો મોડો આવે. અમુક કિસ્સામાં જ્યારે તમારો વિતેલો સમય અથવા તમારો ખોવાયેલો સામાન બંને હંમેશા પાછા લાવી શકાતા નથી- તમારો ટ્રાવેલ ઇન્શ્યુરન્સ હજુ પણ તમને રકમ સાથે વળતર આપશે.
પાસપોર્ટ ગુમાવવો: દુર્ભાગ્યપૂર્ણ કિસ્સામાં તમે મુસાફરી દરમિયાન તમારો પાસપોર્ટ ગુમાવો છો, ત્યારે તમારો ટ્રાવેલ ઇન્શ્યુરન્સ તમને નવો પાસપોર્ટ મેળવવામાં મદદ કરશે, જ્યારે તેના કારણે થતા નુકસાનને પણ આવરી લેશે.
ઈમરજન્સી મેડિકલ ઈવેક્યુએશન: મેડિકલ ઈમરજન્સીના અત્યંત કમનસીબ કિસ્સામાં જો તમને અથવા પરિવારના કોઈ સભ્યને જર્મનીમાંથી બહાર કાઢવાની જરૂર પડે તો તમારો ટ્રાવેલ ઇન્શ્યુરન્સ તેની કાળજી લેશે.

ભારતમાંથી જર્મની ટૂરિસ્ટ વિઝા વિશે વારંવાર પૂછાતા પ્રશ્નો

All

શું વિઝા અરજી પ્રક્રિયા દરમિયાન ટ્રાવેલ ઇન્શ્યુરન્સ માટે અરજી કરવી જરૂરી છે?

તમારી વિઝા અરજી અને સ્વીકૃતિ પ્રક્રિયા સફળતાપૂર્વક પૂર્ણ કરવા માટે ટ્રાવેલ ઇન્શ્યુરન્સ હોવો કાયદા હેઠળ ફરજિયાત છે. ટ્રાવેલ ઇન્શ્યુરન્સ ન હોવાના કારણે વિઝા રિજેક્ટ થઈ શકે છે.

અરજી પ્રક્રિયા દરમિયાન મારે મારી નાણાકીય સ્થિતિનો ઉલ્લેખ કરવો પડશે?

હા, તમારે પાછલા 3 મહિનાના તમારા બેંક એકાઉન્ટ સ્ટેટમેન્ટ સબમિટ કરવા પડશે. સત્તાધીશો તેમના પર એક નજર નાખશે અને નક્કી કરશે કે તમે વિઝા માટે લાયક છો કે નહીં.

શું ભારતીય મુલાકાતીઓ જર્મનીમાં વિઝા ઓન અરાઈવલ મેળવી શકે છે?

ના. જર્મનીમાં લગભગ દરેક અન્ય યુરોપિયન દેશની જેમ, વિઝા ઓન અરાઈવલ માટે કોઈ સ્કીમ નથી. તમારે પ્રાદેશિક જર્મન કોન્સ્યુલેટમાં અગાઉથી અરજી કરવી પડશે .

શું હું શેંગેન વિઝા પર જર્મની જઈ શકું?

હા, જર્મની શેંગેન પ્રદેશનો એક ભાગ છે. તમે શેંગેન વિઝા પર જર્મની જઈ શકો છો. અરજી પ્રક્રિયા સમાન છે.

હું કેવી રીતે જાણી શકું કે મારા વિઝા એપ્લિકેશન અને પ્રોસેસિંગ માટેના ચાર્જિસ શું છે?

તમે જર્મનીના પ્રવાસન મંત્રાલયની ઓફીસિયલી વેબસાઈટ પર લોગ ઇન કરીને સરળતાથી આ ચાર્જિસ અંગે જાણી શકો છો. અમુક પ્રસંગોએ, જ્યારે દરોમાં ફેરફાર થાય છે ત્યારે લોકોને ફેરફારો વિશે જાગૃત કરવા માટે મુખ્ય પ્રકાશનોમાં જાહેરાતો આપવામાં આવે છે.