હેલ્થ ઇન્સ્યોરન્સ 80Dના ટેક્સ ફાયદા - વાર્ષિક 31200 સુધીની બચત કરો

કલ્પના કરો! માત્ર એક સરળ સ્ટે૫ અનુસરવાથી તમને બે ફાયદા મળે છે; કેટલું અદ્ભુત છે, નહિ? હેલ્થ ઇન્સ્યોરન્સ પ્લાન રાખવાની બાબત એવી છે કે તમને બંને, ટેક્સ ફાયદા સાથે મેડિકલ કટોકટીમાં નાણાકીય સિક્યુરિટી પણ જોડે મળે છે! ચૂકવેલ હેલ્થ ઇન્સ્યોરન્સ પ્રીમિયમ ઇન્કમટેક્સ એક્ટના સેક્શન 80D હેઠળ ટેક્સ ફાયદા આપે છે.

હેલ્થ ઇન્સ્યોરન્સ પર મને કેટલા ટેક્સ ફાયદા મળી શકે છે?

હેલ્થ ઇન્સ્યોરન્સ પ્રીમિયમ ઇન્કમટેક્સ એક્ટના સેક્શન 80D હેઠળ ટેક્સ ફાયદા આપે છે.

સિનિયર સિટીઝન માટે હેલ્થ ઇન્સ્યોરન્સ પ્રીમિયમ હંમેશા વધુ હોય છે. ઇન્સ્યોરન્સ કંપની પણ વૃદ્ધ અથવા પહેલાથી અસ્તિત્વમાં રહેલી બિમારીઓથી પીડાતા લોકોને મેડિકલ ઇન્સ્યોરન્સ આપવામાં અણગમો દર્શાવે છે.

જોકે, બજેટ 2018 એવા સિનિયર સિટીઝન માટે થોડી રાહત સાથે આવ્યું છે કે જેઓ ઉચ્ચ તબીબી ખર્ચ ધરાવે છે અને અગાઉથી અસ્તિત્વમાં રહેલી બિમારીઓને કારણે હેલ્થ ઇન્સ્યોરન્સ પોલિસી ખરીદવામાં અસમર્થ છે અથવા ઉચ્ચ પ્રીમિયમ ચૂકવવાનું પરવડી શકતા નથી.

બજેટમાં સિનિયર સિટીઝન પર થતા મેડિકલ ખર્ચ માટેના ડિડક્શનને મંજૂરી આપતા સેક્શન 80Dમાં સુધારો કરવામાં આવ્યો છે. જો બાળકો તેમના વરિષ્ઠ નાગરિક માતાપિતા માટે તબીબી ખર્ચ ઉઠાવતા હોય તો વરિષ્ઠ નાગરિક પોતે/તેના/તેણીના બાળકો દ્વારા આ ડિડક્શન ક્લેમ કરી શકાય છે. 

 [સ્ત્રોત]

વધુ જાણો

• સિનિયર સિટીઝન માટે ઇન્કમ ટેક્સ ફાયદા
• કોરોના વાયરસ હેલ્થ ઇન્સ્યોરન્સ

ડિડક્શન ક્લેમ કરવા માટે કયા ડોક્યુંમેન્ટ જરૂરી છે?

ડિડક્શન ક્લેમ કરવા માટે માત્ર જરૂરી ડોક્યુંમેન્ટ તમારી પ્રીમિયમ પેમેંટની રસીદ અને પરિવારના સભ્યોના નામ અને તેમના સંબંધ અને ઉંમર દર્શાવતી તમારી ઇન્સ્યોરન્સ પોલિસીની નકલ જ છે. પેરેન્ટ્સ પોલિસી માટે ચૂકવેલ પ્રીમિયમના કિસ્સામાં, પ્રસ્તાવકર્તા (ઇન્સ્યોરન્સ ક્લેમ લેનાર)એ પોતાના નામની પેમેંટ ડિટેલ્સ આપીને ઇન્સ્યોરન્સ કંપની પાસેથી 80D સર્ટિફિકેટ માંગવું જોઈએ.

યાદ રાખવા માટેના મહત્વપૂર્ણ મુદ્દાઓ:

• તમારી પોલિસીમાં ટેક્સ છૂટનો કાળજીપૂર્વક અભ્યાસ કરો.
• રોકડમાં પ્રીમિયમ ચૂકવવાનું ટાળો.
• જો તમે તમારા માટે અથવા તમારા માતાપિતા માટે હેલ્થ ઇન્સ્યોરન્સ ખરીદો અને તમે અને તમારા માતાપિતા બંને સિનિયર સિટીઝન છો તો સેક્શન 80D હેઠળ મહત્તમ ડિડક્શન 1,00,000 રૂપિયા હોઈ શકે છે.
• HUF (હિન્દુ અવિભાજિત કુટુંબ) પણ HUFના કોઈપણ સભ્યના હેલ્થ ઇન્સ્યોરન્સ માટે ચૂકવવામાં આવેલા પ્રીમિયમ માટે આ ડિડક્શન ક્લેમ કરી શકે છે
• ડિડક્શનનો લાભ લેવા માટે, પ્રીમિયમ રોકડ સિવાયના કોઈપણ મોડમાં ચૂકવવું જોઈએ. જો કે, પ્રીવેન્ટિવ હેલ્થ ચેક-અપ માટે ચૂકવણી રોકડ પેમેંટમાં સ્વીકાર્ય છે.
• સેક્શન 80D હેઠળના ફાયદા સેક્શન 80C હેઠળ રૂ. 1.5 લાખની મર્યાદાથી ઉપર ઉપલબ્ધ છે.
• સિનિયર સિટીઝનના ડિડક્શન માટે ઉપલબ્ધ રકમ મેડિકલ ખર્ચ પર પણ ખર્ચી શકાય છે.
• એક જ સમયે ચૂકવવામાં આવેલ હેલ્થ ઇન્સ્યોરન્સ પ્રીમિયમ ઇન્સ્યોરન્સ કવરના વર્ષોની સંખ્યા માટે ટેક્સ ફાયદા આપે છે.