1. વ્યક્તિગત હેલ્થ ઇન્સ્યોરન્સ
તેનું નામ જ સૂચવે છે આ એક વ્યક્તિગત હેલ્થ ઇન્સ્યોરન્સ પૉલિસી છે, તે માત્ર એક વ્યક્તિની સારવાર ખર્ચને આવરી લે છે. આ કવર તમારા માટે, તમારા જીવનસાથી અને બાળકો સહિત માતાપિતા માટે મેળવી શકાય છે.
આ પ્લાન્ હેઠળ, કુટુંબના દરેક સભ્યને વ્યક્તિગત વીમાની રકમ મળે છે. દાખ તરીકે; જો તમારા પ્લાનની વીમા રકમ રૂ. 10 લાખ છે, તો કુટુંબના દરેક સભ્યને તે પોલિસીના સમયગાળા માટે પ્રત્યેકને 10 લાખ સુધીનો ઉપયોગ કરવા મળે છે, એટલે કે જો તમે ત્રણ સભ્યો માટે વ્યક્તિગત પ્લાન ખરીદતા હોવ, તો ત્રણ માટે સામૂહિક વીમાની રકમ રૂ. 30 લાખ હશે.
તેનો અર્થ એ છે કે જો એક જ સમયે તમારા પરિવારના તમામ/એક કરતાં વધારે સભ્યોને કંઈક થાય છે, તો આ હેલ્થ ઇન્સ્યોરન્સ પૉલિસી અલગ-અલગ વીમાની રકમને કારણે તે બધાને આવરી લેવા માટે પૂરતી હશે.
2. ફેમિલી ફ્લોટર હેલ્થ ઈન્સ્યોરન્સ
આવા પ્લાન્સ હેઠળ, એક પોલિસી હેઠળ તમામ વ્યક્તિઓ માટે એક જ વીમાની રકમ ઉપલબ્ધ છે. આ સમગ્ર રકમને કોઇ એક વ્યક્તિની સારવાર માટે ખર્ચી શકાય છે, જો કે અન્ય કિસ્સાઓમાં અન્ય મેડિકલ ઇમરજન્સીની સ્થિતિમાં ત્યાર પછીના ક્લેઈમને કવર કરવામાં આવતા નથી.
સિનિયર સિટીઝન ફેમિલી ફ્લોટર પ્લાન હેઠળ પાત્રતા ધરાવતા નથી, કારણ કે તેમની મેડકિલ જરૂરિયાતો વધુ જટિલ હોય છે.
ફેમિલી ફ્લોટર હેલ્થ ઇન્સ્યોરન્સ વિશે વધુ જાણો
3. સિનિયર સિટીઝન હેલ્થ ઇન્સ્યોરન્સ
વયોવૃદ્ધ વ્યક્તિઓના તમામ મેડિકલ ખર્ચાઓને અનુરૂપ બનાવેલા, આવા પ્લાન્સ ફક્ત 60 વર્ષથી વધુ ઉંમરના લોકો જ મેળવી શકે છે. વૃદ્ધાવસ્થાને કારણે ઉભી થઇ શકે તેવી વિવિધ પ્રકારની બીમારીઓ માટે કોમ્પ્રિહેન્સિવ કવરેજ લંબાવવામાં આવે છે.
4. ગ્રૂપ હેલ્થ ઇન્સ્યોરન્સ
કંપનીઓ આવા પ્લાન્સ તેમના કર્મચારીઓ માટે મેળવે છે. પ્રીમિયમ નોકરીદાતા દ્વારા ચૂકવવામાં આવે છે અને તેમાં એવી જોગવાઈઓ છે જે વીમાની રકમને ફરીથી ભરવાની ખાતરી આપે છે. આવી ગ્રૂપ હેલ્થ ઇન્સ્યોરન્સ પૉલિસીઓ ખર્ચ-અસરકારક હોય છે અને કર્મચારીને જાળવી રાખવાની યુક્તિ તરીકે ઉપયોગ કરવામાં આવે છે.
જો કે, તમારે યાદ રાખવું જોઈએ કે જ્યાં સુધી તમે કંપનીમાં નોકરી કરતા હોવ ત્યાં સુધી જ આ ઇન્સ્યોરન્સ કવરનો લાભ લઈ શકાય છે. જો તમને નોકરીમાંથી કાઢી નાખવામાં આવે અથવા કંપનીમાં તમે નોકરી છોડી દો તો કવરનો લાભ મેળવી શકાતો નથી.
5. મેટરનિટી ઇન્સ્યોરન્સ સાથે હેલ્થ ઇન્સ્યોરન્સ
ગર્ભાવસ્થા દરમિયાન કરવામાં આવેલ તમામ અગાઉના અને પ્રસૂતિ પછીના ખર્ચાઓ મેટરનિટી ઇન્સ્યોરન્સ કવર હેઠળ આવરી લેવામાં આવે છે. નવજાત શિશુના મેડિકલ બિલમાં પણ પ્રથમ ત્રણ મહિનાનો સમાવેશ થાય છે. જો કે, આવી પોલિસીઓ બે વર્ષના વેઇટિંગ પિરિયડ સાથે આવે છે.
મેટરનિટી ઇન્સ્યોરન્સ વિશે વધુ જાણો
6. ટોપ-અપ હેલ્થ ઇન્સ્યોરન્સ
ઘણી વાર, હેલ્થ ઇન્સ્યોરન્સ કવરનો લાભ લેતી વખતે તમે જે સારવારના ખર્ચનો અંદાજ લગાવો છો તે સમયાંતરે જતાં વધી શકે છે, તેમ છતાં તમારી વીમાની રકમ યથાવત રહે છે.
આવા સંજોગોમાં, તમે અલગ પોલિસી ખરીદવાને બદલે તમારા હાલના કવર માટે ટોપ-અપ મેળવવાનું પસંદ કરી શકો છો. આ ટોપ-અપ પોલિસી કુલ વીમાની રકમ વધારવામાં મદદ કરે છે જેનો તમે કોઈપણ કટોકટીના કિસ્સામાં ઉપયોગ કરી શકો છો.
પરંતુ ટોપ-અપ મેળવવા માટે, તમારે પહેલા કપાતપાત્ર રકમ પસંદ કરવાની જરૂર પડશે. ઉદાહરણ તરીકે, જો તમે રૂ. 50,000ના કપાતપાત્ર સાથે રૂ. 3 લાખના ટોપ-અપ પ્લાન માટે જાઓ છો.
ત્યારબાદ, ક્લેઈમ કરવાના સમયે, તમારે પહેલા આ રૂ. 50,000 તમારા ખિસ્સામાંથી ભરવા પડશે. એકવાર કપાતપાત્ર રકમ ખતમ થઈ જાય પછી, ઇન્સ્યોરન્સ કંપની ચિત્રમાં આવશે અને 3 લાખ સુધીના બાકીના ખર્ચાઓ ઉઠાવશે.
આ હેલ્થ ઇન્સ્યોરન્સ પ્લાન્સ વ્યક્તિ દ્વારા તેમના જીવનકાળ દરમિયાન જે આરોગ્યસંભાળના ખર્ચાઓ કરવામાં આવી શકે છે તેને પહોંચી વળવા માટે સક્ષમ છે. તે લાઇફ ઇન્સ્યોરન્સ પોલિસીથી નોંધપાત્ર રીતે અલગ છે, કારણ કે તે વીમાધારક વ્યક્તિના જીવન અથવા મૃત્યુ બાદ ફાઇનાન્સિયલ કવરેજ પુરું પાડે છે.
ભારતમાં હેલ્થ ઇન્સ્યોરન્સના પ્રકારો વિશે વિગતવાર જાણો.
