ಕುಟುಂಬದ ನಿಕಟ ಸಂಬಂಧಿಕರು ನವವಿವಾಹಿತರಿಗೆ ನೀಡುವ ಮದುವೆಯ ಉಡುಗೊರೆಗಳಿಗೆ ಟ್ಯಾಕ್ಸ್ ಅನ್ನು ವಿಧಿಸುವುದಿಲ್ಲ. ಆದ್ದರಿಂದ ಆಭರಣಗಳು, ಮನೆ ಅಥವಾ ಪ್ರಾಪರ್ಟಿ, ಹಣ, ಷೇರುಗಳು ಇತ್ಯಾದಿಗಳಂತಹ ವಸ್ತುಗಳಿಗೆ ಟ್ಯಾಕ್ಸ್ ಅನ್ನು ವಿಧಿಸುವುದಿಲ್ಲ. ಇನ್ಕಮ್ ಟ್ಯಾಕ್ಸ್ ಆ್ಯಕ್ಟ್‌ನ ಸೆಕ್ಷನ್ 56, ಇವುಗಳಿಗೆ ಟ್ಯಾಕ್ಸ್‌ನಿಂದ ವಿನಾಯಿತಿಯನ್ನು ನೀಡುತ್ತದೆ.

ಭಾರತದಲ್ಲಿ, ಮದುವೆ ಎಂದರೆ ಉಡುಗೊರೆಗಳ ವಿನಿಮಯದ ಸಮಯ. ಹಾಗಾಗಿ ಹೊಸದಾಗಿ ಮದುವೆಯಾದ ಎಲ್ಲಾ ಜೋಡಿಗಳು ಇನ್ಕಮ್ ಟ್ಯಾಕ್ಸ್‌ನಲ್ಲಿ ಮದುವೆ ಉಡುಗೊರೆ ವಿನಾಯಿತಿಯ ಬಗ್ಗೆ ತಿಳಿದಿರಬೇಕು.

ಹಾಗಾಗಿ, ಯಾವುದಾದರೂ ಮದುವೆ ಉಡುಗೊರೆಗಳಿಗೆ ಟ್ಯಾಕ್ಸ್ ಇದೆಯೇ ಎಂಬುದನ್ನು ಕಂಡುಹಿಡಿಯೋಣ!

ನವವಿವಾಹಿತರು ಕುಟುಂಬದ ನಿಕಟ ಸಂಬಂಧಿಕರು ನೀಡುವ ಮದುವೆಯ ಉಡುಗೊರೆಗಳಿಗೆ ಯಾವುದೇ ಟ್ಯಾಕ್ಸ್ ಅನ್ನು ಪಾವತಿಸಬೇಕಾಗಿಲ್ಲ. ನಿಕಟ ಸಂಬಂಧಿಕರು ಎಂದರೆ ಪೋಷಕರು, ಪೋಷಕರ ಒಡಹುಟ್ಟಿದವರು, ಒಡಹುಟ್ಟಿದವರು, ಒಡಹುಟ್ಟಿದವರ ಸಂಗಾತಿಗಳು ಅಥವಾ ಯಾವುದೇ ಇತರ ವ್ಯಕ್ತಿಯಾಗಿರುತ್ತಾರೆ. ಸ್ನೇಹಿತರು, ಸಹೋದ್ಯೋಗಿಗಳಂತಹ ಇತರ ಯಾವುದೇ ವ್ಯಕ್ತಿಯಿಂದ ಪಡೆದ ಮದುವೆ ಉಡುಗೊರೆಗಳಿಗೂ ಸಹ ವಿನಾಯಿತಿಯನ್ನು ನೀಡಲಾಗುತ್ತದೆ.

[ಮೂಲ]

ಈ ಉಡುಗೊರೆಗೆ ಟ್ಯಾಕ್ಸ್ ವಿಧಿಸದಿದ್ದರೂ, ಈ ಉಡುಗೊರೆಗಳಿಂದ ಬರುವ ಯಾವುದೇ ಇನ್ಕಮ್, ಟ್ಯಾಕ್ಸ್‌ಗೆ ಒಳಪಡುತ್ತದೆ. ಉದಾಹರಣೆಗೆ, ದಂಪತಿಗಳು ತಮ್ಮ ಮದುವೆಯಲ್ಲಿ ಪ್ರಾಪರ್ಟಿಯನ್ನು ಉಡುಗೊರೆಯಾಗಿ ಪಡೆದರೆ ಹಾಗೂ ಅದನ್ನು ಬಾಡಿಗೆಗೆ ನೀಡಿ ಅದರಿಂದ ಇನ್ಕಮ್ ಗಳಿಸುತ್ತಿದ್ದರೆ, ಅವರು ತಮ್ಮ ಬಾಡಿಗೆ ಗಳಿಕೆಗೆ ಟ್ಯಾಕ್ಸ್ ಅನ್ನು ಪಾವತಿಸಬೇಕಾಗುತ್ತದೆ.

ಶ್ರೀಮತಿ ರಣಜೀತ್ ರಂಜನ್ ಅವರು ಮದುವೆಯ ಸಮಯದಲ್ಲಿ, ಅತಿ ಹೆಚ್ಚಿನ ಸಂಪತ್ತಿನ ಪ್ರದರ್ಶನವನ್ನು ತಡೆಯಲು ಈ ಹೊಸ ಮಸೂದೆಯನ್ನು ಪ್ರಾರಂಭಿಸಿದರು. ಈ ಮಸೂದೆ ಪ್ರಸ್ತಾಪಿಸುವ ಕೆಲವು ಅಂಶಗಳು ಇಲ್ಲಿವೆ.

• ಬಡಿಸಿದ ಭಕ್ಷ್ಯಗಳ ಸಂಖ್ಯೆಗೆ ಮತ್ತು ಆಹ್ವಾನಿಸಲಾದ ಅತಿಥಿಗಳ ಸಂಖ್ಯೆಗೆ ಮಿತಿಯಿದೆ.

• ಯಾವುದೇ ಮದುವೆಗೆ ₹5 ಲಕ್ಷಕ್ಕಿಂತ ಹೆಚ್ಚು ಖರ್ಚು ಮಾಡಿದರೆ, ಅವರು ಕೆಲವು ಬಡ ಹುಡುಗಿಯ ಮದುವೆಗೆ ಕೊಡುಗೆ ನೀಡಬೇಕು. ಕೊಡುಗೆಯ ಮೊತ್ತವು, ಅವರ ಮದುವೆಗಾಗಿ ಮಾಡಿದ ಖರ್ಚಿನ ಮೊತ್ತದ 10% ಆಗಿರುತ್ತದೆ.

• ಈ ಮಸೂದೆಯ ಹೆಸರು ಮದುವೆಗಳ ಮಸೂದೆ, 2016. (ಸಿ.ಆರ್.ಪಿ.ಡಬ್ಲ್ಯೂ.ಇ) (ಕಡ್ಡಾಯ ರಿಜಿಸ್ಟ್ರೇಷನ್ ಮತ್ತು ವ್ಯರ್ಥ ವೆಚ್ಚದ ತಡೆಗಟ್ಟುವಿಕೆ)

• ಮದುವೆಗೆ ₹5 ಲಕ್ಷಕ್ಕಿಂತ ಅಧಿಕ ಖರ್ಚು ಮಾಡಲು ಬಯಸುವ ಕುಟುಂಬಗಳು, ಅದನ್ನು ರಾಜ್ಯ ಸರ್ಕಾರಕ್ಕೆ ತಿಳಿಸಬೇಕು. ಅಲ್ಲದೆ, ಅವರು ನೀಡಬೇಕಾದ ಕೊಡುಗೆಯ ಮೊತ್ತವು ವೆಲ್‌ಫೇರ್ ಫಂಡ್‌ಗೆ ಹೋಗುತ್ತದೆ.

• ಇದಲ್ಲದೆ, ಮದುವೆಯಾದ 60 ದಿನಗಳೊಳಗೆ ಜನರು ಮದುವೆಗಾಗಿ ರಿಜಿಸ್ಟರ್ ಮಾಡಿಕೊಳ್ಳಬೇಕು.

• ಆಹ್ವಾನಿತರ ಸಂಖ್ಯೆ ಅಥವಾ ತಿನಿಸುಗಳ ಸಂಖ್ಯೆಯನ್ನು ಸರ್ಕಾರ ಇನ್ನೂ ನಿಗದಿಪಡಿಸಿಲ್ಲ

 ಈ ಆ್ಯಕ್ಟ್ ಇನ್ನೂ ಜಾರಿಗೆ ಬಂದಿಲ್ಲ. 

ಕೊನೆಯದಾಗಿ, ಇನ್ಕಮ್ ಟ್ಯಾಕ್ಸ್‌ನಲ್ಲಿ, ಮದುವೆ ಉಡುಗೊರೆಗಳ ವಿನಾಯಿತಿಯು ಕೇವಲ ಹೊಸದಾಗಿ ಮದುವೆಯಾದ ದಂಪತಿಗಳಿಗೆ ಮಾತ್ರ ಅನ್ವಯಿಸುತ್ತದೆ. ಇದಲ್ಲದೆ, ಯಾವುದೇ ದಂಪತಿಗಳು ಸ್ನೇಹಿತರು ಮತ್ತು ಸಹೋದ್ಯೋಗಿಗಳಿಂದ ಪಡೆದ ₹50,000 ವರೆಗಿನ ಮೊತ್ತಕ್ಕೆ ಟ್ಯಾಕ್ಸ್‌ ಅನ್ನು ಪಾವತಿಸಬೇಕಾಗಿಲ್ಲ.

ಹಾಗಾದರೆ ಮದುವೆಯಿಂದ ಬಂದ ಉಡುಗೊರೆಗಳಿಗೆ ಟ್ಯಾಕ್ಸ್ ಅನ್ನು ವಿಧಿಸಬಹುದೇ?

ನನ್ನ ಹತ್ತಿರದ ಕುಟುಂಬಸ್ಥರಿಂದ ಬಂದಿದ್ದರೆ, ಅವುಗಳಿಗೆ ವಿಧಿಸುವುದಿಲ್ಲ!