ಡಿಜಿಟ್ ಇನ್ಶೂರೆನ್ಸ್ ಗೆ ಬದಲಾಯಿಸಿ

ಇನ್ಕಮ್ ಟ್ಯಾಕ್ಸ್ ಆ್ಯಕ್ಟ್‌ನ ಸೆಕ್ಷನ್ 40A(2) ಒಬ್ಬ ವ್ಯಕ್ತಿಗೆ ಅಥವಾ ಘಟಕಕ್ಕೆ ಖರ್ಚುಗಳನ್ನು ಡಿಡಕ್ಷನ್‌ಗಳಾಗಿ ಕ್ಲೈಮ್ ಮಾಡಲು ಅನುಮತಿಸದಿರಲು ಇನ್ಕಮ್ ಟ್ಯಾಕ್ಸ್ ಅಧಿಕಾರಿಗೆ ಅವಕಾಶ ನೀಡುತ್ತದೆ. ನಿರ್ದಿಷ್ಟ ವ್ಯಕ್ತಿ ಅಥವಾ ಘಟಕಕ್ಕೆ ಮಾಡಿದ ಪಾವತಿಗಳು ಅಸಮಂಜಸವಾದವುಗಳು ಅಥವಾ ಸಂಬಂಧಪಟ್ಟ ಸೇವೆಗಳು, ಸರಕುಗಳು ಅಥವಾ ಸೌಲಭ್ಯಗಳು ನಿಜವಾದ ಮಾರುಕಟ್ಟೆ ಮೌಲ್ಯಕ್ಕಿಂತ ಹೆಚ್ಚೆಂದು ಅವನು/ಅವಳು ನಂಬಿದಾಗ ಇದು ಕಾರ್ಯರೂಪಕ್ಕೆ ಬರುತ್ತದೆ. ಈ ಸೆಕ್ಷನ್‌ನ ಕುರಿತು ಇನ್ನಷ್ಟು ತಿಳಿಯಲು ಓದುವುದನ್ನು ಮುಂದುವರೆಸಿ.

ಟ್ರಾನ್ಸಾಕ್ಷನ್ ಈ ಕೆಳಗಿನ ಮೂರು ಉದ್ದೇಶಗಳನ್ನು ಪೂರೈಸಿದಾಗ, ಇನ್ಕಮ್ ಟ್ಯಾಕ್ಸ್ ಆ್ಯಕ್ಟ್‌ನ ಸೆಕ್ಷನ್ 40A(2) ಅನ್ವಯಿಸುತ್ತದೆ:

• ಪಾವತಿಯು ಯಾವುದೇ ರೀತಿಯ ವೆಚ್ಚವಾಗಿರುತ್ತದೆ.

• ಇನ್ಕಮ್ ಟ್ಯಾಕ್ಸ್ ಆ್ಯಕ್ಟ್‌ನಲ್ಲಿ ತಿಳಿಸಿದಂತೆ ಪಾವತಿಯನ್ನು "ನಿರ್ದಿಷ್ಟ ವ್ಯಕ್ತಿಗಳಿಗೆ" ಮಾಡಲಾಗುತ್ತದೆ ಅಥವಾ ಮಾಡಲಾಗುವುದು.

• ಪ್ರಶ್ನಾರ್ಹ ಸರ್ವೀಸಸ್‌ಗಳು, ಸರಕುಗಳು ಅಥವಾ ಸೌಲಭ್ಯಗಳ ಸರಿಯಾದ ಮಾರ್ಕೆಟ್ ಮೌಲ್ಯಕ್ಕಿಂತ ಹೆಚ್ಚಿನ ವೆಚ್ಚಗಳನ್ನು ಮಾಡಲಾಗುತ್ತದೆ ಅಥವಾ ಮಾಡಲಾಗುವುದು.

[ಮೂಲ]

ಜನರು ತಿಳಿದಿರಬೇಕಾದ ಎರಡು ಮುಖ್ಯ ವಿಷಯಗಳಿವೆ. ಮೊದಲನೆಯದಾಗಿ, ಗಣನೀಯ ಇಂಟರೆಸ್ಟ್ ಅನ್ನು ಹೊಂದಿರುವ ಸಂಸ್ಥೆಯ ಮೌಲ್ಯಮಾಪಕರು ಮತ್ತು ಮೌಲ್ಯಮಾಪನ ಮಾಡುವ ಅಧಿಕಾರಿಯು ಗುರುತಿಸಿದಂತೆ, ನೀಡಲಾದ ಸರ್ವೀಸಸ್‌ಗಳ ಅಥವಾ ಸರಕುಗಳ ಎಫ್.ಎಮ್.ವಿ ಗಿಂತ ಹೆಚ್ಚಿನ ಮೊತ್ತವನ್ನು ಪಾವತಿಸಿರುತ್ತಾರೆ ಅಥವಾ ಪಾವತಿಸುತ್ತಾರೆ.

ಎರಡನೆಯದಾಗಿ, "ನಿರ್ದಿಷ್ಟಪಡಿಸಿದ ವ್ಯಕ್ತಿಗಳ" ವಿವಿಧ ಕೆಟಗರಿಗಳ ಪಟ್ಟಿ ಇದೆ, ಅವರೊಂದಿಗೆ ಆ ಸಂಸ್ಥೆಯ ಮೌಲ್ಯಮಾಪಕರು ಪಾವತಿಯ ಟ್ರಾನ್ಸಾಕ್ಷನ್ ಮಾಡುತ್ತಾರೆ ಮತ್ತು ಆ ವೆಚ್ಚವನ್ನು ಡಿಡಕ್ಷನ್ ಆಗಿ ಕ್ಲೈಮ್ ಮಾಡಲು ಸಾಧ್ಯವಿಲ್ಲ.

1. ಗಣನೀಯ ಇಂಟರೆಸ್ಟ್

ಒಬ್ಬ ವ್ಯಕ್ತಿಯು ಮೆಜಾರಿಟಿ ಷೇರುಗಳನ್ನು ಹೊಂದಿರುವಾಗ ಮತ್ತು ಕಂಪನಿಯಲ್ಲಿ 20% ಕ್ಕಿಂತ ಹೆಚ್ಚಿನ ಮತದಾನದ ಹಕ್ಕುಗಳನ್ನು ಹೊಂದಿರುವಾಗ ಗಣನೀಯ ಇಂಟರೆಸ್ಟ್ ಅನ್ವಯಿಸುತ್ತದೆ. ಇಲ್ಲದಿದ್ದರೆ, ಅಂತಹ ಕಂಪನಿಯಿಂದುಂಟಾದ ಲಾಭದ ಕನಿಷ್ಠ 20% ಅನ್ನು ಪಡೆಯುವ ಮತ್ತು ಗಣನೀಯ ಇಂಟರೆಸ್ಟ್ ಅನ್ನು ಹೊಂದಿರುವ ವ್ಯಕ್ತಿ. ಈ ಎರಡನೆಯ ಸಂದರ್ಭವು, ಸೋಲ್ ಪ್ರೊಪ್ರೈಟರ್‌ಶಿಪ್, ಏಕವ್ಯಕ್ತಿ ಸಂಘ ಮತ್ತು ವ್ಯಕ್ತಿಗಳ ಸಂಘಗಳನ್ನು ಪರಿಗಣಿಸುತ್ತದೆ.

2. ನಿರ್ದಿಷ್ಟ ವ್ಯಕ್ತಿಗಳು

ಇನ್ಕಮ್ ಟ್ಯಾಕ್ಸ್ ಆ್ಯಕ್ಟ್‌ನಲ್ಲಿ ಪಟ್ಟಿಮಾಡಲಾದ "ನಿರ್ದಿಷ್ಟ ವ್ಯಕ್ತಿ" ಒಂದು ಉದ್ಯಮ ಅಥವಾ ವ್ಯಕ್ತಿಯಾಗಿರಬಹುದು.

ಯಾರನ್ನೆಲ್ಲ ಸೇರಿಸಲಾಗಿದೆ ಎನ್ನುವ ವಿವರಣೆ ಸಹಿತ ಪಟ್ಟಿ ಇಲ್ಲಿದೆ:

1. ಒಂದುವೇಳೆ ಮೌಲ್ಯಮಾಪಕರು ವ್ಯಕ್ತಿಗಳಾಗಿದ್ದರೆ

ಇನ್ಕಮ್ ಟ್ಯಾಕ್ಸ್ ಆ್ಯಕ್ಟ್ 1961 ರ ಸೆಕ್ಷನ್ 2 (41) ರ ಪ್ರಕಾರ ಸಂಬಂಧಿಗಳು ಈ ಕೆಳಗಿನಂತಿದ್ದಾರೆ:

• ಒಡಹುಟ್ಟಿದವರು (ಸಿಬ್ಲಿಂಗ್ಸ್)

• ಪ್ರೈಮರಿ ಸ್ಟೇಕ್‌ಹೋಲ್ಡರ್‌ನ ಸಂಗಾತಿ

• ಅಜ್ಜ-ಅಜ್ಜಿ, ಮಕ್ಕಳು ಮತ್ತು ಪೋಷಕರು ಸೇರಿದಂತೆ ಕುಟುಂಬದ ವಂಶಸ್ಥರು ಅಥವಾ ಕುಟುಂಬಸ್ಥರು

ಮೇಲೆ ತಿಳಿಸಲಾದ ಈ ವ್ಯಕ್ತಿಗಳಲ್ಲಿ ಯಾರಾದರೂ ಕಂಪನಿಯಲ್ಲಿ ಗಣನೀಯ ಇಂಟರೆಸ್ಟ್ ಅನ್ನು ಹೊಂದಿರುವಾಗ ಈ ಸಂಬಂಧಿತ ಸೆಕ್ಷನ್ ಅನ್ವಯಿಸುತ್ತದೆ.

ಉದಾಹರಣೆಗೆ:

ಶ್ರೀ ಅಶೋಕ್ ಅವರು ತಮ್ಮ ಬಿಸಿನೆಸ್ ನಿರ್ವಹಿಸುತ್ತಾರೆ. ಅವರು ತಮ್ಮ ಹತ್ತಿರದ ಸಂಬಂಧಿಯ ಒಡೆತನದ ಕಾರ್ಪೊರೇಷನ್‌ನಲ್ಲಿ 22% ಷೇರುಗಳನ್ನು ಹೊಂದಿದ್ದಾರೆ. ಶ್ರೀ ಅಶೋಕ್ ಅವರು ತಮ್ಮ ಸಂಬಂಧಿಕರ ಮಾಲೀಕತ್ವದ ಸಂಸ್ಥೆಗೆ ಮೊತ್ತವನ್ನು ಪಾವತಿಸಿದರೆ, ಆ ಸಂಸ್ಥೆಯು "ನಿರ್ದಿಷ್ಟ ವ್ಯಕ್ತಿ" ಎನಿಸಿಕೊಳ್ಳುತ್ತದೆ. ಈ ಕೇಸ್‌ನಲ್ಲಿ, ಸೆಕ್ಷನ್ 40A(2) ಅನ್ವಯವಾಗುತ್ತದೆ.

2. ಒಂದುವೇಳೆ ಮೌಲ್ಯಮಾಪಕರು ಸಂಸ್ಥೆ/ಎಂಟರ್‌ಪ್ರೈಸ್‌/ಕಂಪನಿ/ಹಿಂದೂ ಅವಿಭಜಿತ ಕುಟುಂಬ ಅಥವಾ ವ್ಯಕ್ತಿಗಳ ಸಂಘವಾಗಿರುತ್ತವೆ.

ಅಂತಹ ಮೌಲ್ಯಮಾಪಕರಿಗೆ ನಿರ್ದಿಷ್ಟಪಡಿಸಿದ ವ್ಯಕ್ತಿಯು, ಕಂಪನಿಯ ಯಾವುದೇ ಡೈರೆಕ್ಟರ್, ಸಂಸ್ಥೆಯ ಪಾರ್ಟ್ನರ್ ಅಥವಾ ಹೆಚ್.ಯು.ಎಫ್/ ಸಂಘದ ಸದಸ್ಯರಾಗಿರುತ್ತಾರೆ. ಆದಾಗ್ಯೂ, ನಿರ್ದಿಷ್ಟಪಡಿಸಿದ ವ್ಯಕ್ತಿಯು ಅಂತಹ ಡೈರೆಕ್ಟರ್, ಪಾರ್ಟ್ನರ್ ಮತ್ತು ಸದಸ್ಯರ ಯಾವುದೇ ಸಂಬಂಧಿಯನ್ನು ಒಳಗೊಂಡಿರುತ್ತದೆ. ಉದಾಹರಣೆಗೆ:

ಉದಾಹರಣೆಗೆ:

XYZ ಲಿಮಿಟೆಡ್. ಸಂಸ್ಥೆಯ ಡೈರೆಕ್ಟರ್, ABC ಲಿಮಿಟೆಡ್ ಹೆಸರಿನ ಸಂಸ್ಥೆಯಲ್ಲಿ ಸರಿಸುಮಾರು 40% ಷೇರುಗಳನ್ನು ಹೊಂದಿದ್ದಾರೆ ಎಂದು ಭಾವಿಸೋಣ. ಈ ಎರಡು ಸಂಸ್ಥೆಗಳು ಗಣನೀಯ ಟ್ರಾನ್ಸಾಕ್ಷನ್‌ಗಳನ್ನು ಎಕ್ಸ್‌ಚೇಂಜ್ ಮಾಡಿಕೊಳ್ಳುತ್ತವೆ. ಈ ಸಂದರ್ಭದಲ್ಲಿ, XYZ ಲಿಮಿಟೆಡ್ ಗೆ ಸಂಸ್ಥೆಗೆ, ABC ಲಿಮಿಟೆಡ್ ಸಂಸ್ಥೆ "ನಿರ್ದಿಷ್ಟ ವ್ಯಕ್ತಿ" ಯಾಗುತ್ತದೆ. 

ABC ಲಿಮಿಟೆಡ್ ನಿಂದ XYZ ಲಿಮಿಟೆಡ್ ಗೆ ಮಾಡಿದ ಯಾವುದೇ ಪಾವತಿಯು, ಒದಗಿಸಲಾದ ಗೂಡ್ಸ್ ಅಥವಾ ಸರ್ವೀಸ್‌ಗಳ ಸರಿಯಾದ ಮಾರ್ಕೆಟ್ ಮೌಲ್ಯಕ್ಕಿಂತ (ಎಫ್.ಎಮ್.ವಿ) ಅಧಿಕವಾಗಿದೆಯೆಂದು ಮೌಲ್ಯಮಾಪನ ಆಫೀಸರ್ ಗುರುತಿಸಿದರೆ, ಆಗ ಮೌಲ್ಯಮಾಪನ ಮಾಡುವ ಆಫೀಸರ್ ಅಂತಹ ಹೆಚ್ಚುವರಿ ಪಾವತಿಯನ್ನು, ಸೆಕ್ಷನ್ 40A(2) ರಂತೆ ಅನುಮತಿಸುವುದಿಲ್ಲ.

ಗಮನಿಸಿ: ಡೈರೆಕ್ಟರ್‌ನ ನಿಕಟ ಕುಟುಂಬದ ಸದಸ್ಯರು, ಪಾರ್ಟ್-ಟೈಮ್ ಅಥವಾ ಫುಲ್-ಟೈಮ್ ಬಿಸಿನೆಸ್ ಪಾರ್ಟ್ನರ್ ಅಥವಾ ಮೆಂಬರ್‌ಗಳು ಸ್ವಯಂಚಾಲಿತವಾಗಿ ಸಂಸ್ಥೆಯಲ್ಲಿ ಗಣನೀಯ ಇಂಟರೆಸ್ಟ್ ಹೊಂದಿರುತ್ತಾರೆ. ಅದಲ್ಲದೆ, ಒಂದುವೇಳೆ ಮೇಲೆ ತಿಳಿಸಲಾದ ಪಾರ್ಟಿಗಳ ಸಂಬಂಧಿಯು, ಮೌಲ್ಯಮಾಪಕ ಕಂಪನಿಯಿಂದ ಪ್ರಯೋಜನಗಳನ್ನು ಪಡೆಯುವ ಷೇರುಗಳನ್ನು ಹೊಂದಿದ್ದರೆ, ಅದನ್ನು ಗಣನೀಯ ಇಂಟರೆಸ್ಟ್ ಎಂದು ಗುರುತಿಸಲಾಗುತ್ತದೆ.

ಉದಾಹರಣೆಗೆ:

XYZ ಲಿಮಿಟೆಡ್. ಹೆಸರಿನ ಕಂಪನಿಯ ಡೈರೆಕ್ಟರ್‌ನ ಒಡಹುಟ್ಟಿದವರು ಮತ್ತೊಂದು ಸಂಸ್ಥೆ AVC ಲಿಮಿಟೆಡ್ ನಿಂದ 20% ಕ್ಕಿಂತ ಹೆಚ್ಚಿನ ಲಾಭದ ಷೇರುಗಳನ್ನು ಪಡೆಯುತ್ತಾರೆ ಎಂದು ಭಾವಿಸೋಣ. XYZ ಲಿಮಿಟೆಡ್ ಮತ್ತು AVC ಲಿಮಿಟೆಡ್ ನಡುವೆ ಬಿಸಿನೆಸ್ ಟ್ರಾನ್ಸಾಕ್ಷನ್‌ಗಳು ಸಂಭವಿಸಿದಲ್ಲಿ, AVC ಲಿಮಿಟೆಡ್ ಅನ್ನು XYZ ಲಿಮಿಟೆಡ್ ಗಾಗಿ "ನಿರ್ದಿಷ್ಟ ವ್ಯಕ್ತಿ" ಎಂದು ವರ್ಗೀಕರಿಸಲಾಗುತ್ತದೆ

3. ಇತರ ಟ್ಯಾಕ್ಸ್ ಪೇಯರ್‌ಗಳು

ಟ್ಯಾಕ್ಸ್ ಪೇಯರ್‌ಗಳ ಪ್ರೊಫೆಷನ್ ಅಥವಾ ಬಿಸಿನೆಸ್‌ನಲ್ಲಿ ಪ್ರಮುಖ ಇಂಟರೆಸ್ಟ್ ಅನ್ನು ತೋರಿಸುವ ವ್ಯಕ್ತಿಗಳು "ನಿರ್ದಿಷ್ಟ ವ್ಯಕ್ತಿಗಳು."

ಉದಾಹರಣೆಗೆ:

XYZ ಲಿಮಿಟೆಡ್ ನಲ್ಲಿ ಶ್ರೀ ಅಲೋಕ್ ಅವರು 30% ಇಕ್ವಿಟಿಯನ್ನು ಹೊಂದಿದ್ದಾರೆ. ಈ ಎರಡರ ನಡುವೆ ಯಾವುದೇ ಬಿಸಿನೆಸ್ ಟ್ರಾನ್ಸಾಕ್ಷನ್‌ಗಳಿದ್ದರೆ, ಆಗ ಶ್ರೀ ಅಲೋಕ್ ಅವರು "ನಿರ್ದಿಷ್ಟ ವ್ಯಕ್ತಿ" ಯಾಗುತ್ತಾರೆ.

ಹಿಂದೂ ಅವಿಭಜಿತ ಕುಟುಂಬ, ಏಕವ್ಯಕ್ತಿ ಸಂಘ ಮತ್ತು ಥರ್ಡ್ ಪಾರ್ಟಿ ಸಂಸ್ಥೆಯಲ್ಲಿ ಬಲವಾದ ಇಂಟರೆಸ್ಟ್ ಅನ್ನು ತೋರಿಸುವ ವ್ಯಕ್ತಿಗಳ ಸಂಘಗಳು "ನಿರ್ದಿಷ್ಟ ವ್ಯಕ್ತಿಗಳು" ಆಗುತ್ತಾರೆ.

ಉದಾಹರಣೆಗೆ:

ಶ್ರೀ ಅಲೋಕ್ ಅವರು ನಿರ್ವಹಿಸುತ್ತಿರುವ ಅಲೋಕ್ ಎಂಟರ್‌ಪ್ರೈಸ್‌ನಿಂದ 30% ಪ್ರಾಫಿಟ್ ಅನ್ನು ACV ಲಿಮಿಟೆಡ್ ಪಡೆಯುತ್ತದೆ ಎಂದು ಭಾವಿಸೋಣ. ಅಲೋಕ್ ಎಂಟರ್‌ಪ್ರೈಸ್ ಪ್ರಕಾರ, ACV ಲಿಮಿಟೆಡ್ ಅನ್ನು "ನಿರ್ದಿಷ್ಟ ವ್ಯಕ್ತಿ" ಎಂದು ಪರಿಗಣಿಸಲಾಗುತ್ತದೆ. ಆದ್ದರಿಂದ, ACV ಲಿಮಿಟೆಡ್ ಗೆ ಅಲೋಕ್ ಎಂಟರ್‌ಪ್ರೈಸ್ ಇಂದ ಮಾಡಿದ ಯಾವುದೇ ಪಾವತಿಯು, ಸೆಕ್ಷನ್ 40A(2) ನಲ್ಲಿ ವಿವರಿಸಿರುವ ಪ್ರಾವಿಷನ್‌ಗಳನ್ನು ಅನುಸರಿಸುವ ಅಗತ್ಯವಿದೆ.

ಇದು ಇನ್ಕಮ್ ಟ್ಯಾಕ್ಸ್ ಆ್ಯಕ್ಟ್‌ನ ಸೆಕ್ಷನ್ 40A(2) ಕ್ಕೆ ಸಂಬಂಧಿಸಿದ ಮಾಹಿತಿಯಾಗಿದೆ. ಇದರ ಬಗ್ಗೆ ತಿಳಿದುಕೊಳ್ಳುವುದರಿಂದ ಟ್ಯಾಕ್ಸ್ ಪೇಯರ್‌ಗಳು ಖರ್ಚು ಮಾಡುವ ವೆಚ್ಚಗಳ ಬಗ್ಗೆ ಜಾಗರೂಕರಾಗಿರಲು ಮತ್ತು ಭವಿಷ್ಯದಲ್ಲಿ ಕಾನೂನು ಅನಾನುಕೂಲತೆಯನ್ನು ತಪ್ಪಿಸಲು ಸಹಾಯ ಮಾಡುತ್ತದೆ.

[ಮೂಲ]