లైఫ్ ఇన్సూరెన్సు పాలసీలు నిర్ణీత కాలవ్యవధికి గణనీయమైన మొత్తానికి బీమా చేయబడిన వ్యక్తి జీవితాన్ని కవర్ చేస్తాయి. ఈ కాలంలో బీమా చేయబడిన వ్యక్తి మరణిస్తే, అతని/ఆమె కుటుంబ సభ్యులు ఈ కవరేజ్ మొత్తాన్ని లైఫ్ ఇన్సూరెన్సు సంస్థ నుండి మరణ ప్రయోజనంగా పొందుతారు. అయితే, జనరల్ ఇన్సూరెన్స్ పథకాలలో మరణ ప్రయోజనం క్లాజులు ఉండవు.

మీరు లైఫ్ ఇన్సూరెన్సు పథకాలను పెట్టుబడి రూపంగా భావించాలి. మీరు పాలసీ వ్యవధి మొత్తానికి కొంత మొత్తాన్ని ప్రీమియంగా చెల్లిస్తారు.

బీమా చేసిన వ్యక్తి ఈ పాలసీ సమయం దాటి జీవిస్తే, మీరు పాలసీ కోసం కట్టిన ప్రీమియంల మొత్తం ఆధారంగా బీమా కంపెనీలు గణనీయమైన రాబడిని అందిస్తాయి. అయితే, గడువు ముగిసిన తర్వాత, బీమా చేయబడిన కుటుంబ సభ్యుడు మరణ ప్రయోజనాన్ని క్లెయిమ్ చేయలేరు.

జనరల్ ఇన్సూరెన్స్ ప్లాన్‌ల విషయంలో, క్లెయిమ్ మొత్తం పాలసీదారుకు జరిగిన హాని లేదా నష్టాన్ని బట్టి నిర్ణయించబడుతుంది.

ఉదాహరణకు, కారు ఇన్సూరెన్స్ క్లెయిమ్ విషయంలో, బీమాదారు యొక్క కార్ కు ఎంతమేరకు నష్టం జరిగిందో తనిఖీ చేసి, మరమ్మతులు ప్రారంభించడానికి అయ్యే ఖర్చును అంచనా వేస్తారు. ఈ అంచనా ఆధారంగా, బీమా కంపెనీ ద్రవ్య పరిహారం అందిస్తుంది.

అయితే, లైఫ్ ఇన్సూరెన్సు పాలసీల విషయంలో, ఇతర అంశాలతో సంబంధం లేకుండా చెల్లింపు లేదా క్లెయిమ్ మొత్తం అలాగే ఉంటుంది.

లైఫ్ ఇన్సూరెన్సు పథకాలు దీర్ఘకాలిక ఒప్పందాలు, ఇవి కొన్ని సందర్భాల్లో 30-40 సంవత్సరాల వరకు ఉంటాయి. అందువల్ల, అటువంటి పాలసీలను ఎంచుకునే మధ్య వయస్కులైన వ్యక్తులు మరణానికి గురైనప్పుడు కుటుంబ సభ్యులకు ఆర్థిక మద్దతును వాటి ద్వారా పొందవచ్చు.

జనరల్ ఇన్సూరెన్స్ పాలసీలు తక్కువ వ్యవధిని కలిగి ఉంటాయి, సాధారణంగా ఒక సంవత్సరం మరియు మూడు సంవత్సరాల మధ్య ఉంటాయి. పాలసీదారులు తమ పాలసీ సమయం ముగియడానికి ముందే కవరేజీని పునరుద్ధరించుకోవచ్చు.

ఈ ప్లాన్‌లను పునరుద్ధరించడంలో విఫలమైతే, నిర్దిష్ట పాలసీ సమయం ముగిసిన తర్వాత అన్ని పాలసీ ప్రయోజనాలను నిలిపివేసే ప్రమాదం ఉంటుంది.