શું તમે હાલમાં યોગ્ય બાઇક અથવા સ્કૂટર મોડલની પસંદગી કરવાની મુંજવણમાં છો? આ વિચારની સાથે તમારે આ નવા વાહન માટે ઇન્શ્યુરન્સ પૉલિસી વિશે પણ વિચાર કરવો પડશે.

1988ના મોટર વ્હીકલ એક્ટ મુજબ, ભારતના રસ્તાઓ પર દોડતા તમામ ટુ-વ્હીલર્સ અને કાર માટે હંમેશા માન્યતા પ્રાપ્ત ઇન્શ્યુરન્સ કવરેજ હોવું આવશ્યક છે. આ નિયમનું પાલન કરવામાં નિષ્ફળતાના કિસ્સામાં કસૂરવારને રૂ. 4000 સુધીનો ભારે દંડ થઈ શકે છે.

મોટાભાગના કિસ્સાઓમાં, જ્યારે તમે ટુ-વ્હીલર ડીલરશીપ પાસેથી વાહન ખરીદો ત્યારે ઇન્શ્યુરન્સ પોલિસી સાથે જ આપે છે. જો કે, તમે આવી ઓફરને નકારવા અને બજારની વિવિધ કંપનીઓ પાસેથી ડાયરેક્ટ તમારા ઇન્શ્યુરન્સ પ્લાન ખરીદવા માટે સ્વતંત્ર છો.

ભારતમાં ટુ-વ્હીલર ઇન્શ્યુરન્સ કંપનીઓની યાદી પર એક નજર કરીએ.

ગુણવત્તાયુક્ત ઇન્શ્યુરન્સ પ્લાન નીચેની ફેસિલિટ અને સુવિધાઓ પ્રદાન કરશે. આવા પ્રોટેક્શન પ્લાન્સ પસંદ કરતી વખતે તમારે આ પરિબળોને ધ્યાનમાં રાખવા જોઈએ.

• બ્રાન્ડની પ્રતિષ્ઠા – સૌથી પહેલું પરિબળ એક પ્રતિષ્ઠિત ઇન્શ્યુરન્સ પ્રોવાઇડરની શોધ કરવી, જેઓ થોડાક સમયથી આ સેક્ટરમાં કામગીરી કરી રહ્યાં હોય. ઇન્ટરનેટ પર કંપનીને નામ દ્વારા શોધો અને તેની ઇન્શ્યુરન્સ સર્વિસિસ મોટાભાગના ગ્રાહકોને સંતોષે છે કે કેમ તેનું મૂલ્યાંકન કરવા માટે યુઝર્સ રિવ્યૂ જુઓ. પોઝિટિવ રિવ્યૂ હાલના પોલિસીધારકો માટે એકંદરે સારો અનુભવ દર્શાવે છે.

• ઇન્શ્યુરન્સ પ્રીમિયમ – ટુ-વ્હીલર ઇન્શ્યુરન્સ પોલિસી મેળવવા માટે તમારે જે રકમ ચૂકવવાની જરૂર છે તે બીજું મુખ્ય પરિબળ છે જે ઘણીવાર યોગ્ય વીમાદાતા સંબંધિત નિર્ણયમાં મહત્વનો ભાગ ભજવે છે. તમે એગ્રીગેટર વેબસાઇટ પર અલગ-અલગ ભાવની સરખામણી કરી શકો છો. જોકે, પ્રીમિયમની સાથે આપવામાં આવતા કવરેજને ચોક્કસથી ચકાસો. તમારે પૈસા માટે બેસ્ટ વેલ્યૂ પ્રદાન કરતી પોલિસી પસંદ કરવાની જરૂર છે.

• આઈઆરડીએઆઈ (IRDAI) માન્ય – ઇન્શ્યુરન્સ રેગ્યુલેટરી એન્ડ ડેવલપમેન્ટ ઓથોરિટી ઓફ ઈન્ડિયા-એ એક સરકારી સંસ્થા છે, જે દેશમાં વીમા સેક્ટરના વિકાસની દેખરેખ રાખે છે. આઈઆરડીએઆઈ માન્ય કંપનીઓમાંથી પસંદગી કરવી શ્રેષ્ઠ છે કારણ કે આ કંપનીઓ આઈઆરડીએઆઈ દ્વારા દર્શાવેલી તમામ માર્ગદર્શિકાઓનું પાલન કરે છે, પોલિસી ધારકો માટે પૂરતા લાભોની ખાતરી કરે છે.

• નેટવર્ક ગેરેજ – મોટાભાગની ટુ-વ્હીલર ઇન્શ્યુરન્સ કંપનીઓ સમગ્ર ભારતમાં અનેક ગેરેજ સાથે જોડાયેલી હોય છે. પોલિસીધારક આવા નેટવર્ક ગેરેજમાં રિપેરિંગ/સમારકામની માંગ કરે છે, ત્યારે સમગ્ર પ્રક્રિયા કેશલેસ હોય છે. ઇન્શ્યુરન્સ પ્રોવાઇડર, પોલિસી ધારકને વળતરની રાહ જોવડાયા વિના, સીધા જ ગેરેજ સાથે રિપેર/સમારકામ બિલની ભરપાઈ કરે છે. કોઈ ચોક્કસ ઇન્શ્યુરન્સ કંપની માટે ઉપલબ્ધ નેટવર્ક ગેરેજની સંખ્યા-એ ટુ-વ્હીલર ઇન્શ્યુરન્સ પ્લાન પસંદ કરતા પહેલા ધ્યાનમાં લેવાનું એક મહત્વનું સંબંધિત પરિબળ છે.

• ક્લેમ સેટલમેન્ટનો રેશિયો – ઇન્શ્યુરન્સ પ્રોવાઇડરે પ્રાપ્ત થયેલા કુલ ક્લેમમાંથી સેટલ કરેલ ક્લેમની ટકાવારી એ સૂચવે છે કે ક્લેમની પતાવટ કરતી વખતે પ્રોવાઇડર ખૂબ કડક છે કે નહીં. કેટલીક કંપનીઓ વધુ પડતી ચકાસણી કર્યા વગર ઇન્શ્યુરન્સ ક્લેમ/દાવાનું સેટલમેન્ટ કરે છે, અન્ય કેટલાંકમાં પોલિસી ધારકોને તેમનું યોગ્ય વળતર મેળવવા માટે અનેક ચક્કર લગાવવા પડી શકે છે.

• અનુકૂળ અને ઝડપી દાવાની પ્રક્રિયા – લોકો ઈમરજન્સી દરમિયાન ઇન્શ્યુરન્સ ક્લેમ ફાઇલ કરે છે. આવા સમયે, તમારે તમારી ઇન્શ્યુરન્સ કંપની પાસેથી તાત્કાલિક નાણાકીય સહાયની જરૂર હોય છે. તેથી, તમારે એક ઇન્શ્યુરન્સ કંપની પસંદ કરવાની જરૂર છે, જે તમે ક્લેમ દાખલ કર્યા પછી આ સહાયતા પુરી પાડવામાં વિલંબ ન કરે. હંમેશા એવી કંપનીઓને પ્રાધાન્ય આપો કે જે 24x7-કસ્ટમર કેર સપોર્ટ પૂરું પાડે છે કારણ કે અકસ્માતો કોઈપણ સમયે થઈ શકે છે.

અન્ય સામાન્ય ભૂલ જે ઘણા ગ્રાહકો કરે છે તે ઇન્શ્યુરન્સ કંપનીને બદલે થર્ડ-પાર્ટી સ્ત્રોતો પાસેથી ટુ-વ્હીલર ઇન્શ્યુરન્સ પોલિસી ખરીદી છે. જો કે, ઇન્શ્યુરન્સ પ્રોવાઇડર પાસેથી સીધી ખરીદી કરવી એ વધુ સમજદારીભર્યું પગલું છે.

કેમ? આવો જાણીએ!

મોટાભાગના લોકો ડીલરશીપમાંથી તેમના વાહનની સાથે ટુ વ્હીલર ઇન્શ્યુરન્સ પ્લાન ખરીદવાનું વલણ ધરાવે છે, તેમ કરવું વધુ નફાકારક હોઈ શકે નહીં. ઇન્શ્યુરન્સ પ્રોવાઇડર પાસેથી આવી પોલિસી લેવાના કેટલાક કારણો નીચે જણાવ્યા છે:

• વધુ વિકલ્પો અથવા તમારી પસંદ – તમારી ખરીદીને અમુક પસંદગીની ઇન્શ્યુરન્સ કંપનીઓ સુધી મર્યાદિત રાખવાને બદલે, ઇન્શ્યુરન્સ કંપનીઓ પાસેથી ખરીદી કરવાથી તમે બધા ઉપલબ્ધ વિકલ્પોની તુલના કરી શકો છો. બીજી તરફ, ડીલરશીપ માત્ર એવા વીમાદાતાના પ્લાનની યાદી આપે છે જેમની સાથે તેઓ જોડાણ ધરાવે છે.

• તમારી જરૂરિયાત મુજબ પોલિસીઓને કસ્ટમાઇઝ કરો – જ્યારે તમે થર્ડ–પાર્ટી સોર્સમાંથી ખરીદી કરો છો, ત્યારે તમારી પાસે તમારી આવશ્યકતાઓ અનુસાર કવરેજને ઑપ્ટિમાઇઝ કરવાની લગભગ કોઈ ક્ષમતા હોતી નથી કારણ કે તેઓ પ્રી-પેકેજ્ડ પોલિસીઓ વેચે છે. ઇન્શ્યુરન્સ કંપનીઓ પાસેથી સીધી ખરીદી તમને રાઇડર્સ અને વધારાના કસ્ટમાઇઝેશન વિકલ્પો દ્વારા પોલિસીમાં ફેરફાર કરવાની મંજૂરી આપે છે, જે તમારી જરૂરિયાતો અનુસાર દરેક પ્લાનને અનુરૂપ બનાવે છે.

• તકોનું સંશોધન અને તુલના – વ્હિકલ ડીલરશીપ તમને બજારમાં ઉપલબ્ધ વિવિધ ઇન્શ્યુરન્સ પોલિસીઓ પર સંશોધન કરવા માટે સમય કે તક આપતી નથી. તેના બદલે, તેઓ તમારા વતી પ્લાન્સ પસંદ કરે છે. જો તમે આવી ઉતાવળમાં ખરીદી ટાળવાનું નક્કી કરો છો, તો તમે ઉપલબ્ધ પ્લાન પર સંશોધન કરવા માટે ઇન્ટરનેટનો ઉપયોગ કરી શકો છો. પ્લાન પસંદ કરતા પહેલા ફીચર્સ, પ્રીમિયમ દર/રેટ અને પોલિસીના અન્ય પાસાઓની તુલના કરો, જે તમને સૌથી વધુ અનુકૂળ આવે.

• કોઇ વધારાનો ચાર્જ નહીં – તમે ડીલરશીપ પાસેથી ખરીદી કરો છો, ત્યારે તમે ચૂકવતા ઇન્શ્યુરન્સ પ્રીમિયમનો એક ભાગ આ મધ્યસ્થી પાર્ટી દ્વારા લેવામાં આવે છે, જ્યારે બાકીનું ઇન્શ્યુરન્સ કંપની પાસે જાય છે. આમ, ડીલરશીપ માટેનું કમિશન નક્કી કરાયેલા પ્રીમિયમ રેટમાં સામેલ છે. તમે સીધા ઇન્શ્યુરન્સ પ્રોવાઇડર્સ પાસેથી પોલિસી ખરીદો ત્યારે આવા કોઈ વધારાના ચાર્જ વસૂલવામાં આવતા નથી, કારણ કે આવા કિસ્સાઓમાં કોઈ મધ્યસ્થી પાર્ટી હોતી નથી.

તમે તમારા ટુ-વ્હીલર માટે ઇન્શ્યુરન્સ પ્લાન કેવી રીતે ખરીદો છો તે ધ્યાનમાં લીધા વિના, આવી પોલિસીના નિયમો અને શરતો વાંચવી મહત્વપૂર્ણ છે. તમારા પોલિસી દસ્તાવેજોનો આ વિભાગ તમને કવરેજની મર્યાદાને સમજવામાં મદદ કરશે.