H-1B விசாவிற்கு அப்ளைச் செய்வது எப்படி?

அமெரிக்காவில் பணிபுரிய விரும்பும் நபர்களுக்கு H-1B விசா அவசியம் தேவைப்படுகிறது. ஒவ்வொரு ஆண்டும் 200,000 விண்ணப்பதாரர்கள் பெற விரும்பும் மிக மதிப்புமிக்க விசாவாகும்! ஆனால், விண்ணப்பதாரர்களில் ஒரு சிலரால் மட்டுமே அவர்கள் மிகவும் விரும்பும் இந்த விசாவைப் பெற முடிகிறது.

எனவே, இந்த H1-B விசா என்றால் என்ன, அதற்கு நீங்கள் எப்படி விண்ணப்பிப்பீர்கள்?

நீங்கள் தெரிந்து கொள்ள வேண்டிய அனைத்தும் உங்களுக்காக இதோ!

H-1B விசா எச்-1பி விசா என்பது அமெரிக்க அரசு வழங்கும் ஒரு வகை விசா. இது மற்ற நாடுகளைச் சேர்ந்தவர்களை அமெரிக்காவில் வேலை செய்ய அனுமதிக்கிறது. மேலும், இந்த விசாவிற்கு விண்ணப்பிக்கும் எந்தவொரு வெளிநாட்டவரும் அமெரிக்கா நாட்டை சேர்ந்த ஊழியர்கள் பணிபுரியாத துறையில் / நிலையில் பணிபுரிய வேண்டும். எனவே, இந்த விதிகள் மிகவும் கடுமையானவை மட்டுமல்லாது தீவிரமாகவும் ப்ராசஸ் செய்யப்படுகின்றன.

முதலில், உங்கள் பணி வழங்குனர் இந்த விசாவிற்காகும் செலவில் ஒரு பகுதியைச் செலுத்துவார் என்பதையும் உங்கள் சார்பாக உங்களுக்குத் தேவையான ஆவணங்களைச் சமர்ப்பிப்பார் என்பதையும் நீங்கள் அறிய வேண்டும். அத்துடன், ஒரு வெளிநாட்டவரைக் கொண்டுவர வேண்டியதன் அவசியத்தை உறுதிப்படுத்த அந்த நாட்டில் ஏற்கனவே உள்ள தனித்துறை நிபுணர்களால் இந்த வேலையைச் செய்ய முடியாது என்பதையும் பணி வழங்குனர் நிரூபிக்க வேண்டும்.

H1-B விசாவிற்குத் தகுதி பெற பல விதிமுறைகள் உள்ளன. அதன் லிஜிபிளிட்டி கிரைட்டிரியாக்கள் கீழே கொடுக்கப்பட்டுள்ளன:

• விண்ணப்பதாரர்கள் இளங்கலை பட்டம், முதுகலை பட்டம் அல்லது அதற்கு சமமான வெளிநாட்டு பட்டம் பெற்றிருக்க வேண்டும்.

• குறிப்பிட்ட பணிக்குத் தேவையான பட்டம் தொடர்பான அனைத்து ஆவணங்களும் உங்களிடம் இருக்க வேண்டும். (எ.கா. மருத்துவருக்கான எம்.டி பட்டம்).

• அந்தத் துறை/நிலை பற்றிய விரிவான அறிவு இருப்பது அவசியம்.

• ஒரு பணி வழங்குனர் அமெரிக்காவிலேயே குறிப்பிட்ட பணிக்குறித்து அனுபவம் வாய்ந்த நபருக்கான திறமையின்மையைக் காட்ட வேண்டும்.

• அமெரிக்காவின் குடியுரிமை மற்றும் குடியேற்ற/குடிவரவு சேவைகள், குறிப்பிட்ட தொழில் தனித்துறை நிபுணருக்கான சேவை என்பதையும், அதைச் செய்ய நீங்கள் தகுதிவாய்ந்தவரா இல்லையா என்பதையும் தீர்மானிக்கும்.

• உங்கள் ஒப்பந்தத்தின் விதிமுறைகள் மற்றும் நிபந்தனைகள் குறித்து உங்கள் பணி வழங்குனர் தொழிலாளர் துறையிடம் தொழிலாளர் நிபந்தனையையும் தாக்கல் செய்ய வேண்டும்.

• நீங்கள் செய்யப்போகும் வேலையைச் செய்வதற்கான உங்கள் திறமையை நீங்களும் நிரூபிக்க வேண்டும்.

இப்போது நீங்கள் H-1B விசாவைப் பெறுவது எப்படி என்பதை அறிய ஆர்வமாக இருப்பீர்கள்! அது எப்படி என்பதைப் பார்ப்போம் வாருங்கள்.

H1-B விசாவுக்கு விண்ணப்பிக்கப் பொதுவாக நான்கு படிகள் உள்ளன. அவை இதோ -

• அமெரிக்காவில் உங்களைப் பணிக்கு அமர்த்தும் ஒரு கம்பெனி அல்லது நிறுவனத்தைக் கண்டறிதல்

• தொழிலாளர் நிலைமைகளுக்கான ஒப்புதல் (LCA) பெறுதல்

• ஃபார்ம் I-129 ஐ நிரப்புதல்

• உங்கள் சொந்த நாட்டில் உள்ள அமெரிக்க தூதரகத்திற்குச் சென்று இந்த ப்ராசஸை நிறைவு செய்தல்.

H1-B விசாவுக்கு எப்படி விண்ணப்பிப்பது என்பது குறித்து நாம் விவரமாகப் பார்ப்போம்.

• ஸ்டெப் 1: உங்களுக்கு ஸ்பான்சர் செய்ய அமெரிக்காவில் ஒரு நிறுவனம் தேவை. அதாவது, சட்டப்படியான அமெரிக்க பணியாளர்கள் கிடைக்காத வேலையை உங்களுக்கு வழங்க உங்களுக்கு ஒரு நிறுவனம் தேவைப்படுகிறது என அர்த்தம்.

• ஸ்டெப் 2: உங்களுக்கு வேலை கிடைத்ததும், உங்கள் முதலாளி H-1B அப்ளிக்கேஷன் ப்ராசஸைத் தொடங்க வேண்டும்.

• ஸ்டெப் 3: அடுத்து, இந்த நிறுவனம் ஊதியங்கள் தொடர்பான சில விதிகளில் முதல் தொழிலாளர் துறைக்குத் தொழிலாளர் நிலைமைகளுக்கான ஒப்புதல் (LCA) தாக்கல் செய்ய வேண்டும்.

• ஸ்டெப் 4: மேலும், பணி வழங்குனர் குடியுரிமை பெறாத தொழிலாளிக்கான மனுவான ஃபார்ம் I-129 ஐ நிரப்ப வேண்டும். இதற்கு வழக்கமாக சுமார் 3 முதல் 4 மாதங்கள் வரை ஆகும். இதில் சமர்ப்பித்தல் ஃபீ, ரெஸ்யூம், உறுதிப்படுத்தல் கடிதம், ஆதரவு தொடர்பான கடிதம், பயிற்சி சான்றிதழ்கள், கல்வி மற்றும் அனுபவத்திற்கான மதிப்பீட்டு ஆவணங்களைச் சமர்ப்பிப்பதும் அடங்கும்.

• ஸ்டெப் 5: அந்த மனு அங்கீகரிக்கப்பட்ட பிறகு, அந்த நபர் தங்கள் சொந்த நாட்டில் உள்ள அமெரிக்க தூதரகத்திற்குச் சென்று தேவையான ப்ராசஸ்களை முடிக்க வேண்டும். இதற்கு சுமார் 2 முதல் 3 நாட்கள் ஆகும்.

நீங்கள் ஏற்கனவே இதுவரை பார்த்தபடி, H-1B விசாவிற்கு ஏராளமான ஆவணங்கள் தேவைப்படும். H-1B விசாவிற்கென தேவைப்படும் ஆவணங்கள் குறித்து இங்கு காண்போம்.

இது தொர்பாக இரண்டு வழக்குகள் உள்ளன. முதலாவது, அமெரிக்காவில் இல்லாத வெளிநாட்டவர், இரண்டாவது, அமெரிக்காவில் தங்கி பணிபுரிபவர்.

H-1B விசாவுக்குத் தேவையான ஆவணங்கள் பின்வருமாறு.

அமெரிக்காவில் இல்லாத வெளிநாட்டவருக்கான H-1B விசா

• முதலில், உங்களுக்கு 2 முதல் 3 பாஸ்போர்ட் சைஸ் வண்ண புகைப்படங்கள் தேவைப்படும்

• உங்கள் கல்விப்பட்டங்களுக்கான நகல்கள்

• அடுத்ததாக, உங்கள் தற்போதைய அமெரிக்க உரிமம் அல்லது தற்காலிக உரிமத்தின் நகல்கள் மற்றும் அதை ஆதரிக்கும் துணை சான்றிதழ்களுடன் ரெஸ்யூம் தேவைப்படும்

• H-4 விசாவிற்கு விண்ணப்பித்தால், குழந்தைகளின் பிறப்புச் சான்றிதழ்கள் மற்றும் திருமணச் சான்றிதழின் நகல்களைச் சமர்ப்பிக்க வேண்டும்.

• ஸ்பான்சர் செய்யும் அமெரிக்க நிறுவனத்தின் பணி விளக்கம் மற்றும் கடமை சுருக்கமாக விவரிக்கப்பட வேண்டும்.

• தொழிலாளர் சான்றிதழுக்கான ஒப்புதல் (LCA)

• மிக முக்கியமாக, உங்கள் பணி வழங்குனரிடமிருந்து நியமனக் கடிதமும் உங்களுக்குத் தேவைப்படும்

• அடுத்து, அனுப்பப்பட்ட நியமனக் கடிதத்தின் நகலை நீங்கள் இந்திய தூதரகத்தின் தூதர் மற்றும் நீதித் துறைக்கு அனுப்ப வேண்டும்

• அடுத்து, நீங்கள் முன்பு பணிபுரிந்து வந்த நிறுவனங்களின் அனைத்து நியமனக் கடிதம் மற்றும் நிறுவனத்தை விட்டு வெளியேறியதற்கான சான்றிதழ்கள் உங்களுக்குத் தேவைப்படும்.

• பாஸ்போர்ட்

• முதுகலை பட்டச் சான்றிதழ்

• நிறுவனத்தின் வரி விவர அறிக்கை பேப்பர்

• பின்னர், H-1B ஸ்டேடஸில் அமெரிக்காவில் ஏற்கெனவே பணிபுரிந்திருந்தால் அந்த தேதிகளையும் நீங்கள் குறிப்பிட வேண்டும்

• இரண்டு டிமாண்ட் டிராஃப்ட்கள், ப்ராசஸிங் ஃபீக்கு $45 மற்றும் வழங்கல் ஃபீக்கு $100

அமெரிக்காவில் தங்கி பணிபுரிபவருக்கான H-1B விசா

• தற்போதைய பாஸ்போர்ட்டின் பயண வரலாறு மற்றும் விசா பக்கங்களின் நகல்

• சான்றிதழ்களின் மதிப்பீட்டிற்கான நகல்

• பல்கலைக்கழக அல்லது கல்லூரி பட்டத்தின் நகல்

• தற்போதைய உரிமத்தின் நகல், ஏதேனும் இருந்தால்

• உங்கள் பணி அனுபவத்திற்கான வரலாற்றுடன் தற்போதுடைய அனுபவத்துடனான ரெஸ்யூம்

• தற்போதைய அமெரிக்க முகவரி

• H1-B ஸ்டேடஸின் கீழ் அமெரிக்காவில் முன்பு தங்கியிருந்த தேதிகள்

• பகல் மற்றும் மாலையில் தொடர்புகொள்ள வேண்டிய தொலைபேசி எண்கள்

• உங்கள் வேலை மற்றும் கடமைகள் பற்றிய விரிவான விளக்கம்

• மின்னஞ்சல் முகவரி

• வெளிநாட்டு முகவரி

• ஃபார்ம் I-94 கார்டின் நகல்

• ஏற்கனவே பெற்ற H1-B ஒப்புதல் அறிவிப்புகளுக்கான நகல்

• சமீபத்திய பே-ஸ்லிப்பிற்கான நகல்

• சமீபத்திய W2 நகல்

• சமூக பாதுகாப்பு எண்

• ஸ்பான்சர் செய்யும் US நிறுவனத்தில் உங்கள் பணிக்கான தலைப்பு

இவற்றுடன், நீங்கள் சமர்ப்பிக்க வேண்டிய பாஸ்போர்ட் சைஸ் புகைப்படத்திற்கான தேவைகளை அறிந்து கொள்வதும் முக்கியம்.

H-1B விசா அப்ளிக்கேஷனிற்கான புகைப்படத் தேவைகள்

• படம் சதுரமாக இருக்க வேண்டும், அதன் குறைந்தபட்ச பரிமாணங்கள் 600 x 600 பிக்சல்களாக இருக்க வேண்டும்.

• புகைப்படம் வண்ணக் (SRGB) குறியீட்டில் இருக்க வேண்டும்.

• ஃபைல் வடிவம் JPEG ஆக இருக்க வேண்டும்.

• புகைப்பட ஃபைல் அளவு 240 KB அல்லது அதற்கும் குறைவாக இருக்க வேண்டும்.

• உங்கள் படத்தில் முழு முகம், தோள்கள் மற்றும் கழுத்தின் முன்புறம் தெரிவதுபோல இருக்க வேண்டும்.

• முகபாவனைகள் புன்னகைக்காமல் நடுநிலையாக இருக்க வேண்டும். கண்கள் திறந்திருக்க வேண்டும். மேலும், நீங்கள் நேரடியாகக் கேமராவைப் பார்க்க வேண்டும்.

• உங்கள் தலையை ஒருபோதும் எந்தப் பக்கமும் சாய்க்கக்கூடாது. இது எப்போதும் ஃபிரேமின் மையத்தில் இருக்க வேண்டும்.

• பின்னணி வெளிர் நிறத்தில் இருக்க வேண்டும். மேலும், படத்தில் நிழல்கள் இருக்கக்கூடாது.

• அதிக ஃபோக்கஸ் முகத்தில் இருப்பதுடன், இந்த புகைப்படத்தைக் கூர்மையாக்கப்படக்கூடாது.

• மேலும், புகைப்படம் அதிக வெளிப்பாட்டுடனோ குறைந்த வெளிப்பாட்டுடனோ இருக்கக்கூடாது.

• H-1B விசாவின் லாட்டரி ப்ராசஸஸ் என்றால் என்ன?

அங்கீகரிக்கப்படும் H-1B விசாக்களின் எண்ணிக்கைக்கு வருடந்திர வரம்பு உள்ளது. இந்த வரம்பை அடைந்த பிறகு, விண்ணப்பதாரர்கள் லாட்டரியில் நுழைய வேண்டும், அதாவது விண்ணப்பதாரர்கள் ரேண்டமாகத் தேர்தெடுக்கப்படுவார்கள். உங்கள் எண் தேர்ந்தெடுக்கப்பட்டால், நீங்கள் விசா ப்ராசஸஸுக்குச் செல்லலாம். இல்லையெனில், விசா விண்ணப்பிக்க அடுத்த ஆண்டு வரை காத்திருக்க வேண்டும்.

• H-1B விசாவின் ஸ்டேடஸை எப்படி சரிபார்க்கலாம்?

 H-1B ஸ்டேடஸை ஆன்லைனில் சரிபார்க்கலாம். இந்த வழிமுறைகளைப் பின்பற்றவும் -

• ஸ்டேப் 1: யூ.எஸ்.சி.ஐ.எஸ்-இன் அதிகாரப்பூர்வ போர்ட்டலைப் பார்வையிடவும்.
• ஸ்டேப் 2: பதிவு செய்தவுடன், நீங்கள் 13 இலக்க ரசீது எண்ணைப் பெறுவீர்கள். இது ஈ.ஏ.சி, வி.எஸ்.சி, என்.எஸ்.சி, டபிள்யூ.ஏ.சி என தொடங்கும்.
• ஸ்டேப் 3: இந்த எண்ணை உள்ளிட்டு H-1B டிராக்கிங்கை நிறைவு செய்ய சரிபார்க்கவும்!

 

• H-1B விசா செல்லுபடியாகும் காலம் என்ன?

H-1B விசா 3 ஆண்டுகள் வரை செல்லுபடியாகும். அதை மேலும் மூன்று ஆண்டுகள் வரை நீட்டித்துக்கொள்ளலாம். அதன் பிறகு, நீங்கள் F-1 மாணவர் அல்லது O-1 பணியாளராக விண்ணப்பிக்க வேண்டும்.

ஆறு ஆண்டுகளுக்குப் பிறகு விசாவை நீட்டிக்க, ஒரு மனுதாரர், உங்கள் தற்போதைய பணி வழங்குனர் அல்லது புதிய முதலாளி, ஃபார்ம் I-126 ஐ தாக்கல் செய்ய வேண்டும்.

• H1B விசாவை ப்ராசஸ் செய்ய எவ்வளவு காலம் ஆகும்?

வெற்றிகரமாக அங்கீகரிக்கப்பட்ட மனுக்கள் ப்ராசஸஸ் செய்யப்படுவதற்கு சுமார் 3-5 நாட்கள் ஆகும். இருப்பினும், H1B மனு காலம் 3 முதல் 6 மாதங்கள் ஆகும். இருப்பினும், பிரீமியம் ப்ராசஸிங் கோரப்பட்டால், இதற்கான ப்ராசஸிங்க்கு 15 காலண்டர் நாட்கள் வரை ஆகும்.

• ரசீது எண் இல்லாமல் H1B விசா ஸ்டேடஸைச் சரிபார்ப்பது எப்படி?

1-800-375-5283 என்ற எண்ணுக்கு அழைப்பதன் மூலம் உங்கள் விசா ஸ்டேடஸை நீங்கள் சரிபார்க்கலாம். விசாரணைகளுக்கான அழைப்பு வரும் அளவைப் பொறுத்து, ரசீது எண் இல்லாமல் உங்கள் H-1B விசா ஸ்டேடஸை நீங்கள் சரிபார்க்கலாம்.

H-1B விசாவில் ஏராளமான பெனிஃபிட்கள் உள்ளன, குறிப்பாக விண்ணப்பிக்கும் நபர் மற்றும் அவரது குடும்பத்தினருக்கு. அவை இதோ -

• குடும்ப உறுப்பினர்கள் (குழந்தைகள் மற்றும் 21 வயது வரையான வாழ்க்கைத் துணைகள்) அவர்கள் தங்கியிருக்கும் போது அவருடன் வசிக்கலாம். இருப்பினும், அவர்கள் H4 விசாவிற்கு விண்ணப்பிக்க வேண்டும்.
• H4 விசா வைத்திருப்பவர்கள் பள்ளிக்குச் செல்லலாம், வங்கிக் கணக்குகளைத் திறக்கலாம் மற்றும் சமூக பாதுகாப்பு எண்ணைப் பெறலாம்.
• H-1B விசாவிற்கு பொதுவான தேவைகள் உள்ளன, அவை விண்ணப்பிப்பதையும் பெறுவதையும் எளிதாக்குகின்றன. இதற்கு இளங்கலை பட்டம் மற்றும் அமெரிக்கா நாட்டைச் சேர்ந்த நிறுவனத்தில் வேலை வாய்ப்பு அவசியம்.
• இந்த விசாவில் தங்குவதற்கான காலம் J-1 அல்லது B-1 போன்ற பிற விசாக்களை விட அதிகம்.
• நீங்கள் அமெரிக்காவில் பகுதி நேர மற்றும் பல பணி வழங்குனருக்காக வேலை செய்யலாம்.
• இந்த விசாவின் கீழ் இருக்கும்போது நீங்கள் அமெரிக்காவில் சட்டப்பூர்வமான நிரந்தர இடத்தை வாங்கலாம் அல்லது சொந்த இருப்பிடத்தில் வசிக்கலாம்.

இறுதியாக, H-1B விசா என்பது ஏன் இவ்வளவு பிரபலமான மற்றும் விரும்பத்தக்க விசாவாக இருக்கிறது என்பது இரகசியமல்ல. இருப்பினும், இது கடந்த காலங்களில் பணி வழங்குனரால் துஷ்பிரயோகம் செய்யப்பட்டுள்ளது, எனவே, தற்போது இதற்கான விதிகள் தீவிரப்படுத்தப்பட்டுள்ளது.