విజన్ 2030లో భాగంగా సౌదీ తన ఆర్థిక వ్యవస్థను బలోపేతం చేసుకునేందుకు 100 మిలియన్ ఇంటర్నేషనల్ టూరిస్ట్ లను ఆహ్వానిస్తోంది. గతంలో పరిమితం చేయబడిన సరిహద్దులను ఇది పూర్తిగా ఓపెన్ చేసింది.

అందువల్ల ఇప్పుడు ఇండియన్లు సౌదీ అరేబియా వీసా కోసం దరఖాస్తు చేసుకోవడం మరియు దానిని పొందడం చాలా సులభం. వ్యాలిడ్ పాస్ పోర్ట్ ఉన్న ఇండియన్స్ కింగ్ డమ్ ఆఫ్ సౌదీ అరేబియా అధికారిక వీసా అప్లికేషన్ వెబ్సైట్ సందర్శించవచ్చు. అవసరం అయిన డిటెయిల్స్ మరియు పత్రాలు అందించి ఫామ్ ను ఫిలప్ చేయొచ్చు.

సౌదీ వీసా అప్లికేషన్ కోసం మీరు తెలుసుకోవాల్సిన మొత్తం సమాచారాన్ని మేము ఇక్కడ అందించాం.

ఇండియన్లకు ఆన్ లైన్ లో సౌదీ అరేబియా వీసాను అప్లై చేయడం చాలా సూటిగా ఉంటుంది. మీరు దరఖాస్తు చేసుకుంటున్న వీసా రకాన్ని బట్టి ప్రాసెసింగ్ మరియు అవసరం అయిన పత్రాలు అనేవి కొద్దిగా మారుతూ ఉంటాయి.

అనుసరించాల్సిన స్టెప్స్ ఇక్కడ ఉన్నాయి -

స్టెప్ 1

కింగ్ డమ్ ఆఫ్ సౌదీ అరేబియా MOFA వెబ్సైట్ సందర్శించండి. వీసా అప్లికేషన్ కొరకు ఒక అకౌంట్ క్రియేట్ చేసుకోండి.

స్టెప్ 2.

మీరు ఎందుకోసం సౌదీకి వెళ్తున్నారనే దాని ప్రకారం ఇండియన్స్ కోసం ఉన్న రకరకాల సౌదీ వీసాల నుంచి ఒకదానిని ఎంచుకోండి -

• టూరిస్ట్

• పర్సనల్ (వ్యక్తిగత) విజిట్

• బిజినెస్

• ఎంప్లాయిమెంట్

• స్టూడెంట్

• హజ్

• కుటుంబాన్ని చూసేందుకు

• దౌత్య మరియు అధికారిక

భారతీయుల కోసం మొత్తం 16 రకాల సౌదీ అరేబియా వీసా రకాలు అందుబాటులో ఉన్నాయి. అఫిషియల్ వెబ్సైట్ అయిన MOFA వెబ్సైట్లో మీరు దరఖాస్తు చేస్తున్నపుడు అన్ని రకాలు మరియు డిటెయిల్స్ పొందొచ్చు.

స్టెప్ 3.

మీ డిటెయిల్స్ తో కూడిన డేటాతో ఫామ్ పూరించండి. మరియు ఆన్లైన్ ఫీజు చెల్లించండి. వివరాలు పూరించిన ఫామ్ డౌన్లోడ్ చేసుకుని దానిని ప్రింట్ అవుట్ తీసుకోండి.

స్టెప్ 4.

అప్లికేషన్ ఫారంతో అన్ని సంబంధిత పత్రాల హార్డ్ కాపీలను జోడించి మీకు దగ్గర్లోని సౌదీ అరేబియా ఎంబసీ ఆఫీస్ లో సమర్పించండి.

ఇండియా నుంచి సౌదీ అరేబియాకు ఆఫ్ లైన్ లో వీసా ఎలా పొందాలని మీరు చేసే సెర్చ్ కేవలం ఇండియాలో ఉన్న రెండు ఎంబసీ హౌస్ లతో ముగుస్తుంది.

ఇక్కడ ఉన్నాయి -

• ముంబై నగరంలో సౌదీ అరేబియా కింగ్ డమ్ కాన్సులేట్ ఉంది.

• ఢిల్లీలో ఉన్న సౌదీ అరేబియా రాజ్య ఎంబసీని సందర్శించాలి.

మీరు ఈ రెండు కేంద్రాల నుంచి అప్లికేషన్ ఫారం తీసుకోవచ్చు. ఇప్పుడు ఈ స్టెప్స్ ఫాలో అవండి -

• ఫారంతో పాటు మీకు అందజేసిన సూచనలను చదవండి. వీసా రకం, అర్హతలు, ఫీజు మరియు పత్రాలు మొదలయినవి.

• వ్యక్తిగత డిటెయిల్స్ పేర్కొనే ఫామ్ పూరించండి. చెక్ లిస్ట్ ప్రకారం పత్రాలను అటాచ్ చేయండి.

• ఫీజుతో పాటుగా సౌదీ అరేబియా ఎంబసీ హౌస్ లో ఫామ్ సమర్పించండి.

ఇండియా నుంచి సౌదీ అరేబియాకు వీసా పొందడంలో సరైన పత్రాలు సమర్పించడం అనేది విజయానికి బాటలు వేస్తుంది. కొన్ని సాధారణ పత్రాలు:

• పాస్ పోర్ట్ - మీరు సౌదీ అరేబియాలో ప్రవేశించాలని ప్లాన్ చేసుకుంటున్న తేదీ నుంచి కనీసం 6 నెలలు వ్యాలిడ్ అయ్యే ఇండియన్ పాస్ పోర్ట్ ఉండాలి.
• ఫొటోగ్రాఫ్ – చివరి 3 నెలల్లో తీసుకున్న దరఖాస్తుదారుని 2 ఫొటోకాపీలు. వైట్ బ్యాక్ గ్రౌండ్ తో ఫొటోలు నీట్ గా ఉండాలి. కళ్లద్దాలు లేకుండా 85% ఫేస్ కవర్ అయ్యేలా ఉండాలి. 35mm X 45mm సైజ్ లో ఉండాలి.
• వీసా అప్లికేషన్ ఫారం – పూర్తిగా పూరించి సంతకం చేసిన వీసా అప్లికేషన్ ఫారం.
• హెల్త్ ఇన్సూరెన్స్ - సౌదీ అరేబియాలో చెల్లుబాటు అయ్యే హెల్త్ ఇన్సూరెన్స్ కాపీ.
• మెడికల్ ఫిట్‌నెస్ సర్టిఫికెట్ - ఎంబసీ డాక్టర్ మెడికల్ ఫిట్‌నెస్ సర్టిఫికెట్ ఇస్తాడు.
• వసతి - హోటల్ బుకింగ్ లేదా వసతి గురించిన రుజువు.

భారతీయ పౌరులకు సౌదీ అరేబియా వీసా కోసం అర్హత ప్రమాణాలు -

• మీరు సౌదీ అరేబియాకు వెళ్లాలని ప్లానింగ్ చేసుకుంటున్న తేదీ నుంచి కనీసం 6 నెలల పాటు వ్యాలిడ్ అయ్యే పాస్ పోర్ట్.

• 18 సంవత్సరాలు పైబడి ఉండాలి. లేకపోతే సంరక్షకునితో ఉండాలి.

• సౌదీ అరేబియాలో వ్యాలిడ్ అయ్యే హెల్త్ ఇన్సూరెన్స్ ఉండాలి.

• బిజినెస్ లేదా కమర్షియల్ టూర్ అయితే సరైన పత్రాలతో పాటు ఎందుకు అక్కడకు వెళ్తున్నామో క్లియర్ కట్ గా తెలిపే కవర్ లెటర్, ఇన్విటేషన్ లెటర్ మొదలయినవి.