લાઈફ ઇન્શ્યુરન્સ પોલિસીઓ નિશ્ચિત મુદત/કાર્યકાળ માટે નોંધપાત્ર રકમની સામે વીમાધારક વ્યક્તિના જીવનને આવરી લે છે. જો આ સમયગાળા દરમિયાન વીમાધારક મૃત્યુ પામે છે, તો તે/તેણીના પરિવારના સભ્યો આ કવરેજની રકમ લાઈફ ઇન્શ્યુરન્સ કંપની પાસેથી ડેથ બેનીફીટ/મૃત્યુ લાભ તરીકે મેળવવા માટે હકદાર છે. જો કે, જનરલ ઇન્શ્યુરન્સ પ્લાનમાં ડેથ બેનીફીટ/મૃત્યુ લાભની કલમો હોતી નથી.

તમારે લાઈફ ઇન્શ્યુરન્સ પ્લાનને રોકાણના સ્વરૂપે વિચારવો જોઈએ. તમે પોલિસીની સમગ્ર મુદત દરમિયાન પ્રીમિયમ તરીકે થોડીક જ રકમ ચૂકવો છો.

જો વીમાધારક આ મુદત સુધી જીવે છે, તો ઇન્શ્યુરન્સ કંપનીઓ પોલિસી માટે આપેલ પ્રીમિયમની રકમના આધારે નોંધપાત્ર વળતર આપે છે. જોકે સમય સમાપ્તિ પછી, વીમાધારકના કુટુંબના સભ્ય ડેથ બેનીફીટ/મૃત્યુ લાભનો ક્લેમ કરી શકતા નથી.

જનરલ ઇન્શ્યુરન્સ યોજનાઓના કિસ્સામાં, દાવાની રકમ થયેલ નુકસાન અથવા પોલિસીધારક દ્વારા સહન કરાયેલ નુકસાનની રકમ દ્વારા નક્કી કરવામાં આવે છે.

દાખલા તરીકે, કાર ઇન્શ્યુરન્સના દાવાના કિસ્સામાં, વીમાદાતા/ઇન્શ્યુરર થયેલા નુકસાનને ચકાસશે અને રિપેરિંગ/સમારકામ શરૂ કરવાના ખર્ચનું મૂલ્યાંકન કરશે. આ આકારણીના આધારે, ઇન્શ્યુરન્સ કંપની નાણાકીય વળતર આપે છે.

જો કે, લાઈફ ઇન્શ્યુરન્સ પોલિસીના કિસ્સામાં અન્ય પરિબળોને ધ્યાનમાં લીધા વિના ચૂકવણી અથવા દાવાની રકમ સમાન રહે છે.

લાઈફ ઇન્શ્યુરન્સ પ્લાન લાંબા ગાળાના કરારો છે, જે કેટલાક કિસ્સાઓમાં 30-40 વર્ષ સુધીની રેન્જમાં હોઈ શકે છે. તેથી, આધેડ વયની વ્યક્તિઓ તેમના મૃત્યુની સ્થિતિમાં કુટુંબના સભ્યો માટે નાણાકીય પીઠબળ સુરક્ષિત કરવાના હેતુસર આવી પોલિસી પસંદ કરે છે.

જનરલ ઇન્શ્યુરન્સ પોલિસીની મુદત સામાન્ય રીતે એક વર્ષથી ત્રણ વર્ષની વચ્ચે ટૂંકી હોય છે. પોલિસી ધારકો તેમની હાલની પોલિસી લેપ્સ થાય તે પહેલા રિન્યૂ કવરેજ કરવાનું પસંદ કરી શકે છે.

આ પ્લાનનું રિન્યૂઅલ કરવામાં નિષ્ફળતા ચોક્કસ મુદત સમાપ્ત થતા તમામ પોલિસી લાભોને સસ્પેન્ડ કરશે.