நீங்கள் ஒவ்வொரு முறையும் வழக்கமான பரிசோதனைக்காகச் செல்லும்போது மருத்துவர்கள் உங்கள் எடை மற்றும் உயரத்தை குறிப்பதை எப்போதாவது கவனித்தீர்களா? உடல் நிறை குறியீட்டெண் -ஐ கணக்கிட இந்தத் தரவு பயன்படுத்தப்படுகிறது.

இருப்பினும், டிஜிட்டல்மயமாக்கல் பி.எம்.ஐ  கால்குலேட்டருடன் இந்தச் செயல்முறையை எளிதாக்கியுள்ளது. இதன் விளைவாக, மேனுவலாக கணக்கீடுகளில் நேரத்தை வீணாக்காமல், நீங்கள் எடை குறைவாக உள்ளீர்களா அல்லது அதிக எடையுடன் உள்ளீர்களா என்பதை இப்போது தெரிந்து கொள்ளலாம்.

பி.எம்.ஐ  கால்குலேட்டர் என்பது க்வெட்லெட் குறியீட்டை மதிப்பிடும் எளிதான கருவியாகும். முடிவுகளை மதிப்பிடுவதற்கு ஒரு பயனர் தனது சரியான எடை மற்றும் உயரத்தை இந்த கால்குலேட்டரில் உள்ளிட வேண்டும். கணக்கீட்டு முடிவின் அடிப்படையில், அவர்கள் எடை குறைவாகவோ அல்லது பருமனானவர்களாகவோ இருப்பதை ஒருவர் தீர்மானிக்க முடியும்.

உணவியல் நிபுணர்கள் தங்கள் நோயாளிகளுக்கு ஒரு உணவு முறையைத் திட்டமிட இந்த மதிப்பீடு உதவுகிறது. உடல் மற்றும் மன நலத்திற்கு சத்தான உணவு முக்கியமானது என்பதால், சரியான அளவீட்டை அறிவது எடை மேலாண்மைக்கு ஒரு சீரான உணவை திட்டமிட உதவுகிறது. இதேபோல், குறைந்த எடை கொண்ட நோயாளி, உடல் எடையை அதிகரிக்க, மருந்துகளையும் ஆரோக்கியமான உணவையும் தங்கள் அன்றாட வழக்கத்தில் சேர்த்துக் கொள்ள பரிந்துரைக்கப்படலாம்.

மேலும், மருத்துவ வல்லுநர்கள் பொதுவாக பி.எம்.ஐ  கணக்கீட்டு சூத்திரத்தைப் பயன்படுத்துகின்றனர். இது ஒரு நபரின் எடை வகையை தீர்மானிக்க எடை மற்றும் உயரத்தை இணைக்கிறது.

இருப்பினும், இந்த அளவீடுகள் ஒருவரின் வயது மற்றும் பாலினத்திற்கு ஏற்ப மாறுபடும். எனவே, வயதுக்கு ஏற்ப பி.எம்.ஐ -ஐ கணக்கிடுவது எப்படி என்பதை அறிவது உங்கள் வயதைப் பொறுத்து பி.எம்.ஐ -ஐ கணக்கிட உதவும்.

இப்போது நாம் அடிப்படைகளை தெரிந்து கொண்டிருக்கிறோம். இந்த விஷயத்தில் நாம் இன்னும் கொஞ்சம் ஆழமாக தெரிந்து கொள்வோம். சரிதானே?

ஒரு பி.எம்.ஐ  கால்குலேட்டர் ஒரு தனிநபரின் எடை வகையை எடையின் விகிதத்தை உயரத்துடன் ஸ்கொயரால் கணக்கிடுவதன் மூலம் மதிப்பிடுகிறது.

அதாவது, உயரமானவர்களுக்கு அதிக திசுக்கள் இருப்பதால் அவர்கள் அதிக எடையைக் கொண்டிருப்பதை ஒருவர் அறிந்திருக்க வேண்டும். எனவே, பி.எம்.ஐ  முடிவுகள் உங்கள் உடல்நலத் திட்டத்தைத் தீர்மானிக்க ஒரே காரணியாக இருக்கக் கூடாது.

தொழில்நுட்ப ரீதியாக, இந்தக் கால்குலேட்டரால் உடல் கொழுப்பை மதிப்பிட முடியாது. மனித உடலில் உள்ள எலும்புகள் மற்றும் தசைகள் கொழுப்பை விட அடர்த்தியானவை. இதன் விளைவாக, விளையாட்டு வீரர்கள் மற்றும் பளு தூக்குபவர்கள் அதிக உடல் கொழுப்பு இல்லாத போதிலும் அதிக பி.எம்.ஐ -ஐ கொண்டுள்ளனர்.

இருப்பினும், பொதுவாகப் பயன்படுத்தப்படும் பி.எம்.ஐ  எடை விளக்கப்படம் கீழே காட்டப்பட்டுள்ளது.

பி.எம்.ஐ  கால்குலேட்டர் முடிவுகளை மதிப்பிடுவதற்கு ஒரு எளிய சூத்திரத்தைப் பின்பற்றுகிறது. இது எடையை (கிலோகிராமில்) உயரத்தின் ஸ்கொயரால் (மீட்டரில்) பிரிக்கிறது.

கூடுதலாக, இந்த கால்குலேட்டர் வயது மற்றும் பாலினம் போன்ற பல ஆப்ஷன்களுடன் வருகிறது. இது தனிநபர்களுக்கான கணக்கீட்டு முடிவை மிகவும் துல்லியமாக்குகிறது.

ஆண்கள் மற்றும் பெண்களுக்கான பி.எம்.ஐ  மதிப்பீட்டு சூத்திரம் பின்வருமாறு:

பி.எம்.ஐ  = எடை/உயரம்²

உதாரணமாக, சுமார் 70 கிலோ கிராம் எடையும் 5’ (1.524 மீட்டர்) உயரமும் கொண்ட ஒரு பெண்ணின் பி.எம்.ஐ :

= 70/(1.524)²

= 30.1 kg/m2

இந்த தரவு அந்த நபர் பருமனாக இருப்பதைக் குறிக்கிறது. இந்த உயரம் மற்றும் எடை வரம்பிற்கு, 18.5 முதல் 24.9 வரையிலான பி.எம்.ஐ  இயல்பானது. எனவே, ஒரு நபர் உடல் எடையை குறைக்க வேண்டும் மற்றும் அதை சுமார் 6 கிலோகிராம் குறைக்க வேண்டும்.

பி.எம்.ஐ  கால்குலேட்டர் உடல் நிறை குறியீட்டைக் கணக்கிடுவதை மிகவும் எளிதாக்கியுள்ளது. இந்த கால்குலேட்டரைப் பயன்படுத்தி உங்கள் பி.எம்.ஐ -ஐ கண்டறிய கீழே உள்ள எளிய வழிமுறைகளைப் பின்பற்றவும்.

படி 1: கொடுக்கப்பட்ட ஆப்ஷன்களிலிருந்து உங்கள் பாலினத்தைத் தேர்ந்தெடுக்கவும்: (ஆண்/பெண்/மூன்றாம் பாலினம்)

படி 2: "வயது" பிரிவின் கீழ் உங்கள் வயதை எண்களில் (ஆண்டுகள்) எழுதுங்கள்.

படி 3: உங்கள் உயரத்தை எழுதும் முன் உயர உள்ளீட்டு அலகுகளை அடி (ft) மற்றும் அங்குலங்கள் (in) இல் இருந்து சென்டிமீட்டருக்கு (cm) அல்லது அதற்கு நேர்மாறாக மாற்றவும்.

படி 4: "உயரம்" பிரிவின் கீழ் உங்கள் உயரத்தை அடி (ft) மற்றும் அங்குலம் (in) அல்லது சென்டிமீட்டரில் இன்செர்ட் செய்யும்.

படி 5: இப்போது "எடை" பிரிவின் கீழ் உங்கள் எடையை கிலோகிராமில் (kgs) வைக்கவும்.

படி 6: இறுதியாக உங்கள் பி.எம்.ஐ -ஐ கண்டுபிடிக்க கணக்கீடு பட்டனை கிளிக் செய்யவும்.

பி.எம்.ஐ  கால்குலேட்டர் மெட்ரிக்கைப் புரிந்துகொள்வது ஒரு நபரின் வாழ்க்கை முறை மற்றும் உணவுத் தேர்வுகளைத் தீர்மானிக்க பயனுள்ளதாக இருக்கும். எடை குறைவாக உள்ள நபர்கள் இந்த மாற்றங்களுக்கான காரணத்தை மதிப்பீடு செய்யலாம்.

சில சந்தர்ப்பங்களில், தைராய்டு போன்ற மருத்துவ நிலைகள் உடல் எடையை அதிகரிக்கலாம் அல்லது குறைக்கலாம். இதற்கு உடனடி மருத்துவ கவனிப்பு தேவைப்படுகிறது.

இது ஒரு நார்மல் எடையை பராமரிக்க உதவுகிறது. கீழ்வாதம், இதய நோய்கள் மற்றும் டைப் 2 நீரிழிவு போன்ற நோய்களின் அபாயத்தைக் குறைக்கிறது.

கூடுதலாக, பி.எம்.ஐ  கால்குலேட்டரின் வேறு சில நன்மைகள் பின்வருமாறு:

• குறைந்த தரவுகளுடன் எளிதான மற்றும் விரைவான கணக்கீட்டை அனுமதிக்கிறது

• மேனுவலாக கணக்கீட்டில் பொதுவான பிழைகளின் சாத்தியக் கூறுகளை நீக்குகிறது

• மொபைல் ஃப்ரெண்ட்லி மற்றும் மலிவானது

• சில கருவிகள் சாதாரண உடல் கொழுப்பு அளவுகள் பற்றிய பரிந்துரைகளையும் வழங்குகின்றன

இது ஒருவரின் பி.எம்.ஐ -ஐ கணக்கிட்டு, அவரது வயதுடன் ஒப்பிடும்போது, பி.எம்.ஐ  விளக்கப்படம் இந்த நபருக்கு உடனடி மருத்துவ கவனிப்பு தேவையா என்பதைப் புரிந்துகொள்ள உதவுகிறது. மேலும், உடற்பயிற்சி ஆர்வலர்கள் இந்தக் கருவியைப் பயன்படுத்தி தங்கள் கொழுப்பின் சதவீதத்தை அளந்து அதற்கேற்ப உடற்பயிற்சியை திட்டமிட உதவுகிறது.

கூடுதலாக, அதிக எடை கொண்ட நபர்கள் இந்த கருவியைப் பயன்படுத்தி தங்களுக்கு இயல்பான எடையின் வரம்பை தீர்மானிக்கலாம் மற்றும் அதை நோக்கி செயல்படலாம்.

இப்போது பி.எம்.ஐ  கால்குலேட்டரைப் பயன்படுத்தத் தொடங்கி, உங்கள் உடல்நலத் திட்டத்தைத் திட்டமிட்டு, உங்கள் உடற்தகுதியை அதிகரிக்கவும். இந்த வழிகாட்டி கட்டுரையானது இந்த கால்குலேட்டருடன் உங்கள் எல்லா கேள்விகளுக்கும் பதிலளித்து இருக்கும் என நம்புகிறோம்.

பொறுப்புத் துறப்பு: ஒருவர் தனது வாழ்க்கைமுறையில் குறிப்பிடத்தக்க மாற்றங்களைச் செய்வதற்கு முன் ஒரு சுகாதார நிபுணரின் ஆலோசனையைப் பெற வேண்டும்.