மேலே பார்த்தபடி, குறைந்த கிரெடிட் ஸ்கோர் அல்லது கிரெடிட் ஹிஸ்டரி இல்லாவிட்டாலும் நீங்கள் அப்போதும் கார் லோனைப் பெறலாம் (அதாவது முந்தைய கடன்கள் / கிரெடிட் கார்டுகள் இல்லாததால், உங்கள் ஸ்கோர் கிரெடிட் ரிப்போர்ட்டில் என்.எச்/ என்.ஏ மூலம் குறிக்கப்படுகிறது). கார் லோனுக்கான உங்கள் தகுதியை மேம்படுத்த பின்வருவனவற்றில் ஒன்றை நீங்கள் முயற்சி செய்யலாம்:
இணை விண்ணப்பதாரர் / உத்தரவாதம் அளிப்பவர்: லோனுக்கு உங்களுடன் விண்ணப்பிக்க ஒரு இணை விண்ணப்பதாரர் அல்லது உத்தரவாதம் அளிப்பவரைக் கண்டறியவும். எடுத்துக்காட்டாக, ஒரு நெருங்கிய குடும்ப உறுப்பினர், நல்ல கிரெடிட் ஸ்கோர் கொண்டவர். இது உங்கள் தகுதியை மேம்படுத்தும்.
வருமானம் மற்றும் வங்கி இருப்பு: உங்களிடம் நிலையான வருமானம் மற்றும் மாதாந்திர கடன் தவணைகளை செலுத்துவதை ஆதரிக்க ஒரு நல்ல வங்கி இருப்பு இருப்பதை நிரூபிக்க வேண்டும்.
பிணையம்/மாற்று வழி: சில கடன் வழங்குநர்கள் தங்கம், பங்குகள், சொத்துக்கள், நிலையான வைப்புகள் போன்ற பிணையத்தின் மீது கார் லோனை வழங்க ஒப்புக் கொள்ளலாம்.
குறைக்கப்பட்ட கடன் தொகை: குறைந்த கிரெடிட் ஸ்கோர் கடன் வழங்குநருக்கு இயல்பாகவே அபாயத்தைக் குறிக்கிறது, ஆனால் நீங்கள் குறைந்த கார் லோன் தொகையைக் கோரலாம், மேலும் அதிக டவுன் பேமெண்ட் கடன் வழங்குபவருக்குயக் குறைந்த ஆபத்தை ஏற்படுத்தும்.
வெவ்வேறு கடன் வழங்குநர்கள்: குறைந்த கிரெடிட் ஸ்கோர் உள்ளவர்களுக்கு அதிக வட்டி விகிதத்தில் கடன் வழங்கக்கூடிய கடன் வழங்குநர்களைத் தேடுங்கள்.
இருப்பினும், கார் லோனுக்கான உங்கள் விண்ணப்பம் நிராகரிக்கப்பட்டால், மீண்டும் லோனுக்கு விண்ணப்பிப்பதற்கு முன்பு உங்கள் கிரெடிட் ஸ்கோரை மேம்படுத்த முயற்சிக்க பரிந்துரைக்கப்படுகிறது, ஏனெனில், உடனடியாக பிற கடன் வழங்குநர்களுடன் லோன்களுக்கு விண்ணப்பிப்பது உங்கள் ஸ்கோரை மேலும் குறைக்கும்.
குறிப்பு: கடன் ஒப்புதல்கள் வேறு பல காரணிகளைப் பொறுத்தது, மேலும் உங்கள் கிரெடிட் ஸ்கோர் குறைவாக இருந்தால் மேற்கண்ட முறைகள் ஒப்புதலை உறுதிப்படுத்தாது.