झिरो डेप्रिसिएशन कार इन्शुरन्स ही एक व्यापक कार इन्शुरन्स पॉलिसी आहे, ज्यामध्ये झिरो डेप्रिसिएशन अ‍ॅड-ऑन कव्हर समाविष्ट आहे. याचा अर्थ असा की कार इन्शुरन्स दाव्यांदरम्यान तुमची कार तिच्या सामान्य डेप्रिसिएशन पासून स्वतंत्र असेल.

सोप्या भाषेत सांगायचं तर झिरो डेप्रिसिएशन कव्हरशिवाय, सर्व इन्शुरन्स कंपन्या तुमच्या कारच्या भागांवर डेप्रिसिएशन भरतात आणि त्यामुळे डेप्रिसिएशन रक्कम वजा केल्यानंतरच तुम्हाला तुमचा क्लेम  देतात. अ‍ॅड-ऑनसह, कोणतेही डेप्रिसिएशन वजा केला जात नाही आणि दाव्यांदरम्यान तुम्हाला अधिक पैसे मिळतात.

डेप्रिसिएशन म्हणजे तुम्ही कार घेतल्यावर जितका कालावधी होतो त्याप्रमाणे कारची नैसर्गिक झीज होत जाते परिणामी किमंतीवर सुद्धा परिणाम होतो. तुमची कार जितकी जुनी तितकी तिची डेप्रिसिएशन तितका जास्त.

डेप्रिसिएशन कसा मोजला जातो?

इन्शुरन्स रेग्युलेटरी अँड डेव्हलपमेंट अथॉरिटी ऑफ इंडिया (IRDAI) नुसार, खाली दिलेले डेप्रिसिएशन दर आहेत, ज्याच्या आधारे तुमच्या कारचे एकूण डेप्रिसिएशन मोजले जाते:

• रबर, नायलॉन आणि प्लास्टिकचे भाग आणि बॅटरी: 50%
• फायबर ग्लास घटक: 30%
• लाकडी भाग: पहिल्या वर्षी 5%, दुसऱ्या वर्षी 10%, आणि अनुक्रमे.

साधारणपणे, तुमच्या सर्वसमावेशक पॉलिसीमध्ये झिरो डेप्रिसिएशन अ‍ॅडऑन कव्हर निवडण्याची किंमत तुमच्या सर्वसमावेशक कार इन्शुरन्स प्रीमियमच्या तुलनेत अंदाजे अतिरिक्त 15% असेल.

जेव्हा तुम्ही तुमच्या कारच्या एकूण संरक्षणासाठी फक्त 15% अतिरिक्त प्रीमियम भरत असाल, तेव्हा ते पूर्णपणे फायदेशीर आहे कारण तुम्ही दाव्यांदरम्यान बचत कराल ती रक्कम अ‍ॅडऑनच्या खर्चापेक्षा खूप जास्त असेल.

याबद्दल अधिक जाणून घ्या: 

• कार इन्शुरन्सची तुलना करा
• कार इन्शुरन्स कॅल्क्युलेटर

तुमच्या कारचे सर्व संभाव्य नुकसानांपासून संरक्षण करण्यासाठी एक स्वतंत्र सर्वसमावेशक पॉलिसी हा एक उत्तम मार्ग आहे यात शंका नाही. तथापि, दाव्यांदरम्यान- तुम्हाला तरीही तुमच्या कारच्या भागांच्या डेप्रिसिएशनचे पैसे द्यावे लागतात. मात्र जर का आपण सर्वसमावेशक कार इन्शुरन्स पॉलिसीमध्ये झिरो डेप्रिसिएशन अ‍ॅडऑन कव्हरची निवड केली असेल तर दाव्यांदरम्यान तुमच्या कारच्या डेप्रिसिएशन खर्चासाठी पैसे देखील कंपनीकडून देण्यात येतात.

दाव्यांच्या दरम्यान झिरो डेप्रीसिएशन कव्हरची मुख्य भूमिका म्हणजे बचत. उदाहरणार्थ जर तुमची एकूण दाव्याची देय रक्कम 20,000 रुपये असेल आणि तुमच्या कारच्या पार्ट डेप्रिसिएशनची एकूण किंमत 6,000 रुपये असेल आणि आपल्याकडे झिरो डेप्रीसिएशन कव्हर नसेल  तर इन्शुरन्स कंपनी केवळ  14,000 रुपये खर्च  करण्यासाठीच जबाबदार असेल. तथापि, जर तुमच्याकडे झिरो डेप्रीसिएशन कव्हर असेल, तर तुम्हाला तुमच्या दाव्याची रक्कम म्हणून संपूर्ण 20,000 रुपये मिळतील.

• झिरो डेप्रीसिएशन अ‍ॅडऑन कव्हर फक्त खरेदीनंतर पाच वर्षापेक्षा कमी कालावधी झालेल्या जुन्या कारसाठी लागू आहे.
• झिरो डेप्रीसिएशन केवळ दाव्यांदरम्यान तुमच्या कारच्या पार्ट डेप्रिसिएशनच्या खर्चासाठी कव्हर करते आणि तुमच्या अनिवार्य वजावटीसाठी कव्हर करत नाही.
• पाच वर्षांपेक्षा जास्त वयाच्या कारसाठी झिरो डेप्रीसिएशन अ‍ॅडऑन कव्हर निवडले जाऊ शकत नाही.

• तुम्‍ही लवकरच नवीन कार खरेदी करण्‍याचा विचार करत असल्‍यास, तुमच्‍या सर्वसमावेशक कार इन्शुरन्स पॉलिसीमध्‍ये झिरो डेप्रिसिएशन कव्‍हरची निवड करणे फायद्याचे ठरेल. आम्ही जाणतो की, तुम्ही तुमच्या नवीन कारसाठी आधीच भरपूर खर्च करत आहात, मात्र योग्य अ‍ॅड-ऑन्ससह इन्शुरन्ससाठी  थोडा अधिक खर्च हा खर्च नसून गुंतवणूक ठरेल.
• जर तुम्ही नुकतीच नवीन कार खरेदी केली असेल किंवा तुमची कार 5 वर्षांपेक्षा कमी जुनी असेल तर तुमच्या सर्वसमावेशक कार इन्शुरन्स पॉलिसीमध्ये झिरो डेप्रीसिएशन कव्हर निवडणे तुम्हाला तुमच्या कार इन्शुरन्स दाव्यांमध्ये बचत करण्यात मदत करेल. कारण, तुमच्या कारच्या डेप्रीसिएशन किंमत कालांतराने वाढत जाईल परंतु, झिरो डेप्रीसिएशन इन्शुरन्स सह तुम्हाला दाव्यांच्या दरम्यान ही अतिरिक्त किंमत मोजावी लागणार नाही याची खात्री होते!