ಕೆಟರಾಕ್ಟ್ ಹೆಲ್ತ್ ಇನ್ಶೂರೆನ್ಸ್ ಎಂದರೇನು?

ಕೆಟರಾಕ್ಟ್ ಹೆಲ್ತ್ ಇನ್ಶೂರೆನ್ಸ್, ಕಣ್ಣಿನ ಪೊರೆಯ ಚಿಕಿತ್ಸೆಯನ್ನು ಕವರ್  ಮಾಡುವ ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಯನ್ನು ಸೂಚಿಸುತ್ತದೆ. ಇದು ವೃದ್ಧಾಪ್ಯದಲ್ಲಿ ಎದುರಿಸುವ ಸಾಮಾನ್ಯ ಕಣ್ಣಿನ ಸ್ಥಿತಿಯಾಗಿದೆ. ಆದರೆ, ಇದು ಕಣ್ಣಿನ ಗಾಯಗಳಿಂದ ಸಹ ಪ್ರಚೋದಿಸಬಹುದು.

ಡಿಜಿಟ್‌ನಲ್ಲಿ, ಈ ಚಿಕಿತ್ಸೆಯು ನಮ್ಮ ಡೇಕೇರ್ ಕಾರ್ಯವಿಧಾನಗಳ ಅಡಿಯಲ್ಲಿ ಒಳಗೊಂಡಿರುತ್ತದೆ. ಹಾಗೂ ಯಾವುದೇ ಹೆಚ್ಚುವರಿ ವೆಚ್ಚವಿಲ್ಲದೆ ಕವರ್ ಆಗುತ್ತದೆ.

ಕೆಟರಾಕ್ಟ್ ಎನ್ನುವುದು ಕಣ್ಣಿನ ಮಸೂರದಲ್ಲಿ ದಟ್ಟವಾದ, ಮೋಡದ ಪ್ರದೇಶದಂತಹ ರಚನೆಯಿಂದ ಉಂಟಾಗುವ ಕಣ್ಣಿನ ಸ್ಥಿತಿಯಾಗಿದೆ. ವಯಸ್ಸಾದವರಲ್ಲಿ ಇದು ಹೆಚ್ಚು ಸಾಮಾನ್ಯವಾಗಿದೆ ಮತ್ತು ಚಿಕಿತ್ಸೆಯನ್ನು ನೀಡದೆ ಹಾಗೇ ಬಿಟ್ಟಲ್ಲಿ, ಅದು ಭಾಗಶಃ ಅಥವಾ ಸಂಪೂರ್ಣ ಕುರುಡುತನಕ್ಕೆ ಕಾರಣವಾಗಬಹುದು.

ಕೆಟರಾಕ್ಟ್ ಹೇಗೆ ಉಂಟಾಗುತ್ತದೆ?

ಕೆಟರಾಕ್ಟ್‌ಗೆ ಕೇವಲ ಒಂದೇ ಕಾರಣವಿಲ್ಲ. ಹಿರಿಯರಲ್ಲಿ ಇದು ಸಾಮಾನ್ಯವಾದರೂ, ಭಾರತದಲ್ಲಿ 50ರ ಹರೆಯದವರಿಗೂ ಕೆಟರಾಕ್ಟ್ ಬರುತ್ತಿರುವುದು ಟ್ರೆಂಡ್ ಆಗುತ್ತಿದೆ!

ಭಾರತದಲ್ಲಿ ಮಧುಮೇಹದ (ಡಯಾಬಿಟಿಸ್) ಹೆಚ್ಚಳ ಮತ್ತು ಅದರ ಹರಡುವಿಕೆ ಇದಕ್ಕೆ ಒಂದು ಕಾರಣವಾಗಿರಬಹುದು. ಮಧುಮೇಹ ಮತ್ತು ಹೆಚ್ಚುತ್ತಿರುವ ವಯಸ್ಸನ್ನು ಹೊರತುಪಡಿಸಿ, ಕೆಟರಾಕ್ಟ್‌ಗೆ ಇನ್ನೂ ಕೆಲವು ಕಾರಣಗಳಿವೆ:

• ಆಕ್ಸಿಡಂಟ್'ಗಳ ಅಧಿಕ ಉತ್ಪಾದನೆ, ಅಂದರೆ ಸಾಮಾನ್ಯ ದೈನಂದಿನ ಜೀವನದಿಂದಾಗಿ ರಾಸಾಯನಿಕವಾಗಿ ಬದಲಾಗಿರುವ ಆಮ್ಲಜನಕದ ಅಣುಗಳು

• ಧೂಮಪಾನ

• ನೇರಳಾತೀತ ವಿಕಿರಣ

• ಸ್ಟೀರಾಯ್ಡಗಳು ಮತ್ತು ಇತರ ಔಷಧಿಗಳ ದೀರ್ಘಾವಧಿಯ ಬಳಕೆ

• ಮಧುಮೇಹದಂತಹ ಕೆಲವು ರೋಗಗಳು

• ಹಳೆಯ ಗಾಯಗಳಿಂದ ಕಣ್ಣಿಗೆ ಆಘಾತ

• ವಿಕಿರಣ ಚಿಕಿತ್ಸೆ

ಕೆಟರಾಕ್ಟ್‌ನ ಲಕ್ಷಣಗಳು

• ಅಸ್ಪಷ್ಟ ದೃಷ್ಟಿ

• ರಾತ್ರಿಯಲ್ಲಿ ನೋಡಲು ತೊಂದರೆ

• ಬಣ್ಣಗಳು ಮಾಸಿದಂತೆ ಕಾಣುವುದು 

• ಪ್ರಜ್ವಲಿಸುವಿಕೆಗೆ ಹೆಚ್ಚಿದ ಸಂವೇದನೆ

• ಬೆಳಕಿನ ಸುತ್ತಮುತ್ತಲು ಹಾಲೋಸ್

• ದೋಷವಿರುವ ಕಣ್ಣಿನಲ್ಲಿ ಎರಡು ದೃಷ್ಟಿಗಳು ಕಾಣುವುದು.

• ಪ್ರಿಸ್ಕ್ರಿಪ್ಷನ್ ಗ್ಲಾಸ್ಗಳಲ್ಲಿ ಆಗಾಗ ಬದಲಾವಣೆಗಳ ಅಗತ್ಯತೆ

ಕೆಟರಾಕ್ಟ್‌ನ ವಿಧಗಳು

ಸಾಮಾನ್ಯವಾಗಿ ಕೆಟರಾಕ್ಟ್‌ ಎನ್ನುವುದು ಕೇವಲ ವೃದ್ಧಾಪ್ಯಕ್ಕೆ ಮಾತ್ರ ಸಂಬಂಧಿಸಿದ್ದು ಎನ್ನುವ ತಪ್ಪು ಕಲ್ಪನೆಯನ್ನು ಜನರು  ಹೊಂದಿರುತ್ತಾರೆ.

ಆದಾಗ್ಯೂ, ಇದು ನಿಜವಲ್ಲ.  ಕೆಟರಾಕ್ಟ್‌ ವಿವಿಧ ರೀತಿಯದ್ದಾಗಿರಬಹುದು, ಅದರ ಕಾರಣ ಮತ್ತು ಅದು ಕಣ್ಣಿನ ಯಾವ ಭಾಗವನ್ನು ಬಾಧಿಸುತ್ತದೆ ಎಂಬುದರ ಆಧಾರದ ಮೇಲೆ ನಿರ್ಣಾಯವಾಗುತ್ತದೆ. ಕೆಟರಾಕ್ಟ್‌ನ ವಿವಿಧ ಪ್ರಕಾರಗಳನ್ನು ಕೆಳಗೆ ನೀಡಲಾಗಿದೆ:

ನ್ಯೂಕ್ಲಿಯರ್ ಕೆಟರಾಕ್ಟ್‌ಗಳು : ಇದು ಮಸೂರದ ಮಧ್ಯದಲ್ಲಿ ರೂಪುಗೊಳ್ಳುತ್ತದೆ ಮತ್ತು ನ್ಯೂಕ್ಲಿಯಸ್ (ಕಣ್ಣಿನ ಮಧ್ಯಭಾಗ) ಹಳದಿ/ಕಂದು ಬಣ್ಣಕ್ಕೆ ತಿರುಗುತ್ತದೆ.

ಕಾರ್ಟಿಕಲ್ ಕೆಟರಾಕ್ಟ್‌ಗಳು :  ಕಟ್ಟಿಗೆಯ ಚೂರಿನಾಕಾರದ, ನ್ಯೂಕ್ಲಿಯಸ್ ಅಂಚಿನ ಸುತ್ತಲೂ ರೂಪುಗೊಳ್ಳುತ್ತದೆ.

ಹಿಂಭಾಗದ ಕ್ಯಾಪ್ಸುಲರ್ ಕೆಟರಾಕ್ಟ್‌ಗಳ: ಇತರ ಕೆಟರಾಕ್ಟ್‌ಗಳಿಗೆ ಹೋಲಿಸಿದರೆ ಇದು ಅತ್ಯಂತ ವೇಗವಾಗಿ ರೂಪುಗೊಳ್ಳುತ್ತದೆ ಮತ್ತು ಕಣ್ಣಿನ ಮಸೂರದ ಹಿಂಭಾಗದ ಮೇಲೆ ಪರಿಣಾಮ ಬೀರುತ್ತದೆ.

ಜನ್ಮಜಾತ ಕೆಟರಾಕ್ಟ್‌ಗಳ: ಒಂದು ವಿಧದ ಕೆಟರಾಕ್ಟ್‌ ಆಗಿದ್ದು, ಇದು ವಯಸ್ಸಾಗುತ್ತಿರುವ ಕಾರಣದಿಂದ ಉಂಟಾಗುವುದಿಲ್ಲ. ಆದರೆ ಇದು ಹುಟ್ಟಿನಿಂದಲೇ ಇರುತ್ತದೆ ಅಥವಾ ಮಗುವಿನ ಮೊದಲ ವರ್ಷದಲ್ಲಿ ರೂಪುಗೊಂಡಿರುತ್ತದೆ.

ದ್ವಿತೀಯ ಕೆಟರಾಕ್ಟ್‌ಗಳು : ಮತ್ತೊಂದು ಕಾಯಿಲೆಯ ಕಾರಣದಿಂದ ಅಥವಾ ಮಧುಮೇಹ ಮತ್ತು ಗ್ಲುಕೋಮಾದಂತಹ ಆರೋಗ್ಯ ಸ್ಥಿತಿಯಿಂದ ಉಂಟಾಗುತ್ತದೆ. ಹೆಚ್ಚುವರಿಯಾಗಿ, ಸ್ಟೀರಾಯ್ಡಗಳು ಮತ್ತು ಇತರ ಔಷಧಿಗಳ ಬಳಕೆಯು ಕೆಟರಾಕ್ಟ್‌ಗೆ ಕಾರಣವಾಗಬಹುದು.

ಆಘಾತಕಾರಿ ಕೆಟರಾಕ್ಟ್‌ಗಳು: ಕೆಲವೊಮ್ಮೆ, ಕಣ್ಣಿನ ಗಾಯದ ನಂತರ ಆಘಾತಕಾರಿ ಕೆಟರಾಕ್ಟ್‌ಗಳು ಬೆಳೆಯಬಹುದು, ಆದರೂ ಇದು ಉಂಟಾಗಲು ವರ್ಷಗಳನ್ನು ತೆಗೆದುಕೊಳ್ಳಬಹುದು.

ವಿಕಿರಣ ಕೆಟರಾಕ್ಟ್‌ಗಳು: ಒಬ್ಬ ವ್ಯಕ್ತಿಯು ಕ್ಯಾನ್ಸರ್‌ಗೆ ಸಂಬಂಧಿಸಿದ ವಿಕಿರಣ ಚಿಕಿತ್ಸೆಗೆ ಒಳಗಾದ ನಂತರ ಇದು ಸಂಭವಿಸಬಹುದು.

ಕೆಟರಾಕ್ಟ್‌ಗಳನ್ನು ತಡೆಗಟ್ಟಲು ಯಾವುದಾದರೂ ಮಾರ್ಗವಿದೆಯೇ?

ಹೌದು, ಕೆಟರಾಕ್ಟ್‌ ಅನ್ನು ಪ್ರಾಥಮಿಕವಾಗಿ ನಿಮ್ಮ ಕಣ್ಣಿನ ಆರೋಗ್ಯ ಮತ್ತು ಒಟ್ಟಾರೆ ಆರೋಗ್ಯ - ಯೋಗಕ್ಷೇಮವನ್ನು ಕಾಪಾಡಿಕೊಳ್ಳುವ ಮೂಲಕ ತಡೆಗಟ್ಟಬಹುದು. ಕೆಟರಾಕ್ಟ್‌ ಅನ್ನು ತಡೆಗಟ್ಟುವ ಕೆಲವು ವಿಧಾನಗಳು:

• ಹಗಲು ಹೊತ್ತಿನಲ್ಲಿ ಯುವಿಬಿ (UVB) ಕಿರಣಗಳಿಂದ ನಿಮ್ಮ ಕಣ್ಣುಗಳನ್ನು ರಕ್ಷಿಸಲು ಸನ್‌ಗ್ಲಾಸ್ ಅನ್ನು ಧರಿಸಿ.

• ನಿಯಮಿತವಾಗಿ ಕಣ್ಣಿನ ತಪಾಸಣೆ ಮಾಡಿಸಿ. ವಿಶೇಷವಾಗಿ ನೀವೇನಾದರೂ ಕಣ್ಣಿನ ಸಮಸ್ಯೆಗಳನ್ನು ಎದುರಿಸುತ್ತಿದ್ದರೆ ಅಥವಾ 65 ವರ್ಷಕ್ಕಿಂತ ಮೇಲ್ಪಟ್ಟವರಾಗಿದ್ದರೆ ಕಣ್ಣಿನ ತಪಾಸಣೆ ಅವಶ್ಯವಾಗಿ ಮಾಡಿಸಿ.

• ಧೂಮಪಾನ ನಿಲ್ಲಿಸಿ!

• ಆಂಟಿ ಆಕ್ಸಿಡಂಟ್'ಗಳನ್ನು ಹೊಂದಿರುವ ಹಣ್ಣುಗಳು ಮತ್ತು ತರಕಾರಿಗಳನ್ನು ನಿಯಮಿತವಾಗಿ ಸೇವಿಸಿ.

• ಇದು ಇತರ ಕಾಯಿಲೆಗಳನ್ನು ತಡೆಗಟ್ಟುವುದರಿಂದ - ಯಾವಾಗಲೂ ಆರೋಗ್ಯಕರ ತೂಕವನ್ನು ಕಾಪಾಡಿಕೊಳ್ಳಲು ಪ್ರಯತ್ನಿಸಿ.

• ನೀವು ಮಧುಮೇಹಿಗಳಾಗಿದ್ದರೆ, ನಿಮ್ಮ ಮಧುಮೇಹದ ಮಟ್ಟವನ್ನು ನಿಯಂತ್ರಣದಲ್ಲಿಟ್ಟುಕೊಳ್ಳಿ.

ಕೆಟರಾಕ್ಟ್‌ಗಳಿಗೆ ಸಂಬಂಧಿಸಿದ ಯಾವುದಾದರೂ ಅಪಾಯಕಾರಿ ಅಂಶಗಳಿವೆಯೇ?

ಹೌದು, ದುರದೃಷ್ಟವಶಾತ್ ಕೆಲವರು ಇತರರಿಗಿಂತ ಕೆಟರಾಕ್ಟ್‌ಗೆ ಹೆಚ್ಚು ಒಳಗಾಗುತ್ತಾರೆ. ಈ ಕೆಲವು ಅಪಾಯಕಾರಿ ಅಂಶಗಳು ಕೆಳಗಿನವುಗಳನ್ನು ಒಳಗೊಂಡಿವೆ:

• ಹೆಚ್ಚುತ್ತಿರುವ ವಯಸ್ಸು

• ಅತಿಯಾದ ಮದ್ಯ ಸೇವನೆ

• ನಿಯಮಿತ ಧೂಮಪಾನ

• ಬೊಜ್ಜು

• ತೀವ್ರ ರಕ್ತದೊತ್ತಡ

• ಹಳೆಯ ಕಣ್ಣಿನ ಗಾಯಗಳು

• ಕೆಟರಾಕ್ಟ್‌ಗಳಿಗೆ ಸಂಬಂಧಿಸಿದಂತೆ ಕುಟುಂಬದ ಇತಿಹಾಸ

• ಅತಿಯಾಗಿ ಸೂರ್ಯನಿಗೆ ಮೈಯೊಡ್ಡುವುದು 

• ಮಧುಮೇಹ

• X- ಕಿರಣಗಳು ಮತ್ತು ಕ್ಯಾನ್ಸರ್ ಚಿಕಿತ್ಸೆಗಳಿಂದ ವಿಕಿರಣಕ್ಕೆ ಒಡ್ಡಿಕೊಳ್ಳುವುದು

• ಕೆಟರಾಕ್ಟ್‌ಗೆ ಶಸ್ತ್ರಚಿಕಿತ್ಸೆಯ ಹೊರತಾಗಿ ಯಾವುದೇ ನೈಸರ್ಗಿಕ ಚಿಕಿತ್ಸೆ ಇಲ್ಲ - ದುರದೃಷ್ಟವಶಾತ್, ರಾಷ್ಟ್ರೀಯ ಆರೋಗ್ಯ ಸಂಸ್ಥೆಯು ದೃಢಪಡಿಸಿದಂತೆ, ಶಸ್ತ್ರಚಿಕಿತ್ಸೆಯ ಹೊರತಾಗಿ ಕೆಟರಾಕ್ಟ್‌ಗೆ ಪ್ರಸ್ತುತ ಯಾವುದೇ ನೈಸರ್ಗಿಕ ಚಿಕಿತ್ಸೆ ಇಲ್ಲ. ಆದ್ದರಿಂದ, ನಿಮ್ಮ ದೃಷ್ಟಿ ಸುಧಾರಿಸಲು ನೀವು ಕೆಟರಾಕ್ಟ್‌ನ ಲಕ್ಷಣಗಳು ಮತ್ತು ಪರಿಣಾಮಗಳ ಮೂಲಕ ತಡೆಯಲು, ನೀವು ಕೆಟರಾಕ್ಟ್‌ ಶಸ್ತ್ರಚಿಕಿತ್ಸೆಯನ್ನು ಮಾಡಿಸಬೇಕಾಗುತ್ತದೆ.

• ಚಿಕಿತ್ಸೆ ಪಡೆಯದ ಕೆಟರಾಕ್ಟ್‌, ಭಾಗಶಃ ಅಥವಾ ಸಂಪೂರ್ಣ ಕುರುಡುತನಕ್ಕೆ ಕಾರಣವಾಗಬಹುದು - ಮನುಷ್ಯನೊಬ್ಬನ ವಯಸ್ಸು ಮತ್ತು ಕಣ್ಣಿನ ಸ್ಥಿತಿಗೆ ಅನುಗುಣವಾಗಿ, ರೋಗಲಕ್ಷಣಗಳು ಕಾಲಾನಂತರದಲ್ಲಿ ಉಲ್ಬಣಗೊಳ್ಳಬಹುದು. ಮತ್ತು ಚಿಕಿತ್ಸೆ ಪಡೆಯದಿದ್ದರೆ (ಸಹಜವಾಗಿ ಶಸ್ತ್ರಚಿಕಿತ್ಸೆಯ ಮೂಲಕ), ಇದು ರೋಗಿಯ ಭಾಗಶಃ ಅಥವಾ ಸಂಪೂರ್ಣ ಕುರುಡುತನಕ್ಕೆ ಕಾರಣವಾಗಬಹುದು. ಆದ್ದರಿಂದ, ಅಂತಹ ಕೆಟ್ಟ ಪರಿಣಾಮಗಳನ್ನು ತಪ್ಪಿಸಲು ನೀವು ಅಥವಾ ನಿಮ್ಮ ಪೋಷಕರು ಒಂದು ಅಥವಾ ಎರಡೂ ಕಣ್ಣುಗಳಲ್ಲಿ ಕೆಟರಾಕ್ಟ್‌ ಅನ್ನು ಹೊಂದಿದ್ದರೆ ಕೆಟರಾಕ್ಟ್  ಸರ್ಜರಿಯನ್ನು ಮಾಡಿಸಿಕೊಳ್ಳುವುದು ತುಂಬಾ ಮುಖ್ಯ.

• ಕೆಟರಾಕ್ಟ್‌ ಸರ್ಜರಿಯು ದೃಷ್ಟಿಯನ್ನು ಯಶಸ್ವಿಯಾಗಿ ಮರುಸ್ಥಾಪಿಸುತ್ತದೆ - ಇದರಲ್ಲಿ ಒಳ್ಳೆಯ ಸುದ್ದಿ ಏನೆಂದರೆ ಕೆಟರಾಕ್ಟ್‌ ಸರ್ಜರಿ ವಾಸ್ತವವಾಗಿ ಸುರಕ್ಷಿತ ಸರ್ಜರಿಗಳಲ್ಲಿ ಒಂದಾಗಿದೆ. ವೈದ್ಯಕೀಯ ತಂತ್ರಜ್ಞಾನಕ್ಕೆ ಧನ್ಯವಾದಗಳು. ವಾಸ್ತವವಾಗಿ, ನೀವು ಕೇವಲ ಕೆಲವು ಗಂಟೆಗಳ ಕಾಲ ಅಡ್ಮಿಟ್ ಆಗಬೇಕಿರುವುದರಿಂದ ಇದು ಇತರ ಶಸ್ತ್ರಚಿಕಿತ್ಸೆಗಳಿಗೆ ಹೋಲಿಸಿದರೆ ಬಹಳ ಚಿಕ್ಕ ಪ್ರಕ್ರಿಯೆಯಾಗಿದೆ (ಚೇತರಿಕೆ ಕೂಡ ತ್ವರಿತವಾಗಿದೆ!) ಮತ್ತು ಈ ಸರ್ಜರಿಯ ಉತ್ತಮ ಅಂಶವೆನೆಂದರೆ, ಅದು ಯಾವುದೇ ಅಡ್ಡಪರಿಣಾಮಗಳಿಲ್ಲದೆ ರೋಗಿಯ ದೃಷ್ಟಿಯನ್ನು ಯಶಸ್ವಿಯಾಗಿ ಮರುಸ್ಥಾಪಿಸುತ್ತದೆ!

• ಜೀವನದ ಗುಣಮಟ್ಟವನ್ನು ಸುಧಾರಿಸುತ್ತದೆ - ಅವರು ಏನು ಹೇಳುತ್ತಾರೆಂದು ನಿಮಗೆ ತಿಳಿದಿದೆ, ಕಣ್ಣುಗಳು ಆತ್ಮಕ್ಕೆ ಕಿಟಕಿಗಳು ಮತ್ತು ಜಗತ್ತಿಗೆ ಕಿಟಕಿ! ಕಣ್ಣುಗಳು ಕೇವಲ ಚಿಕ್ಕ ಮರಿಗಳಂತೆ ಇರಬಹುದು ಆದರೆ  ಊಹಿಸಿಕೊಳ್ಳುವುದಕ್ಕಿಂತ ಹೆಚ್ಚಿನ ರೀತಿಯಲ್ಲಿ ನಾವು ಕಣ್ಣುಗಳ ಮೇಲೆ ಅವಲಂಬಿತರಾಗಿದ್ದೇವೆ. ಆದ್ದರಿಂದ, ಕೆಟರಾಕ್ಟ್‌ ಸರ್ಜರಿಯನ್ನು ಪಡೆಯುವುದು ಒಬ್ಬರ ದೃಷ್ಟಿ ಗುಣಮಟ್ಟವನ್ನು ಮಾತ್ರವಲ್ಲದೆ ಒಟ್ಟಾರೆ ಜೀವನದ ಗುಣಮಟ್ಟವನ್ನು ಸುಧಾರಿಸುತ್ತದೆ.

ಡಿಜಿಟ್‌ನ ಹೆಲ್ತ್ ಇನ್ಶೂರೆನ್ಸ್ 'ಡೇಕೇರ್ ಪ್ರೊಸೀಜರ್ಸ್' ಅಡಿಯಲ್ಲಿ ಕೆಟರಾಕ್ಟ್‌  ಸರ್ಜರಿಯನ್ನು ಕವರ್ ಮಾಡುತ್ತದೆ. ಏಕೆಂದರೆ ಇದು ಚಿಕಿತ್ಸೆಯಲ್ಲಿನ ವೈದ್ಯಕೀಯ ಪ್ರಗತಿಯಿಂದಾಗಿ 24-ಗಂಟೆಗಳೊಳಗೆ ಆಸ್ಪತ್ರೆಗೆ ದಾಖಲಾಗುವ ಅಗತ್ಯವಿರುವ, ವೈದ್ಯಕೀಯ ಚಿಕಿತ್ಸೆಯಾಗಿ ಅರ್ಹತೆ ಪಡೆಯುತ್ತದೆ.

ನೀವು ಕೆಟರಾಕ್ಟ್‌  ಸರ್ಜರಿಯನ್ನು ಮಾಡಿಸಿಕೊಳ್ಳಲು ಬಯಸಿದರೆ ಮತ್ತು ನಮ್ಮೊಂದಿಗೆ ಇನ್ಶೂರೆನ್ಸ್ ಖರೀದಿಸಿದ್ದರೆ - ನೀವು ಹೇಗೆ ಕ್ಲೈಮ್ ಮಾಡಬಹುದು ಎನ್ನುವುದನ್ನು ತಿಳಿಯಲು ಕೆಳಗಡೆ ಓದಿ:

A. ಮರುಪಾವತಿ ಕ್ಲೈಮ್

• ನಿಗದಿತ ಸರ್ಜರಿ ಮತ್ತು ಚಿಕಿತ್ಸೆಯನ್ನು ಮುಂಚಿತವಾಗಿ ಅಥವಾ ದಾಖಲಾದ ಎರಡು ದಿನಗಳಲ್ಲಿ ನಮಗೆ ತಿಳಿಸಿ. ಆದಾಗ್ಯೂ, ಕೆಟರಾಕ್ಟ್‌  ಸರ್ಜರಿಯನ್ನು ಸಾಮಾನ್ಯವಾಗಿ ಮುಂಚಿತವಾಗಿ ನಿಗದಿಪಡಿಸಲಾಗಿರುವುದರಿಂದ, ನೀವು ನಮಗೆ ಮೊದಲೇ ತಿಳಿಸುವುದು ಉತ್ತಮ! ಇದರಿಂದ ಕೊನೆಕ್ಷಣದ ಸಮಸ್ಯೆಗಳನ್ನು ತಪ್ಪಿಸಬಹುದು.

• 1800-258-4242 ಸಂಖ್ಯೆಗೆ ಕರೆ ಮಾಡುವ ಮೂಲಕ ನೀವು ನಮಗೆ ತಿಳಿಸಬಹುದು ಅಥವಾ healthclaims@godigit.com  ನಲ್ಲಿ ನಮಗೆ ಇಮೇಲ್ ಮಾಡಬಹುದು ಮತ್ತು ಅಗತ್ಯವಿರುವ ಎಲ್ಲ ದಾಖಲೆಗಳನ್ನು ಅಪ್‌ಲೋಡ್ ಮಾಡಲು ನಾವು ನಿಮಗೆ ಲಿಂಕ್ ಒಂದನ್ನು ಕಳುಹಿಸುತ್ತೇವೆ. ಸರ್ಜರಿಯ ನಂತರ, ಮರುಪಾವತಿಯನ್ನು ಅದರ ಆರಂಭಿಕ ಹಂತದಲ್ಲಿಯೇ ಮಾಡಲಾಗುತ್ತದೆ ಎಂಬುದನ್ನು ನಾವು ಖಚಿತಪಡಿಸಿಕೊಳ್ಳುತ್ತೇವೆ.

B. ಕ್ಯಾಶ್‌ಲೆಸ್ ಕ್ಲೈಮ್

• ನೀವು ಕ್ಯಾಶ್‌ಲೆಸ್ ಕ್ಲೈಮ್‌ ಅನ್ನು ಬಯಸಿದರೆ, ನೀವು ಕೆಟರಾಕ್ಟ್‌  ಸರ್ಜರಿಯನ್ನು ಮಾಡಿಸಲು ಬಯಸುವ ನೆಟ್‌ವರ್ಕ್ ಆಸ್ಪತ್ರೆಯನ್ನು ಮೊದಲು ಆಯ್ಕೆ ಮಾಡಬಹುದು.

• ಮೇಲಿನ ದೂರವಾಣಿ ಸಂಖ್ಯೆಯಲ್ಲಿ ಅಥವಾ ಇಮೇಲ್‌ನಲ್ಲಿ ಕನಿಷ್ಠ 72-ಗಂಟೆಗಳ ಮುಂಚಿತವಾಗಿ ನಮಗೆ ಮಾಹಿತಿ ತಿಳಿಸಿ.

• ನೆಟ್‌ವರ್ಕ್ ಆಸ್ಪತ್ರೆಯ ಡೆಸ್ಕ್‌ನಲ್ಲಿ, ನಿಮ್ಮ ಇ-ಹೆಲ್ತ್ ಕಾರ್ಡ್ ಅನ್ನು ತೋರಿಸಿ. ಮತ್ತು 'ಕ್ಯಾಶ್‌ಲೆಸ್ ರಿಕ್ವೆಸ್ಟ್ ಫಾರ್ಮ್' ಅನ್ನು ಕೇಳಿ. ಎಲ್ಲವೂ ಸರಿಯಾಗಿದ್ದರೆ, ನಿಮ್ಮ ಕ್ಲೈಮ್ ಅಲ್ಲಿಯೇ ಪ್ರಕ್ರಿಯೆಗೊಳ್ಳುತ್ತದೆ!