ಹೆಲ್ತ್ ಇನ್ಶೂರೆನ್ಸ್ ಕ್ಲೈಮ್‌ಗಳ ವಿಧಗಳು: ಕ್ಯಾಶ್‌ಲೆಸ್ Vs ರಿಇಂಬರ್ಸ್‌ಮೆಂಟ್‌
ಹೆಲ್ತ್ ಇನ್ಶೂರೆನ್ಸ್ ವಿಷಯಕ್ಕೆ ಬಂದರೆ, ನೀವು ಅಪಘಾತ ಅಥವಾ ಅನಾರೋಗ್ಯದ ಕಾರಣದಿಂದ ಆಸ್ಪತ್ರೆಗೆ ಭೇಟಿ ನೀಡಿದಾಗ ನೀವು ನಿಮ್ಮ ಹೆಲ್ತ್ ಇನ್ಶೂರೆನ್ಸ್ ಅನ್ನು ಕ್ಲೈಮ್ ಮಾಡುತ್ತೀರಿ. ಮತ್ತು ನೀವು ಈ ಕ್ಲೈಮ್‌ಗಳನ್ನು ಮಾಡಿದಾಗ ಕ್ಯಾಶ್‌ಲೆಸ್ ಕ್ಲೈಮ್ ಅಥವಾ ರಿಇಂಬರ್ಸ್‌ಮೆಂಟ್‌ ಕ್ಲೈಮ್ ಅನ್ನು ನೀವು ಆಯ್ಕೆ ಮಾಡಿಕೊಳ್ಳಬಹುದು.
ಮುಖ್ಯವಾಗಿ, ನೀವು ನಿಮ್ಮ ಚಿಕಿತ್ಸೆಯನ್ನು ಪಡೆಯಬಹುದು ಮತ್ತು ಅದಾದ ನಂತರ ನಿಮ್ಮ ಆಸ್ಪತ್ರೆಯ ಬಿಲ್‌ಗಳನ್ನು, ನಿಮ್ಮ ಹೆಲ್ತ್ ಇನ್ಶೂರೆನ್ಸ್ ಕಂಪನಿಯಿಂದ ರಿಇಂಬರ್ಸ್‌ಮೆಂಟ್‌ ಪಡೆಯಬಹುದು. ಅಥವಾ, ಮತ್ತೊಂದೆಡೆ, ನೀವು ಮುಂಚಿತವಾಗಿಯೇ ಅಥವಾ ದಾಖಲಾತಿಯ ಸಮಯದಲ್ಲಿ (ಅಪಘಾತ ಅಥವಾ ತುರ್ತು ಸಂದರ್ಭದಲ್ಲಿ) ಅನುಮೋದನೆಯನ್ನು ಪಡೆಯಬಹುದು ಮತ್ತು ಕ್ಯಾಶ್‌ಲೆಸ್ ಕ್ಲೈಮ್ ಅನ್ನು ಆಯ್ಕೆ ಮಾಡಬಹುದು.
ಹೆಲ್ತ್ ಇನ್ಶೂರೆನ್ಸ್‌ನಲ್ಲಿ ಕ್ಯಾಶ್‌ಲೆಸ್ ಕ್ಲೈಮ್ ಎಂದರೇನು?
ಆಗಿದ್ದು, ಇದನ್ನು ನೀವು ನಿಮ್ಮ ಸ್ವಂತ ಜೇಬಿನಿಂದ ಪಾವತಿಸದೆಯೇ ನೆಟ್‌ವರ್ಕ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯಬಹುದು. ಬದಲಾಗಿ, ವೆಚ್ಚವನ್ನು ನೇರವಾಗಿ ಆಸ್ಪತ್ರೆಯಿಂದ ಕಳುಹಿಸಲಾಗುತ್ತದೆ ಮತ್ತು ಇನ್ಶೂರೆನ್ಸ್ ಕಂಪನಿಯು ಇತ್ಯರ್ಥಗೊಳಿಸುತ್ತದೆ.
ಆದ್ದರಿಂದ, ನೀವು ನಿಮ್ಮ ಇನ್ಶೂರೆನ್ಸ್ ಕಂಪನಿಯ ನೆಟ್‌ವರ್ಕ್ ಆಸ್ಪತ್ರೆಗಳಲ್ಲಿ ಯಾವುದಾದರೂ ಒಂದು ಆಸ್ಪತ್ರೆಗೆ ಹೋಗಬಹುದು ಮತ್ತು ಅವರಿಗೆ ನಿಮ್ಮ ಹೆಲ್ತ್ ಇ-ಕಾರ್ಡ್ ಮತ್ತು ಐಡಿ ದಾಖಲೆಗಳನ್ನು ತೋರಿಸಬಹುದು. ನಿಮ್ಮ ಹೆಲ್ತ್ ಇನ್ಶೂರೆನ್ಸ್ ಕಂಪನಿಯವರಿಂದ ನಿಮ್ಮ ಕ್ಲೈಮ್ ಅನ್ನು ನೀವು ಅನುಮೋದಿಸಬೇಕಾಗುತ್ತದೆ ಎಂಬುದನ್ನು ನೆನಪಿಡಿ. ನೀವು ಮೊದಲೇ ನಿರ್ಧರಿಸಿದ ಆಸ್ಪತ್ರೆಗೆ ಹೋಗುತ್ತಿದ್ದರೆ ಕನಿಷ್ಠ 72-ಗಂಟೆಗಳ ಮುಂಚಿತವಾಗಿ ಅಥವಾ ವೈದ್ಯಕೀಯ ತುರ್ತುಸ್ಥಿತಿಯ ಸಂದರ್ಭದಲ್ಲಿ ದಾಖಲಾದರೆ, ದಾಖಲಾದ 24 ಗಂಟೆಗಳ ಒಳಗೆ ಇದನ್ನು ಮಾಡಬೇಕು.
ಆಗ ನೀವು ನಿಮ್ಮ ಎಲ್ಲಾ ಚಿಕಿತ್ಸೆಗಳನ್ನು ಪಡೆದುಕೊಳ್ಳಬಹುದು ಮತ್ತು ನಂತರ ಥರ್ಡ್ ಪಾರ್ಟಿ ಅಡ್ಮಿನಿಸ್ಟ್ರೇಟರ್ ಅಥವಾ ಟಿಪಿಎ (ಇವರು ಆಸ್ಪತ್ರೆ ಮತ್ತು ನಿಮ್ಮ ಹೆಲ್ತ್ ಇನ್ಶೂರೆನ್ಸ್ ಕಂಪನಿಯ ನಡುವೆ ಮಧ್ಯವರ್ತಿಯಾಗಿರುತ್ತಾರೆ) ನೊಂದಿಗೆ ಅಗತ್ಯವಿರುವ ಕ್ಲೈಮ್‌ಗಳ ಫಾರ್ಮ್‌ಗಳನ್ನು ಹಂಚಿಕೊಳ್ಳಬಹುದು. ಅಷ್ಟೇ. ಇಲ್ಲಿಂದ ಮುಂದೆ ನಿಮ್ಮ ಇನ್ಶೂರೆನ್ಸ್ ಕಂಪನಿಯವರು ನಿಮ್ಮ ಕ್ಲೈಮ್‌ಗಳನ್ನು ನೋಡಿಕೊಳ್ಳುತ್ತಾರೆ.
ಹೆಲ್ತ್ ಇನ್ಶೂರೆನ್ಸ್‌ನಲ್ಲಿ ರಿಇಂಬರ್ಸ್‌ಮೆಂಟ್‌ ಕ್ಲೈಮ್ ಎಂದರೇನು?
ಎರಡನೆಯ ವಿಧದ ಹೆಲ್ತ್ ಇನ್ಶೂರೆನ್ಸ್ ಕ್ಲೈಮ್‌ಗಳೇ ರಿಇಂಬರ್ಸ್‌ಮೆಂಟ್‌ ಕ್ಲೈಮ್‌ಗಳಾಗಿವೆ. ಈ ರೀತಿಯ ಕ್ಲೈಮ್‌ನಲ್ಲಿ, ನೀವು ಕೇವಲ ನಿಮ್ಮ ಇನ್ಶೂರೆನ್ಸ್ ಕಂಪನಿಯ ಕ್ಯಾಶ್‌ಲೆಸ್ ನೆಟ್‌ವರ್ಕ್ ಅಡಿಯಲ್ಲಿ ಬರುವ ಆಸ್ಪತ್ರೆಗಳು ಮಾತ್ರವಲ್ಲದೆ ಯಾವುದೇ ಆಸ್ಪತ್ರೆಗೂ ಕೂಡ ನೀವು ಭೇಟಿ ನೀಡಬಹುದು. ಇಲ್ಲಿ, ನೀವು ನಿಮ್ಮ ಚಿಕಿತ್ಸೆಯನ್ನು ಆಸ್ಪತ್ರೆಯಲ್ಲಿ ಪಡೆದುಕೊಳ್ಳುತ್ತೀರಿ, ನಿಮ್ಮ ಜೇಬಿನಿಂದ ಪಾವತಿಸುತ್ತೀರಿ ಮತ್ತು ನಂತರದಲ್ಲಿ ನಿಮ್ಮ ಇನ್ಶೂರೆನ್ಸ್ ಕಂಪನಿಯೊಂದಿಗೆ ವೆಚ್ಚಗಳ ರಿಇಂಬರ್ಸ್‌ಮೆಂಟ್‌ಗಾಗಿ ಅರ್ಜಿಯನ್ನು ಸಲ್ಲಿಸುತ್ತೀರಿ.
ಕ್ಲೈಮ್ ಮಾಡುವ ಸಮಯದಲ್ಲಿ, ಆಸ್ಪತ್ರೆಯ ನಿಮ್ಮ ಎಲ್ಲಾ ಬಿಲ್‌ಗಳು, ಪ್ರಿಸ್ಕ್ರಿಪ್ಷನ್‌ಗಳು ಮತ್ತು ವೈದ್ಯಕೀಯ ಡಾಕ್ಯುಮೆಂಟುಗಳನ್ನು ನೀವು ಸಲ್ಲಿಸಬೇಕಾಗುತ್ತದೆ. ನಿಮ್ಮ ಕ್ಲೈಮ್ ಅನ್ನು ಪ್ರಕ್ರಿಯೆಗೊಳಿಸುವ ಮೊದಲು ಇವುಗಳನ್ನು ಅನುಮೋದಿಸಬೇಕಾಗುತ್ತದೆ. ಅಂದರೆ ಇದು ಸ್ವಲ್ಪ ಹೆಚ್ಚು ಸಮಯ ತೆಗೆದುಕೊಳ್ಳಬಹುದು.
ಕ್ಯಾಶ್‌ಲೆಸ್ ಮತ್ತು ರಿಇಂಬರ್ಸ್‌ಮೆಂಟ್‌ ಕ್ಲೈಮ್‌ಗಳ ನಡುವಿನ ವ್ಯತ್ಯಾಸ
ಎರಡು ಮುಖ್ಯ ವಿಧದ ಹೆಲ್ತ್ ಇನ್ಶೂರೆನ್ಸ್ ಕ್ಲೈಮ್‌ಗಳ ನಡುವಿನ ಪ್ರಮುಖ ವ್ಯತ್ಯಾಸಗಳನ್ನು ಅರ್ಥಮಾಡಿಕೊಳ್ಳಿ. ಇದಕ್ಕಾಗಿ ನಿಮಗೆ ಸಹಾಯ ಮಾಡಲು ವೇಗದ ಕೋಷ್ಟಕವೊಂದು ಇಲ್ಲಿದೆ - ಕ್ಯಾಶ್‌ಲೆಸ್ ಮತ್ತು ರಿಇಂಬರ್ಸ್‌ಮೆಂಟ್‌.
| ಮಾನದಂಡಗಳು | ಕ್ಯಾಶ್‌ಲೆಸ್ ಕ್ಲೈಮ್ | ರಿಇಂಬರ್ಸ್‌ಮೆಂಟ್‌ ಕ್ಲೈಮ್ |
| ಏನಿದು? | ಕ್ಯಾಶ್‌ಲೆಸ್ ಕ್ಲೈಮ್‌ನಲ್ಲಿ, ನೀವು ನೆಟ್‌ವರ್ಕ್ ಆಸ್ಪತ್ರೆಗೆ ಭೇಟಿ ನೀಡುತ್ತೀರಿ ಮತ್ತು ನಿಮ್ಮ ಹೆಲ್ತ್ ಇನ್ಶೂರೆನ್ಸ್ ಕಂಪನಿಯವರು ಬಿಲ್‌ಗಳನ್ನು ನೋಡಿಕೊಳ್ಳುತ್ತಾರೆ. | ರಿಇಂಬರ್ಸ್‌ಮೆಂಟ್‌ ಕ್ಲೈಮ್‌ನಲ್ಲಿ, ಚಿಕಿತ್ಸೆಯ ನಂತರ ನಿಮ್ಮ ಆಸ್ಪತ್ರೆಯ ಬಿಲ್‌ಗಳನ್ನು ನೀವೇ ಪಾವತಿಸುತ್ತೀರಿ. ನಂತರ ನಿಮ್ಮ ಕ್ಲೈಮ್‌ನ ಅನುಮೋದನೆಗಾಗಿ ನೀವು ಈ ಬಿಲ್‌ಗಳನ್ನು ಮತ್ತು ಯಾವುದೇ ಇತರ ವೈದ್ಯಕೀಯ ಡಾಕ್ಯುಮೆಂಟುಗಳನ್ನು ನಿಮ್ಮ ಇನ್ಶೂರೆನ್ಸ್ ಕಂಪನಿಗೆ ಸಲ್ಲಿಸಬೇಕು. |
| ಕ್ಲೈಮ್‌ಗಳ ಪ್ರಕ್ರಿಯೆ ಹೇಗೆ? | ನೆಟ್‌ವರ್ಕ್ ಆಸ್ಪತ್ರೆಯನ್ನು ಆಯ್ಕೆಮಾಡಿ. ಚಿಕಿತ್ಸೆಯನ್ನು ನಿಮ್ಮ ಇನ್ಶೂರೆನ್ಸ್ ಕಂಪನಿಯಿಂದ ಮುಂಚಿತವಾಗಿ ಅನುಮೋದಿಸಿ. ನಿಮ್ಮ ಹೆಲ್ತ್ ಇ-ಕಾರ್ಡ್ ಮತ್ತು ಐಡಿ ದಾಖಲೆಗಳನ್ನು ಆಸ್ಪತ್ರೆಯ ಅಥಾರಿಟಿಯೊಂದಿಗೆ ಹಂಚಿಕೊಳ್ಳಿ ಮತ್ತು ಅಗತ್ಯವಿರುವ ಫಾರ್ಮ್‌ಗಳನ್ನು ಭರ್ತಿ ಮಾಡಿ. ಥರ್ಡ್ ಪಾರ್ಟಿ ಅಡ್ಮಿನಿಸ್ಟ್ರೇಟರ್ ಮತ್ತು ಇನ್ಶೂರೆನ್ಸ್ ಕಂಪನಿಯೊಂದಿಗೆ ಫಾರ್ಮ್‌ಗಳನ್ನು ಹಂಚಿಕೊಳ್ಳಿ. ಕ್ಲೈಮ್‌ಗಳು ಇತ್ಯರ್ಥಗೊಳ್ಳುವವರೆಗೆ ಕಾಯಿರಿ. | ನಿಮ್ಮ ಚಿಕಿತ್ಸೆಯನ್ನು ಪೂರ್ಣಗೊಳಿಸಿ ಮತ್ತು ಸಂಬಂಧಿತ ಡಾಕ್ಯುಮೆಂಟುಗಳನ್ನು ಮತ್ತು ಬಿಲ್‌ಗಳನ್ನು ಒಟ್ಟಾಗಿ ಸಂಗ್ರಹಿಸಿ. ಒಮ್ಮೆ ಇದು ಪೂರ್ಣಗೊಂಡ ನಂತರ, ಅಗತ್ಯವಿರುವ ಫಾರ್ಮ್‌ಗಳನ್ನು ಭರ್ತಿ ಮಾಡಿ ಮತ್ತು ನಿಮ್ಮ ಇನ್ಶೂರೆನ್ಸ್ ಕಂಪನಿಯೊಂದಿಗೆ ಡಾಕ್ಯುಮೆಂಟುಗಳನ್ನು ಹಂಚಿಕೊಳ್ಳಿ. ಇನ್ಶೂರೆನ್ಸ್ ಕಂಪನಿಯು ರಿಇಂಬರ್ಸ್‌ಮೆಂಟ್‌ ಅನ್ನು ಪ್ರಕ್ರಿಯೆಗೊಳಿಸುವವರೆಗೆ ಕಾಯಿರಿ. |
| ಕ್ಲೈಮ್‌ಗಳ ಹೇಗೆ ಇತ್ಯರ್ಥಗೊಳಿಸಲಾಗುತ್ತದೆ? | ಇನ್ಶೂರೆನ್ಸ್ ಕಂಪನಿಯು ನಿಮ್ಮ ಪರವಾಗಿ ಪಾವತಿ ಮಾಡುವ ಮೂಲಕ ನೇರವಾಗಿ ಆಸ್ಪತ್ರೆಯಲ್ಲಿ ಕ್ಲೈಮ್ ಅನ್ನು ಇತ್ಯರ್ಥಗೊಳಿಸುತ್ತಾರೆ. ನೀವು ಮುಂಚಿತವಾಗಿಯೇ ಯಾವುದೇ ಹಣವನ್ನು ಪಾವತಿಸುವ ಅಗತ್ಯವಿಲ್ಲ. | ನೀವು ಮೊದಲು ಆಸ್ಪತ್ರೆಯ ಎಲ್ಲಾ ವೆಚ್ಚಗಳನ್ನು ನಿಮ್ಮ ಜೇಬಿನಿಂದಲೇ ಪಾವತಿಸಬೇಕಾಗುತ್ತದೆ ಆ ನಂತರ ನಿಮ್ಮ ಇನ್ಶೂರೆನ್ಸ್ ಕಂಪನಿಯವರು ಆ ವೆಚ್ಚವನ್ನು ನಿಮಗೆ ರಿಇಂಬರ್ಸ್‌ಮೆಂಟ್‌ಸುತ್ತಾರೆ. |
| ನಿಮ್ಮ ಕ್ಲೈಮ್‌ಗಳು ಅನುಮೋದಿತವಾಗಬೇಕೇ? | ಹೌದು. ನಿಮ್ಮ ಕ್ಲೈಮ್‌ಗಳನ್ನು ನೀವು ನಿಮ್ಮ ಇನ್ಶೂರೆನ್ಸ್ ಕಂಪನಿಯಿಂದ ಮುಂಚಿತವಾಗಿ ಅನುಮೋದಿಸಿರಬೇಕು. ಮೊದಲೇ ನಿರ್ಧರಿಸಿ ಆಸ್ಪತ್ರೆಗೆ ದಾಖಲಾದ ಸಂದರ್ಭದಲ್ಲಿ ಇದು ಕನಿಷ್ಠ 72-ಗಂಟೆಗಳ ಮೊದಲು ಮತ್ತು ವೈದ್ಯಕೀಯ ತುರ್ತುಸ್ಥಿತಿಯ ಸಂದರ್ಭದಲ್ಲಿ 24-ಗಂಟೆಗಳ ಒಳಗೆ ಆಗಬೇಕು. | ಇಲ್ಲ, ನಿಮ್ಮ ಕ್ಲೈಮ್‌ಗಳನ್ನು ನೀವು ಮುಂಚಿತವಾಗಿ ಅನುಮೋದಿಸುವ ಅಗತ್ಯವಿಲ್ಲ. ಆದರೆ ನಿಮ್ಮ ಚಿಕಿತ್ಸೆಯನ್ನು ಕವರ್ ಮಾಡುತ್ತದೆಯೋ ಅಥವಾ ಇಲ್ಲವೋ ಎಂಬುದನ್ನು ನಿಮ್ಮ ಇನ್ಶೂರೆನ್ಸ್ ಕಂಪನಿಯೊಂದಿಗೆ ಪರಿಶೀಲಿಸುವುದು ಒಳ್ಳೆಯದು. |
| ನಿಮ್ಮ ಕ್ಲೈಮ್‌ಗಳು ಎಷ್ಟು ಸಮಯ ತೆಗೆದುಕೊಳ್ಳುತ್ತವೆ? | ಕ್ಲೈಮ್ ಇತ್ಯರ್ಥದ ಸಮಯದಲ್ಲಿ, ಕ್ಯಾಶ್‌ಲೆಸ್ ಕ್ಲೈಮ್‌ಗಳನ್ನು ಸಾಮಾನ್ಯವಾಗಿ ತಕ್ಷಣವೇ ಇತ್ಯರ್ಥಗೊಳಿಸಲಾಗುತ್ತದೆ. | ರಿಇಂಬರ್ಸ್‌ಮೆಂಟ್‌ ಕ್ಲೈಮ್‌ಗಳನ್ನು ನಿಮ್ಮ ಚಿಕಿತ್ಸೆಯ ನಂತರ ಪ್ರಾರಂಭಿಸಲಾಗುತ್ತದೆ. ಡಾಕ್ಯುಮೆಂಟ್‌ಗಳನ್ನು ಪರಿಶೀಲಿಸಲು ಅಗತ್ಯವಿರುವ ಕಾರಣ, ಇದು 2 ರಿಂದ 4 ವಾರಗಳಷ್ಟು ಸಮಯವನ್ನು ತೆಗೆದುಕೊಳ್ಳಬಹುದು. |
| ಯಾವ ಡಾಕ್ಯುಮೆಂಟುಗಳ ಅಗತ್ಯವಿದೆ? | ಕ್ಯಾಶ್‌ಲೆಸ್ ಕ್ಲೈಮ್‌ನೊಂದಿಗೆ, ನೀವು ಆಸ್ಪತ್ರೆಯಲ್ಲಿ ಟಿಪಿಎ ನೀಡಿದ ಅಗತ್ಯ ಫಾರ್ಮ್ ಅನ್ನು ಭರ್ತಿ ಮಾಡಬೇಕಾಗುತ್ತದೆ. ನೀವು ಬಿಲ್‌ಗಳು ಅಥವಾ ಇತರ ಡಾಕ್ಯುಮೆಂಟುಗಳನ್ನು ಸಲ್ಲಿಸುವ ಅಗತ್ಯವಿಲ್ಲ. | ರಿಇಂಬರ್ಸ್‌ಮೆಂಟ್‌ಗಾಗಿ, ವೈದ್ಯಕೀಯ ಬಿಲ್‌ಗಳು, ವೈದ್ಯರ ಪ್ರಿಸ್ಕ್ರಿಪ್ಷನ್‌ಗಳು ಮತ್ತು ಯಾವುದೇ ಇತರ ಸಂಬಂಧಿತ ಮಾಹಿತಿ ಸೇರಿದಂತೆ ನಿಮ್ಮ ಹೆಲ್ತ್ ಇನ್‌ವಾಯ್ಸ್‌ಗಳನ್ನು ನೀವು ಸಲ್ಲಿಸಬೇಕಾಗುತ್ತದೆ. |
| ಎಲ್ಲಾ ಆಸ್ಪತ್ರೆಗಳಲ್ಲೂ ಇದು ಅನ್ವಯಿಸುತ್ತದೆಯೇ? | ಕ್ಯಾಶ್‌ಲೆಸ್ ಕ್ಲೈಮ್‌ಗಳು ನಿಮ್ಮ ಇನ್ಶೂರೆನ್ಸ್ ಕಂಪನಿಯ ನೆಟ್‌ವರ್ಕ್ ಆಸ್ಪತ್ರೆಗಳಿಗೆ ಮಾತ್ರ ಅನ್ವಯಿಸುತ್ತವೆ. | ರಿಇಂಬರ್ಸ್‌ಮೆಂಟ್‌ ಕ್ಲೈಮ್‌ಗಳನ್ನು ಯಾವುದೇ ಆಸ್ಪತ್ರೆಯಲ್ಲಿ ಯೂ ಮಾಡಬಹುದು. ಇದು ನೆಟ್‌ವರ್ಕ್ ಆಸ್ಪತ್ರೆಯ ಭಾಗವಾಗಿದೆಯೇ ಅಥವಾ ಇಲ್ಲವೇ ಎಂಬುದು ಇಲ್ಲಿ ಮುಖ್ಯವಲ್ಲ. |
ಪದೇ ಪದೇ ಕೇಳಲಾದ ಪ್ರಶ್ನೆಗಳು
ಕ್ಯಾಶ್‌ಲೆಸ್ ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಯ ಪ್ರಯೋಜನಗಳೇನು?
ಕ್ಯಾಶ್‌ಲೆಸ್ ಇನ್ಶೂರೆನ್ಸ್ ಪಡೆಯುವ ವಿಷಯಕ್ಕೆ ಬಂದರೆ ಅನೇಕ ಪ್ರಯೋಜನಗಳಿವೆ.
- ಫಾಸ್ಟ್ ಕ್ಲೈಮ್‌ಗಳು - ಕ್ಯಾಶ್‌ಲೆಸ್ ಕ್ಲೈಮ್‌ಗಳ ವಿಷಯಕ್ಕೆ ಬಂದರೆ, ಅವುಗಳನ್ನು ಸಾಮಾನ್ಯವಾಗಿ ಹೆಚ್ಚು ವೇಗವಾಗಿ ಪ್ರಕ್ರಿಯೆಗೊಳಿಸಲಾಗುತ್ತದೆ.
- ಯಾವುದೇ ಹಣದ ಅಗತ್ಯವಿಲ್ಲ - ವೈದ್ಯಕೀಯ ವೆಚ್ಚಗಳಿಗಾಗಿ ನಿಮ್ಮ ಉಳಿತಾಯವನ್ನು ನೀವು ಮುಟ್ಟಬೇಕಿಲ್ಲ ಮತ್ತು ನಂತರ ರಿಇಂಬರ್ಸ್‌ಮೆಂಟ್‌ಗಾಗಿ ಕಾಯುವುದೂ ಬೇಕಿಲ್ಲ.
- ಪೇಪರ್‌ವರ್ಕ್ ಇಲ್ಲ - ಕ್ಯಾಶ್‌ಲೆಸ್ ಪಾಲಿಸಿಯು ಯಾವುದೇ ಫಾರ್ಮಾಲಿಟಿಗಳನ್ನು ಮತ್ತು ಡಾಕ್ಯುಮೆಂಟುಗಳನ್ನು ಒಳಗೊಂಡಿರುವುದಿಲ್ಲ.
- ತೊಂದರೆಗಳಿಲ್ಲ - ಕ್ಯಾಶ್‌ಲೆಸ್ ಕ್ಲೈಮ್‌ನಲ್ಲಿ, ಆಸ್ಪತ್ರೆ ಮತ್ತು ಇನ್ಶೂರೆನ್ಸ್ ಕಂಪನಿಯ ನಡುವೆ ಪಾವತಿಗಳು ನಡೆಯುತ್ತವೆ. ಆದ್ದರಿಂದ ಎಲ್ಲವನ್ನೂ ಅವರೇ ನೋಡಿಕೊಳ್ಳಲಾಗುತ್ತಾರೆ.
ನೆಟ್‌ವರ್ಕ್ ಆಸ್ಪತ್ರೆ ಎಂದರೇನು?
ನೆಟ್‌ವರ್ಕ್ ಆಸ್ಪತ್ರೆಯು ನಿಮ್ಮ ಇನ್ಶೂರೆನ್ಸ್ ಕಂಪನಿಯೊಂದಿಗೆ ಟೈ-ಅಪ್ ಹೊಂದಿರುವ ಆಸ್ಪತ್ರೆಯಾಗಿದೆ. ಒಮ್ಮೆ ಇದು ನಿಮ್ಮ ಹೆಲ್ತ್ ಇನ್ಶೂರೆನ್ಸ್ ಕಂಪನಿ ನೆಟ್‌ವರ್ಕ್‌ನ ಭಾಗವಾಗಿದ್ದರೆ, ಆ ಆಸ್ಪತ್ರೆಯಲ್ಲಿ ಕ್ಯಾಶ್‌ಲೆಸ್ ಚಿಕಿತ್ಸೆಗಳ ಆಯ್ಕೆಯನ್ನು ನೀವು ಪಡೆಯಲು ಸಾಧ್ಯವಾಗುತ್ತದೆ.
ಕ್ಯಾಶ್‌ಲೆಸ್ ಕ್ಲೈಮ್ ಸಮಯದಲ್ಲಿ ನಾನು ನನ್ನ ಜೇಬಿನಿಂದ ಏನಾದರೂ ಪಾವತಿಸಬೇಕೇ?
ಇದು ನಿಮ್ಮ ಹೆಲ್ತ್ ಇನ್ಶೂರೆನ್ಸ್ ಸಹ-ಪಾವತಿ ಷರತ್ತು ಹೊಂದಿದೆಯೇ ಅಥವಾ ಇಲ್ಲವೇ ಎಂಬುದರ ಮೇಲೆ ಅವಲಂಬಿತವಾಗಿರುತ್ತದೆ. ಈ ಸಂದರ್ಭದಲ್ಲಿ, ಕ್ಯಾಶ್‌ಲೆಸ್ ಕ್ಲೈಮ್‌ನೊಂದಿಗೂ ಸಹ, ನೀವು ಸಹ-ಪಾವತಿ ಮೊತ್ತವನ್ನು ನಿಮ್ಮ ಜೇಬಿನಿಂದ ಪಾವತಿಸಬೇಕಾಗುತ್ತದೆ. (ಉದಾಹರಣೆಗೆ, ಸಹ-ಪಾವತಿ 10% ಆಗಿದ್ದರೆ, ಡಿಸ್ಚಾರ್ಜ್ ಸಮಯದಲ್ಲಿ ನೀವು 10% ಅನ್ನು ಪಾವತಿಸಬೇಕಾಗುತ್ತದೆ ಮತ್ತು ಉಳಿದ 90% ಕ್ಯಾಶ್‌ಲೆಸ್ ಆಗಿರುತ್ತದೆ). ಆದರೆ ನಿಮ್ಮ ಇನ್ಶೂರೆನ್ಸ್ ಸಹ-ಪಾವತಿಯ ಷರತ್ತನ್ನು ಹೊಂದಿಲ್ಲದಿದ್ದರೆ, ನಿಮ್ಮ ಆಸ್ಪತ್ರೆಯ ಬಿಲ್ ನಿಮ್ಮ ಒಟ್ಟು ಇನ್ಶೂರೆನ್ಸ್ ಮೊತ್ತಕ್ಕಿಂತ ಕಡಿಮೆ ಇರುವವರೆಗೆ, ಕ್ಯಾಶ್‌ಲೆಸ್ ಕ್ಲೈಮ್‌ಗಳ ಸಮಯದಲ್ಲಿ ನಿಮ್ಮ ಜೇಬಿನಿಂದ ನೀವು ಏನನ್ನೂ ಪಾವತಿಸುವ ಅಗತ್ಯವಿಲ್ಲ.
ಕ್ಯಾಶ್‌ಲೆಸ್ ಅಥವಾ ರಿಇಂಬರ್ಸ್‌ಮೆಂಟ್‌ ಕ್ಲೈಮ್ ಮಾಡುವಾಗ ನೀವು ಯಾವೆಲ್ಲಾ ಡಾಕ್ಯುಮೆಂಟುಗಳನ್ನು ಸಲ್ಲಿಸಬೇಕು?
ನಿಮಗೆ ಅಗತ್ಯವಿರುವ ಡಾಕ್ಯುಮೆಂಟುಗಳು ನೀವು ಮಾಡುವ ಕ್ಲೈಮ್ ಅನ್ನು ಅವಲಂಬಿಸಿರುತ್ತದೆ. ಕ್ಯಾಶ್‌ಲೆಸ್ ಕ್ಲೈಮ್‌ಗಳಿಗಾಗಿ, ನೀವು ಆಸ್ಪತ್ರೆಯಲ್ಲಿ ಟಿಪಿಎ ನೀಡಿದ ಅಗತ್ಯವಿರುವ ಫಾರ್ಮ್ ಅನ್ನು ಭರ್ತಿ ಮಾಡಬೇಕಾಗುತ್ತದೆ. ಮತ್ತೊಂದೆಡೆ, ರಿಇಂಬರ್ಸ್‌ಮೆಂಟ್‌ ಕ್ಲೈಮ್‌ಗಾಗಿ, ವೈದ್ಯಕೀಯ ಬಿಲ್‌ಗಳು, ವೈದ್ಯರ ಪ್ರಿಸ್ಕ್ರಿಪ್ಷನ್‌ಗಳು ಇತ್ಯಾದಿ ಸೇರಿದಂತೆ ನಿಮ್ಮ ಹೆಲ್ತ್ ಇನ್‌ವಾಯ್ಸ್‌ಗಳನ್ನು ನೀವು ಸಲ್ಲಿಸಬೇಕಾಗುತ್ತದೆ.