થર્ડ પાર્ટી બાઇક ઈન્સ્યોરન્સની કિંમત

શું તમે ક્યારેય વિચાર્યું છે કે તમારું બેદરકારીથી વાહન ચલાવવું એ કોઈ ત્રીજી વ્યક્તિને નુકશાન પહોંચાડી શકે છે? શું તમારી સાથે ક્યારેય આવું બન્યું છે? અથવા તમારી કોઈ ભૂલ ન હોવા છતાં રસ્તા પર કોઈ અન્ય વાહનચાલકે તમને ઇજા પહોંચાડી છે? જો હા, તો તમે થર્ડ પાર્ટી લાએબીલીટી ઈન્સ્યોરન્સનું મહત્વ બરાબર સમજશો. 

સામાન્ય રીતે માર્ગ અકસ્માતથી કોઈ મિલકતને નુકશાન અથવા કોઈને સામાન્ય કે ગંભીર ઇજા અથવા મૃત્યુ થવાની સંભાવના હોય છે. ક્યારેક કોઈ એવી મુશ્કેલી ઊભી થઈ શકે જેનું સમાધાન માત્ર બે પાર્ટીથી શક્ય નથી. આવા કિસ્સાઓમાં તમારી થર્ડ પાર્ટી બાઇક ઈન્સ્યોરન્સ પોલિસી મદદરૂપ થાય છે અને મોટર ક્લેઇમ્સ ટ્રીબ્યુનલ દ્વારા નિશ્ચિત થતું વળતર ચૂકવે છે. 

350 ccથી વધુની બાઈક માટે કોઈ દરમાં વધારો કરવામાં આવ્યો નથી. કિંમત વધવાની ધારણા છે તેથી, વીમા કંપનીઓને બાઇક, સ્કૂટર વગેરે જેવા નવા ટુ-વ્હીલર માટે લાંબા ગાળાનું થર્ડ પાર્ટી પ્રીમિયમ વસૂલવાની છૂટ છે.

થર્ડ પાર્ટી ઈન્સ્યોરન્સના પ્રીમિયમને કયા પરિબળો અસર કરે?

જે ટૂ-વ્હીલર્સના મહત્તમ માર્ગ-અકસ્માત થયા હોય તેની સંખ્યામાં વધારો થવો. તેથી આવા વાહનો પાસેથી સરકારે સરખા પ્રમાણમાં થર્ડ પાર્ટી પ્રીમિયમમાં વધારો કરવાનો નિર્ણય લીધો છે. 

વિવિધ બાઇક માટે જે તે બાઈકની એન્જિન ક્ષમતા તેનું થર્ડ પાર્ટી પ્રીમિયમ નક્કી કરે છે. 

શું કામ થર્ડ પાર્ટી બાઇક ઈન્સ્યોરન્સ મહત્વનું છે?

મોટર વેહિકલ એક્ટ અનુસાર, થર્ડ પાર્ટી બાઇક ઈન્સ્યોરન્સ જરૂરી છે કારણકે:

કાયદાકીય પાલન:  થર્ડ પાર્ટી બાઇક ઈન્સ્યોરન્સ વગર ભારતનાં રસ્તાઓ પર ટૂ-વ્હીલર ચલાવી શકાય નહિ. 

અનહદ જવાબદારી: આ બહુ સ્વાભાવિક છે. થર્ડ-પાર્ટીને થયેલા નુકશાનનો ખર્ચ કોઈ વ્યક્તિ જાતે ચૂકવવાનું પસંદ ન કરે, ઘણા કિસ્સાઓમાં તો તે ખર્ચ પરવડે પણ નહિ. આવા સમયે તમને કોઈ આર્થિક નુકશાન ન થાય તે માટે થર્ડ પાર્ટી ઈન્સ્યોરન્સ ઉપયોગી નીવડે છે. 

તમે કોંપ્રિહેંસીવ પેકેજ પોલિસી પણ ખરીદી શકો છો જેમાં તમારું પોતાનું તેમજ થર્ડ-પાર્ટી બંનેના નુકશાન કવર થાય છે. IRDA દ્વારા બાઈકના માલિકોને લાંબા ગાળાનો ઈન્સ્યોરન્સ આપવાની પણ ઇન્સ્યોરરને છૂટ આપવામાં આવી છે. જો તમે કોઈ બાઇકના માલિક છો તો તમે 5 વર્ષની થર્ડ-પાર્ટી પોલિસી અથવા કોંપ્રિહેંસીવ પેકેજ પોલિસી ઇસ્યુ કરી શકો છો. 

આવા કિસ્સાઓમાં બાઇકના માલિકે થર્ડ-પાર્ટીનું નુકશાન ચૂકવવું પડે છે:

• ઇજા થાય ત્યારે: જો તમારા વાહનને લીધે ઇજાગ્રસ્ત થયેલી વ્યક્તિ (થર્ડ પાર્ટી) મેડિકલ ખર્ચાઓ માટે કે શારીરિક ખોડખાંપણના વળતર માટે કે ઇજાને કારણે કામ ન કરી શકવા બદલ થયેલા નુકશાન માટે વળતર માંગે તો. જો તમને કોઈ અન્યની ભૂલના કારણે ઈજાઓ થઈ હોય, તો તમે અહીં દર્શાવેલું વળતર મેળવવા માટે હકદાર છો. 
• મૃત્યુ થાય ત્યારે: મૃતકના વારસદાર મૃત્યુ પહેલાની સારવાર માટેનો મેડિકલ ખર્ચ માંગી શકે છે. અમુક કિસ્સાઓમાં તેઓ આવક બંધ થવાથી થતાં નુકશાનનો પણ દાવો માંડી શકે છે.