ಭಾರತೀಯ ಆಟೋಮೊಬೈಲ್ ಉದ್ಯಮದಲ್ಲಿ ಹ್ಯುಂಡೈನ ನಿರಂತರ ಯಶಸ್ಸಿಗೆ ಭಾರೀ ಕಾರಣ ಅದರ ಪ್ರೀಮಿಯರ್ ಹ್ಯಾಚ್‌ಬ್ಯಾಕ್ - ಸ್ಯಾಂಟ್ರೋದ ಜನಪ್ರಿಯತೆಯಾಗಿದೆ.
ಮೊದಲ ಸ್ಯಾಂಟ್ರೋ ಮಾಡೆಲ್ ಅನ್ನು 1998 ರಲ್ಲಿ ಹೊರತರಲಾಯಿತು ಮತ್ತು ಅಂದಿನಿಂದ ಭಾರತೀಯರಲ್ಲಿ, ವಿಶೇಷವಾಗಿ ಕಾಂಪ್ಯಾಕ್ಟ್ 5-ಸೀಟರ್ ಫ್ಯಾಮಿಲಿ ಕಾರು ವಿಭಾಗದಲ್ಲಿ, ಹೆಚ್ಚಿನ ಪ್ರಚಾರವನ್ನು ಗಳಿಸಿತು. ಈ ವಾಹನದ ಮೂರನೇ ಜನರೇಶನ್ ಅನ್ನು 2018 ರಲ್ಲಿ ಬಿಡುಗಡೆ ಮಾಡಲಾಯಿತು ಮತ್ತು 2019 ರಲ್ಲಿ ಟಾಪ್ 3 ಅರ್ಬನ್ ವರ್ಲ್ಡ್ ಕಾರ್‌ಗಳಲ್ಲಿ ಒಂದಾಗುವ ಪ್ರಶಂಸೆಯನ್ನು ಇದು ಗಳಿಸಿತು (1).
ಆದ್ದರಿಂದ, ದೈನಂದಿನ ಪ್ರಯಾಣಕ್ಕಾಗಿ ಹ್ಯಾಚ್‌ಬ್ಯಾಕ್ ಖರೀದಿಸಲು ಬಯಸುವ ಯಾರಿಗಾದರೂ, ಹ್ಯುಂಡೈ ಸ್ಯಾಂಟ್ರೋ ನಿಸ್ಸಂದೇಹವಾಗಿ ಪರಿಗಣಿಸಲು ಯೋಗ್ಯವಾದ ಆಯ್ಕೆಯಾಗಿದೆ.
ಈಗ ಸ್ಯಾಂಟ್ರೋವನ್ನು ಖರೀದಿಸುವುದು ಒಬ್ಬರ ಯೋಚನೆಯಾಗಿದ್ದರೆ, ರಸ್ತೆಯಲ್ಲಿ ಸಂಭವಿಸಬಹುದಾದ ಅನಿರೀಕ್ಷಿತ ಘಟನೆಗಳಿಂದ ಉಂಟಾಗುವ ಹಾನಿಗಳಿಂದ ವಾಹನವನ್ನು ಆರ್ಥಿಕವಾಗಿ ರಕ್ಷಿಸುವ ಕಾರ್ಯಸಾಧ್ಯವಾದ ಕಾರ್ ಇನ್ಶೂರೆನ್ಸ್ ಆಯ್ಕೆಗಳನ್ನು ಸಹ ಅವರು ಪರಿಗಣಿಸಬೇಕು.
ಈ ನಿಟ್ಟಿನಲ್ಲಿ, ಎರಡು ವಿಧದ ಸ್ಯಾಂಟ್ರೋ ಕಾರ್ ಇನ್ಶೂರೆನ್ಸ್ ಪಾಲಿಸಿಗಳನ್ನು ಆಯ್ಕೆ ಮಾಡಬಹುದು - ಥರ್ಡ್-ಪಾರ್ಟಿ ಲಯಬಿಲಿಟಿ ಮತ್ತು ಕಾಂಪ್ರೆಹೆನ್ಸಿವ್ ಕಾರ್ ಇನ್ಶೂರೆನ್ಸ್ ಪಾಲಿಸಿ.
ಅದರ ಹೆಸರೇ ಸೂಚಿಸುವಂತೆ, ಥರ್ಡ್-ಪಾರ್ಟಿ ಲಯಬಿಲಿಟಿ ಕಾರ್ ಇನ್ಶೂರೆನ್ಸ್ ಪಾಲಿಸಿಯು ನಿಮ್ಮ ಸ್ಯಾಂಟ್ರೋದಿಂದ ಥರ್ಡ್-ಪಾರ್ಟಿ ವಾಹನ, ವ್ಯಕ್ತಿ ಅಥವಾ ಆಸ್ತಿಗೆ ಉಂಟಾದ ಹಾನಿಯನ್ನು ಕವರ್ ಮಾಡುತ್ತದೆ. ಇದುಮೋಟಾರ್ ವೆಹಿಕಲ್ ಆಕ್ಟ್, 1988 ರ ಅಡಿಯಲ್ಲಿ ಕಡ್ಡಾಯಗೊಳಿಸಲಾದ ಪಾಲಿಸಿಯಾಗಿದೆ - ಇದು ಇಲ್ಲದೆ ಡ್ರೈವ್ ಮಾಡುವುದು ಮಾಡುವುದು ರೂ. 2000 (ಪುನರಾವರ್ತಿತ ಅಪರಾಧಕ್ಕಾಗಿ ರೂ. 4000) ಟ್ರಾಫಿಕ್ ಪೆನಲ್ಟಿಗಳನ್ನು ಆಕರ್ಷಿಸಬಹುದು. ಮತ್ತೊಂದೆಡೆ, ಅಪಘಾತದಲ್ಲಿ ನಿಮ್ಮ ಸ್ಯಾಂಟ್ರೋದಿಂದ ಉಂಟಾದ ಹಾನಿಗಳಿಗೆ ಕಾಂಪ್ರೆಹೆನ್ಸಿವ್ ಕಾರ್ ಇನ್ಶೂರೆನ್ಸ್ ಪಾಲಿಸಿಯು ಸಂಪೂರ್ಣ ಕವರೇಜ್ ನೀಡುತ್ತದೆ.
ಹೀಗಾಗಿ, ರಸ್ತೆಯಲ್ಲಿನ ಅಪಾಯಗಳಿಂದ ನಿಮ್ಮ ಕಾರನ್ನು ರಕ್ಷಿಸಲು ಕಾಂಪ್ರೆಹೆನ್ಸಿವ್ ಸ್ಯಾಂಟ್ರೋ ಇನ್ಶೂರೆನ್ಸ್ ಪಾಲಿಸಿಯು ಉತ್ತಮ ಆಯ್ಕೆಯಾಗಿದೆ.
ಈ ನಿಟ್ಟಿನಲ್ಲಿ, ಸ್ಯಾಂಟ್ರೋ ಇನ್ಶೂರೆನ್ಸ್ ಪಾಲಿಸಿಯ ಅಡಿಯಲ್ಲಿ ನೀಡಲಾಗುವ ಪ್ರಯೋಜನಗಳು ಒಬ್ಬ ಇನ್ಶೂರೆನ್ಸ್ ಪೂರೈಕೆದಾರರಿಂದ ಇನ್ನೊಂದಕ್ಕೆ ಬದಲಾಗಬಹುದು ಎಂಬುದನ್ನು ಗಮನಿಸುವುದು ಮುಖ್ಯವಾಗಿದೆ. ಅದಕ್ಕಾಗಿಯೇ ನೀವು ನಿಮ್ಮ ಇನ್ಶೂರೆನ್ಸ್ ಪೂರೈಕೆದಾರರನ್ನು ಜಾಣ್ಮೆಯಿಂದ ಆರಿಸಿಕೊಳ್ಳುವುದು ಅತಿಮುಖ್ಯವಾಗಿದೆ.
