હેલ્થ ઈન્સ્યોરન્સ ઓનલાઈન ખરીદો

હેલ્થ ઈન્શ્યુરન્સ નું સાચું મહત્વ દર્શાવી કે વર્ણવી શકાય નહીં. પરંતુ, ઘણા લોકો હેલ્થ ઈન્શ્યુરન્સ ખરીદવાનું વિચારતા નથી અને તેનું એક મુખ્ય કારણ ખર્ચ છે. માસિક અથવા નિશ્ચિત આવક પર આધાર રાખતા લોકોને વાર્ષિક પ્રીમિયમ એકસાથે ચૂકવવામાં મુશ્કેલી પડી શકે છે.

તેથી ભારતીયો માટે હેલ્થ ઈન્શ્યુરન્સ વધુ વ્યાજબી બનાવવા માટે 2019માંઈન્શ્યુરન્સ રેગ્યુલેટરી એન્ડ ડેવલપમેન્ટ ઓથોરિટી ઓફ ઈન્ડિયા (IRDAI) એ હેલ્થઈન્શ્યુરન્સ કંપનીઓને ઈએમઆઈ પર વાર્ષિક હેલ્થ ઈન્શ્યુરન્સ પ્રીમિયમ ભરવાનો વિકલ્પ પૂરો પાડવા જણાવ્યું હતું. આમ, હેલ્થ ઈન્શ્યુરન્સ પોલિસી માટે ત્રિમાસિક, માસિક અને અર્ધ-વાર્ષિક હપ્તામાં નિશ્ચિત રકમ ચૂકવવી શક્ય છે.

માસિક ધોરણે હેલ્થ ઈન્શ્યુરન્સ પ્રીમિયમ ચૂકવવાના ઘણા ફાયદા છે:

1. વધુ સગવડ

ઈએમઆઈ ના રૂપમાં હેલ્થ ઈન્શ્યુરન્સ પ્રીમિયમ ચૂકવવાનો વિકલ્પ માસિક આવક પર આધાર રાખતા ઘણા લોકો માટે વધુ અનુકૂળ બનાવે છે. વધુમાં ઓનલાઈન પેમેન્ટ કરવાની સરળતા તેને મુશ્કેલીમુક્ત અનુભવ બનાવે છે. આ બંને વિશેષતાઓએ ગ્રામીણ વિસ્તારોમાં લોકો માટે હેલ્થ ઈન્શ્યુરન્સ વધુ સુલભ બનાવવામાં પણ મદદ કરી છે.

2. વધતા મેડિકલ ખર્ચનો સામનો

આજકાલ વધતા જતા મેડિકલ ખર્ચ સાથે હેલ્થકેરના ખર્ચને આવરી લેવા માટે નાણાકીય સહાય માટે હેલ્થ ઈન્શ્યુરન્સ હોવો જરૂરી છે. એટલેકે ઊંચી રકમની ઇન્શ્યુર્ડ-રકમની પોલિસી લેવી જરૂરી અને મહત્વપૂર્ણ છે. જોકે મોટી પોલિસી માટે પ્રીમિયમ પણ વધુ આવી શકે છે. અને ઈએમઆઈ પર હેલ્થ ઈન્શ્યુરન્સ ચૂકવવાના વિકલ્પ સાથે આ સમસ્યા હળવી બને છે અને ઘણા લોકો માટે વધુ સુવ્યવસ્થિત નાણાંકીય આયોજન બની જાય છે. હપ્તામાં પ્રીમિયમની ચૂકવણી આ વધારાના ખર્ચનો સામનો કરવા માટે સગવડ આપે છે.

3. વધુ વ્યાજબી

માસિક આવક પર આધાર રાખતા જે લોકોને પ્રીમિયમ માટે એકસાથે ચુકવણી કરવી ખૂબ જ પડકારજનક લાગી શકે છે. આમ માસિક, ત્રિમાસિક અથવા અર્ધ-વાર્ષિક ધોરણે ઈએમઆઈ દ્વારા વધુ લવચીક પ્રીમિયમ ચુકવણી પસંદ કરવા ઈચ્છુક હોય છે. આમ તેઓ વધુ સસ્તું હેલ્થ ઈન્શ્યુરન્સ કવરેજ સરળતાથી મેળવી શકે છે અને સારવારની ગુણવત્તા સાથે સમાધાન કરવું પડતું નથી.

4. વરિષ્ઠ નાગરિકો માટે ફાયદાકારક

વરિષ્ઠ નાગરિકોના સ્વાસ્થ્ય જોખમો વધુ જોખમી અને સંવેદનશીલ હોય છે અને તેથી તેમના હેલ્થ ઈન્શ્યુરન્સ માટે વધુ પ્રીમિયમ ચૂકવવું પડે છે. વધુમાં વરિષ્ઠોની માસિક આવક પણ મર્યાદિત હોઈ શકે છે. આમ ઈએમઆઈ પર હેલ્થ ઈન્શ્યુરન્સની ઉપલબ્ધતા સાથે તેઓ હવે પોતાના માટે આવશ્યક હેલ્થ ઈન્શ્યુરન્સ પોલિસીનો લાભ લઈ શકે છે અને તેમની બચતનું સંચાલન કરવાની ચિંતા કર્યા વિના મેડિકલ સારવાર મેળવી શકે છે.

5. ઉચ્ચ કવરેજ પસંદ કરો

ઘણા પોલિસી ધારકો વ્યાપક કવરેજ અથવા વધુ ઇન્શ્યુર્ડ-રકમ મેળવવાનું પસંદ કરે છે પરંતુ એક જ હપ્તાના ઊંચા પ્રીમિયમની ચૂકવણીનો ખર્ચ પરવડી શકતા નથી. પરંતુ, માસિક ઈએમઆઈ ચુકવણીઓ સાથે તેઓ હવે એક જ સમયે ચુકવણી કર્યા વિના ઉચ્ચ કવરેજ માટે પસંદગી કરી શકે છે.

6. કર લાભ મેળવો

કોઈ વ્યક્તિ હેલ્થ ઈન્શ્યુરન્સ પ્રીમિયમ ઈએમઆઈ દ્વારા ચૂકવે છે ત્યારે પણ તેઓ આવકવેરા કાયદાની કલમ 80D મુજબ કર લાભ માટે પાત્ર છે. તેઓ ઈન્શ્યુરન્સ માટે ચૂકવેલ પ્રીમિયમ મુજબ તેમના આવકવેરા પર કપાતપાત્રનો ક્લેમ કરી શકે છે.

ઈએમઆઈ પર હેલ્થ ઈન્શ્યુરન્સ મેળવવાના કેટલાક ગેરફાયદા અથવા નુકશાન પણ છે જેને અવગણી શકાય નહીં:

• વધારાનું પ્રીમિયમ - ઘણા કિસ્સાઓમાં હેલ્થ ઈન્શ્યુરન્સ પ્રીમિયમ માટે માસિક ઈએમઆઈ ચૂકવણી પ્રીમિયમ પર વધારાના લોડિંગ લાગી શકે છે. ઉદાહરણ તરીકે, જો એક સામટી રકમ ચૂકવવાને બદલે હપ્તામાં ચૂકવણી પર લગભગ 3 થી 5 ટકા વધુ ચૂકવણી કરવી પડી શકે છે.
• ક્લેમ માટે રાહ જોવી - પોલિસી ધારકો ચોક્કસ સંખ્યામાં હપ્તાઓ ચૂકવવામાં ન આવે ત્યાં સુધી પોલિસી હેઠળ ક્લેમ કરી શકશે નહીં. વાર્ષિક પ્રીમિયમના કિસ્સામાં આમ નથી.
• ઉચ્ચ ઇંશ્યુર્ડ-રકમની આવશ્યકતા - ઘણી હેલ્થ ઈન્શ્યુરન્સ કંપનીઓ જો ઇન્શ્યુર્ડ-રકમ ચોક્કસ રકમ કરતાં વધુ હોય માત્ર ત્યારે જ ઈએમઆઈઈ વિકલ્પ ઓફર કરે છે. ઉદાહરણ તરીકે, ₹5 લાખ અથવા તેનાથી ઓછા ઈન્યુર્ડ-રકમ માટેનો વીમો લે તો હપ્તામાં ચૂકવણીનો લાભ લઈ શકશે નહીં.
• ડિસ્કાઉન્ટ નહિ મળે - હેલ્થ ઈન્શ્યુરન્સ પ્રીમિયમ ઈએમઆઈ પર ચૂકવતા પોલિસી ધારકો એકસામટી પ્રીમિયમ ચૂકવણી સમયે ઓફર કરવામાં આવતા અમુક ડિસ્કાઉન્ટને ચૂકી શકે છે.

ઈએમઆઈ ઓફર કરતી વિવિધ હેલ્થ ઈન્શ્યુરન્સ પ્લાનમાંથી કયું પસંદ કરવું તે જાણવું મુશ્કેલ બની શકે છે. આ મુદ્દે શ્રેષ્ઠ નિર્ણય માટે અમુક નોંધનીય પરિબળો છે, જેમ કે:

• નો-કોસ્ટ ઈએમઆઈ આપતા હેલ્થ ઈન્શ્યુરન્સ માટે જુઓ એટલે કે એક વાર્ષિક પ્રીમિયમની સરખામણીમાં કોઈ વધારાના ખર્ચ ન વસૂલતી કંપની કે પ્લાન પસંદ કરો.
• વીમા પોલિસી તમારી હેલ્થકેરની જરૂરિયાતો અને તમે તમારી હેલ્થ ઈન્શ્યુરન્સ પોલિસીમાં કવર કરી રહેલા લોકોની સંખ્યા માટે માટે કવરેજ પ્રદાન કરે છે કે નહિ તેની ખાતરી કરો.
• નિયમો અને શરતો વાંચીને તમારી હેલ્થ ઈન્શ્યુરન્સ પોલિસીમાં શું બાકાત છે તે પણ તપાસો.
• ખાતરી કરો કે ઇન્શ્યુરર કેશલેસ હોસ્પિટલાઈઝેશન ઓફર કરે અને સારો-પ્રતિષ્ઠિત ગ્રાહક સર્વિસ રેકોર્ડ પણ હોય.

નિષ્કર્ષ

ભારત જેવા દેશમાં, જ્યાં હેલ્થ ઈન્શ્યુરન્સની પોષણક્ષમતા-વ્યાજબી ભાવ એક મહત્વનો મુદ્દો છે ત્યાં માસિક ઈએમઆઈ નો વિકલ્પ ફાયદાકારક સાબિત થઈ શકે છે. તે લોકોને સર્વગ્રાહી હેલ્થકેર કવરેજ મેળવવાની તક આપી શકે છે. ભલે ને તે પોલિસીઓ તેમની પહોંચની બહાર હોય.

આમ, તમે ઈએમઆઈ પર હેલ્થ ઈન્શ્યુરન્સ ખરીદવાના ગેરફાયદાને નજરઅંદાજ કરો. તમે તમારી જાતને અને તમારા કુટુંબને વધતા મેડિકલ ખર્ચાઓથી સુરક્ષિત રાખવા માટે એક ઉત્તમ અને સસ્તો માર્ગ હપ્તા ચૂકવણીને બનાવી શકો છો.