செகண்ட் ஹேண்ட் பைக் இன்சூரன்ஸ்

ஆன்லைனில் செகண்ட் ஹேண்ட் பைக் இன்சூரன்ஸின் தோராய மதிப்பீட்டினை (quote) பெறவும்
solo Bike riding Image
Enter valid registration number
search
{{bikeCtrl.pincodeErrorMessage}} Please enter valid City name
{{bikeCtrl.invalidAgentCode}}
Agent Name:
{{bikeCtrl.bikeLocalStorageValues.campaignAgentName}}
State:
{{bikeCtrl.bikeLocalStorageValues.campaignAgentLocation}}
SP Name:
{{bikeCtrl.bikeLocalStorageValues.campaignAgentSpName}}
SP Code:
{{bikeCtrl.bikeLocalStorageValues.campaignAgentSpCode}}

I agree to the  Terms & Conditions

{{(bikeCtrl.isDontKnowRegNum || bikeCtrl.bikeLocalStorageValues.vehicle.isVehicleNew) ? 'I know my Registration number' : 'Don’t know Registration number?'}}
It's a brand new bike
Renew your Digit policy

Continue with {{bikeCtrl.lastVisitedData.lastVisitedUrl.indexOf('DigitPaymentGateway/payments') !== -1 ? 'payment completion': 'previous choice'}}

{{bikeCtrl.lastVisitedData.vehicle.makeModel | toTitleCase}} {{bikeCtrl.lastVisitedData.vehicle.variant? (bikeCtrl.lastVisitedData.vehicle.variant|toTitleCase): (bikeCtrl.lastVisitedData.vehicleCharacteristics.vehicleType | toTitleCase)}}

{{bikeCtrl.lastVisitedData.vehicle.licensePlateNumber}}

{{bikeCtrl.selectedPlanDisplay[bikeCtrl.lastVisitedData.dropOffSelectedPlan? bikeCtrl.lastVisitedData.dropOffSelectedPlan: bikeCtrl.lastVisitedData.selectedPlan]}}

-

₹{{((bikeCtrl.lastVisitedData.dropOffSelectedPlan ? bikeCtrl.lastVisitedData.dropOffGrossPremium:bikeCtrl.lastVisitedData.chosePlan.grossPremium) .replace('INR ','')).split('.')[0] | rupeeFormatWithComma}} (Incl 18% GST)

search
Agent Name:
State:
SP Name:
SP Code:

I agree to the  Terms & Conditions

{{(!twoWheelerCtrl.registrationNumberCardShow || twoWheelerCtrl.localStorageValues.vehicle.isVehicleNew) ? 'I know my Registration number' : 'Don’t know Registration number?'}}
It's a brand new bike
Renew your Digit policy

Continue with {{twoWheelerCtrl.lastVisitedData.lastVisitedUrl.indexOf('DigitPaymentGateway/payments') !== -1 ? 'payment completion': 'previous choice'}}

{{twoWheelerCtrl.lastVisitedData.vehicle.make |toTitleCase}} {{twoWheelerCtrl.lastVisitedData.vehicle.model | toTitleCase}} {{twoWheelerCtrl.lastVisitedData.vehicle.variant? (twoWheelerCtrl.lastVisitedData.vehicle.variant |toTitleCase):''}}

{{twoWheelerCtrl.lastVisitedData.vehicle.licensePlateNumber}}

{{twoWheelerCtrl.lastVisitedData.selectedPlan}}

-

₹{{((twoWheelerCtrl.lastVisitedData.quickQuoteResponse.plans[twoWheelerCtrl.lastVisitedData.selectedPlan].resposeBody.grossPremium) .replace('INR ', '')).split('.')[0] | rupeeFormatWithComma}} (Incl 18% GST)

பயன்படுத்திய பைக்கிற்கான இன்சூரன்ஸ் பற்றிய அனைத்தும் விளக்கப்பட்டுள்ளது

சொந்தமாக டூ-வீலர் வைத்திருப்பதென்பது, குறிப்பாக உங்கள் இளவயதில், மிகவும் மகிழ்ச்சி தரும் ஒரு விஷயமாகும். ஒரு காலத்தில் சொந்தமாக ஏதேனும் ஒரு வாகனம் வைத்திருப்பதே ஆடம்பரமாக பார்க்கப்பட்டது. இந்தியாவில் கார் வைத்திருப்பவர்களின் எண்ணிக்கை அதிகரித்திருந்தாலும் கூட, இளைஞர்கள் எப்போதுமேபைக்கை ஹாயாக ஓட்டுவதற்கே அதிகம் விரும்புகின்றனர்.

சாதாரணமான மாடல்கள் மட்டுமின்றி, இந்திய சந்தையானது அருமையான அம்சங்களும், தனிச்சிறப்பு வாய்ந்த வடிவமைப்பினையும் கொண்ட ஃபேன்ஸி பைக்குகளையும் தயாரிக்கிறது. பழையதோ, புதியதோ, நல்ல பைக் என்பது நல்ல பைக் தான். அது போலவே, பழைமை வாய்ந்த பொருட்களை நேசிக்கும் சிலர் இருக்கிறார்கள், அவர்கள் பழைய பைக்குகளை விரும்புகிறார்கள்.

உணவு டெலிவரி, கொரியர் மற்றும் இது போன்ற பிற சேவைகளிலும் டூ-வீலர்கள் பயன்பாடு என்பது பொதுவாகவே அதிகரித்திருக்கிறது. அதன் விளைவாக, அது செகண்ட்-ஹேண்ட் பைக்-ஆக் இருந்தாலும் சரி அல்லது புதிய பைக்-ஆக இருந்தாலும் சரி, பைக்குகளுக்கான தேவை என்பது அதிகரித்து வருகிறது,

செகண்ட்-ஹேண்ட் பைக் நல்ல நிலைமையில் இருந்தால், அதனை வாங்குவதில் எந்த தொந்தரவும் இல்லை. ஆனாலும், நீங்கள் குறிப்பிட்ட நேரத்திற்குள் ஓரிடத்திற்கு செல்ல வேண்டி இருந்தால், அப்போது அதற்கு ஏற்றார் போல் வேகமாக வண்டி ஒட்டிச் செல்வது ஆபத்தானது தான்.

எல்லாவற்றுக்கும் மேலாக,   போக்குவரத்து நெரிசல் இருக்கும். சாலைகளும் மோசமாக உள்ளன. எனவே உங்களையும், உங்கள் பைக்கினையும் பைக் இன்சூரன்ஸ் மூலமாக பாதுகாத்துக் கொள்வது மிக முக்கியமாகும்.

செகண்ட்-ஹேண்ட் பைக் இன்சூரன்ஸ் என்றால் என்ன?

மற்ற எந்தவொரு டூ-வீலர் இன்சூரன்ஸையும் போலவே, செகண்ட்-ஹேண்ட் பைக் இன்சூரன்ஸ் என்பது தேர்டு-பார்ட்டியினருக்கும், வண்டி உரிமையாளருக்கும் ஏற்படக் கூடிய சேதங்கள் மற்றும் இழப்புகளிலிருந்தும் பாதுகாக்கின்றது.

செகண்ட்-ஹேண்ட் பைக்-ஐ ஏன் இன்சூர் செய்ய வேண்டும்?

நீங்கள் வாங்கிய செகண்ட்-ஹேண்ட் பைக் நல்ல நிலைமையில் உள்ளதா? நன்றாகவே கூட இருக்கலாம், ஆனாலும் வண்டியின் முந்தைய உரிமையாளர் பயன்படுத்தியதால் உண்டான சேதங்கள் குறித்து நமக்கு தெரியாது. உங்கள் செகண்ட்-ஹேண்ட் பைக்-கிற்கு இன்சூரன்ஸ் அவசியமானது. ஏன்? கீழ்க்கண்ட அனுமானங்களைக் கொண்டு, இதனை நாம் புரிந்து கொள்ள முயலுவோம்:



# நீங்கள் வாங்கிய செகண்ட்-ஹேண்ட் பைக்கில் கியர் லூசாக இருக்கிறது என்று வைத்துக் கொள்வோம். நீங்கள் டிராஃபிக்கில் வண்டி ஓட்டிக் கொண்டிருக்கிற போது, உங்கள் கியர் வேலை செய்யாமல் போய், நீங்கள் மேற்கொண்டு செல்ல முடியாமல் போய் விபத்து நேர்ந்து விடுகிறது. இந்த விபத்தின் காரணமாக உங்கள் பைக்-இன் மட்கார்டு (mudguard) சேதமடைந்து விட்டது, மற்றும் ஹேண்டில் திருகியிருக்கிறது.

இந்த சந்தர்ப்பத்தில், உங்கள் பைக்கிற்கு ஏற்பட்ட சேதங்களை பழுது நீக்குவதற்கான செலவுகளை இன்சூரன்ஸ் ஏற்றுக் கொள்கிறது. எனவே, எந்த ஒரு சூழ்நிலையிலும் உங்கள் செகண்ட்-ஹேண்ட் பைக்-கிற்கு இன்சூரன்ஸ் பாலிசி கட்டாயமாகும்.



# ஒரு வேளை நீங்கள் சாலையைக் கடக்கும் ஏதேனும் ஒரு நபர் (தேர்டு-பார்ட்டி) மீது மோத நேர்ந்தால், இதனால் எழக் கூடிய சட்டச் சிக்கல்களிலிருந்து இன்சூரன்ஸ் கவர் உங்களை காக்கிறது. டிராஃபிக் லைட் மஞ்சள் நிற சிக்னலை காட்டிய கடைசி நிமிடங்களில், நீங்கள் பாதையை கடந்து செல்ல முயல்கிறீர்கள், அதே சமயத்தில், ஒரு பாதசாரியும் வேகமாக பாதையை கடந்து செல்கிறார். அடுத்த நொடியே நீங்கள் அவர் மீது மோதி விபத்து ஏற்படுகிறது. நீங்கள் மோதியதால் கீழே விழுந்து அடிபட்டு அவர் கையில் எலும்பு முறிவு ஏற்படுகிறது.

இங்கு தவறு முழுக்க உங்கள் மீது தான், எனவே நீங்கள் தான் இழப்பீடு வழங்குவதற்கு கடமைப்பட்டவராகிறீர்கள். தேர்டு பார்ட்டிக்கு உடல்ரீதியாக ஏற்படும் காயங்களுக்கு ஆகும் செலவுகளை இன்சூரன்ஸ் நிறுவனம் ஏற்றுக் கொள்ளும்.



# வண்டி ஓட்டும் போது போக்குவரத்து விதிகளை பின்பற்றுவது, உங்களை பாதுகாப்பதற்கு மட்டுமின்றி, சாலையில் அடுத்தவர்களுக்கு பாதிப்பு ஏற்படாமலிருப்பதை தடுப்பதற்கும் மிகவும் கட்டாயமாகும்.

ஒரு மாலை வேளையில், இளைஞர்கள் பட்டாளம் வழக்கம் போல பைக் ஓட்டிச் செல்வதாக வைத்துக் கொள்வோம். அதில் ஒருவர் தான் வாங்கியிருக்கும் செகண்ட்-ஹேண்ட் பைக்-ஐ வேகமாக ஓட்டிச் செல்கிறார். திடீரென்று, ஒரு கார் சாலையின் வலப்பக்கத்திலிருந்து வந்து அவரை இடித்து விடுகிறது. அந்த பைக்கை ஓட்டிய நபர் கீழே விழுந்து, இறந்து விடுகிறார். அவரிடம் உரிமையாளர்-ஓட்டுநருக்கான கட்டாயமான பிஏ (PA) கவர்-ஐ கொண்ட இன்சூரன்ஸ் கவர் இருக்கிறது. ஒரு வேளை மரணம் மற்றும் உடல் ஊனம் ஏற்படும் சந்தர்ப்பத்தில், இந்த இன்சூரன்ஸானது வாகனத்தின் உரிமையாளருடைய நாமினிக்கு (Nominee) இழப்பீடு வழங்குகிறது.



விபத்தின் காரணமாக ஏற்படும் காயங்களுக்கான மருத்துவ செலவுகள், வண்டியின் ரிப்பேர் செலவுகள் போன்ற நிதி நெருக்கடிகளை சமாளிப்பதற்கு, நமக்கு பைக் இன்சூரன்ஸ் தேவைப்படும். உங்கள் செகண்ட் ஹேண்ட் பைக் இன்சூரன்ஸிற்கான பிரீமியம் தொகையினை அறிந்து கொள்வதற்கு பைக் இன்சூரன்ஸ் கால்குலேட்டரை உபயோகப்படுத்தவும்.

செகண்ட்-ஹேண்ட் பைக் இன்சூரன்ஸ் உடனான ஆட்-ஆன் (Add-on) கவர்கள்

அடிப்படையான காம்ப்ரிஹென்சிவ் (முழுமையான) பைக் இன்சூரன்ஸின் கூடவே, வாய்ப்பிருந்தால் காப்புறுதியை நீட்டித்துக் கொள்ளுமாறு பரிந்துரைக்கப்படுகிறது. நீங்கள் தேர்வு செய்யக் கூடிய ஆட்-ஆன் (add-on) கவர்கள் சில பின்வருமாறு:

நில் டிப்ரிஸியேஷன் (தேய்மானம்) கவர்

விபத்திற்கு பிறகு, சேதமடைந்த பாகங்களை மாற்றுவதற்கு ஆகும் செலவுகளில் ஒரு பகுதியை உரிமையாளரே ஏற்றுக் கொள்ள வேண்டும். ஆனால், கூடுதலாக பிரீமியம் தொகை செலுத்தி, நில் டிப்ரிஸியேஷன் (தேய்மானம்) கவரை நீங்கள் வாங்கும் போது, உங்கள் இன்சூரரே இது போன்ற சந்தர்ப்பங்களில் எல்லா செலவுகளையும் ஏற்றுக் கொள்வார். 5 வருடத்திற்கு குறைவாக பயன்படுத்திய வாகனங்களுக்கு மட்டுமே நில் டிப்ரிஸியேஷன்(தேய்மானம்) கவர் கிடைக்கப்பெறும்.

ரிட்டர்ன் டூ இன்வாய்ஸ் கவர்

உங்கள் பைக் திருடப்பட்டாலோ அல்லது மீட்டெடுக்க முடியாதபடிக்கு சேதப்பட்டிருந்தாலோ, அத்தகைய சந்தர்ப்பத்தில் ரிட்டர்ன் டூ இன்வாய்ஸ் கவர் என்பது உங்கள் பைக்-கின் மொத்த மதிப்பினையும் உங்களுக்கு இழப்பீடாக வழங்கும். சாலை வரியையும், பதிவீட்டு கட்டணத்தையும் கூட இந்த கவர் திருப்பித் தந்து விடுகிறது.

என்ஜின் மற்றும் கியர் புரொட்டெக்ஷன் கவர்

யாதொன்று நடந்தாலும் நடக்காவிட்டாலும், என்ஜினும், கியர்பாக்ஸும் தான் கூடுதல் பாதுகாப்பு பெற வேண்டிய பாகங்களாகும். என்ஜின் மற்றும் கியர் புரொட்டெக்ஷன் ஆட்-ஆன் (add-on) என்பது எல்லா சாத்தியமான சூழ்நிலைகளிலும் உங்கள் என்ஜினுக்கும், கியர்பாக்ஸிற்கும் காப்புறுதி அளிக்க உதவுகிறது.

பிரேக்டவுன் அசிஸ்டன்ஸ்

ஏதேனும் பிரேக்டவுன் நேரும் சமயத்தில், உங்களுக்கும், உங்கள் டூ-வீலருக்கும் துணையாக நாங்கள் இருப்பதை ரோட்சைடு அசிஸ்டன்ஸ் ஆட்-ஆன் (add-on) உறுதிப்படுத்துகின்றது. இதில் சிறப்பென்ன? இங்கு எங்கள் உதவியை பெறுவது கிளைமாக கணக்கில் எடுத்துக் கொள்ளப்படாது.

கன்ஸ்யூமபில் கவர்

பைக்-இன் அடிப்படையான விஷயங்களான என்ஜின் ஆயில், ஸ்கிரூ, திருகுகள் மற்றும் மரையாணிகள் போன்றவற்றை கவசம் போல இருந்து காப்பாற்றும் காப்புறுதியே கன்ஸ்யூமபில் கவர் என்னும் பெயரில் கிடைக்கப்பெறுகிறது.

சில விபத்துகள் மரணத்திற்கு இட்டுச் சென்று விடும். காம்ப்ரிஹென்சிவ் (முழுமையான) இன்சூரன்ஸ் பாலிசியானது, உரிமையாளருக்கு மட்டுமே காப்புறுதி வழங்குகின்றது. பிற்பாடு, பின் இருக்கையில் அமர்ந்து சவாரி செய்பவருக்கும் சேர்த்து பாதுகாப்பு அளிக்கும் பொருட்டு ஒரு பாதுகாப்பு கவர் சேர்க்கப்பட்டு பாலிசியானது மேலும் மேம்படுத்தப்பட்டது.

தேர்டு பார்ட்டி லையபிலிட்டி (பொறுப்பு) பாலிசியின் கீழ், பின்இருக்கையில் அமர்ந்து பயணம் செய்பவருக்கும் காப்புறுதி வழங்க வேண்டுமென இந்தியக் காப்பீடு ஒழுங்காற்று மற்றும் வளர்ச்சி முகமையானது (ஐஆர்டிஏ) விதிமுறைகளை ஏற்படுத்தியுள்ளது. ஒரு வேளை விபத்து நேரும் பட்சத்தில், பின்இருக்கையில் அமர்ந்து பயணம் செய்பவருக்கு ரூ.3 இலட்சத்திற்கு காப்புறுதி வழங்கப்படும். ஒரு வேளை பின்இருக்கையில் அமர்ந்து பயணம் செய்பவர் இறக்க நேர்ந்தால், நெருங்கிய உறவினருக்கு ரூ.5 இலட்சம் இழப்பீடு வழங்கப்பெறும்.

பைக் மற்றும் இன்சூரன்ஸின் உரிமை மாற்றம்

உங்கள் செகண்ட்-ஹேண்ட் பைக்கின் ஆர்சி-இல் (RC) உங்கள் பெயர் இடம் பெற்றிருந்தால், பைக்கின் உரிமையாளர் நீங்கள் தான். எனவே, நீங்கள் உங்களுடைய வண்டியை எடுத்துக் கொண்டு ஊர் சுற்றுவதற்கு முன்னர், சம்பந்தப்பட்ட ஆவணங்கள் அனைத்தும் உங்கள் பெயரில் இருப்பதை உறுதிப்படுத்திக் கொள்ளவும்.

நீங்கள் உரிமை மாற்றுவதற்கு விண்ணப்பிக்கும் முன்னர், வண்டி பதிவீடு செய்யப்பட்ட ஆர்டிஓ-விடமிருந்து (RTO) நீங்கள் ஒரு என்ஓசி-ஐ (NOC) பெற வேண்டும். ஒரு வேளை வண்டி லோனில் வாங்கப்பட்டிருந்தால், ஆர்டிஓ மட்டுமின்றி, வங்கியாளரிடமிருந்தும் ஒரு என்ஓசி-ஐப் (NOC) பெற வேண்டும்.

உங்கள் செகண்ட்-ஹேண்ட் பைக்கின் உரிமைமாற்றலை பூர்த்தி செய்வதற்கு, நீங்கள் சில விரைவான நடவடிக்கைகளை பின்பற்ற வேண்டும்:

# உரிமையாளருடன் சேர்ந்து சென்று உள்ளூரில் உள்ள ஆர்டிஓ-ஐ பார்க்கவும். அவர் பைக்கின் உரிமைமாற்றலுக்கான காரணத்தை குறிப்பிட்டு வேண்டுகோள் விண்ணப்பத்தை தாக்கல் செய்து, படிவம் 29-ஐ பூர்த்தி செய்ய வேண்டும். அந்த படிவத்தினை வண்டியின் உரிமையாளர் பூர்த்தி செய்ய வேண்டும், மேலும் அவர்தம் அசல் ஆர்சி-ஐ (RC) அங்கே தர வேண்டும்.

# சுய-சான்றளிக்கப்பட்ட மோட்டார் இன்சூரன்ஸின் நகலை சமர்ப்பிக்கவும்.

# பிறகு நீங்கள் படிவம் 30-ஐ பூர்த்தி செய்து விட்டு, அதனை ஆர்டிஓ-விடம் (RTO) சமர்ப்பிக்க வேண்டும்.

# உங்கள் (புதிய உரிமையாளரின்) முகவரி சான்றின் சான்றளிக்கப்பட்ட நகலை சமர்ப்பிக்கவும்.

# மாசு கட்டுப்பாட்டில் உள்ளதற்கான (PUC/பியூசி) சான்றினை சமர்ப்பிக்கவும்.

# மற்ற ஆவணங்களின் கூடவே, பான் (PAN) கார்டு அல்லது படிவம் 60 அல்லது படிவம் 61-இன் சான்றளிக்கப்பட்ட நகலை நீங்கள் சமர்ப்பிக்க வேண்டும்.

# உரிமை மாற்றுவதற்கான கட்டணத்தினை, பொருந்துகிற படி, செலுத்தி விடவும்.

இந்த நடைமுறையை மேற்கொள்வதற்கும், உரிமைமாற்றுவதற்கும் சுமார் 10-15 நாட்கள் ஆகும். இடைப்பட்ட காலத்தில், பைக்கிற்கு இன்சூரன்ஸ் பாலிசி இருக்கிறதா இல்லையாவென்று சரிபார்க்கவும். ஒரு வேளை இருந்தால், நீங்கள் இன்சூரன்ஸை உரிமைமாற்ற விரும்புகிறீர்களா அல்லது உங்களுடைய விருப்பத்திற்கேற்றவாறு இன்சூரன்ஸ் சேவை வழங்குநரிடம் புதிய இன்சூரன்ஸ் பாலிசியை வாங்க விரும்புகிறீர்களா என்பதை முடிவு செயது கொள்ளவும்.

ஒரு வேளை இன்சூரன்ஸ் பாலிசி ஏற்கனவே இருந்து, அதனை நீங்கள் உங்கள் பெயரில் மாற்றிக் கொள்ள விரும்புகிறீர்கள் என்று வைத்துக் கொள்வோம். இந்த சந்தர்ப்பத்தில், அடையாள சான்று, வண்டி பதிவீட்டின் நகல், மற்றும் படிவம் 20 மற்றும் படிவம் 30-இன் நகல் ஆகியவற்றை இன்சூரன்ஸ் பாலிசியுடன் சேர்த்து எடுத்துக் கொண்டு, பைக்கின் முந்தைய உரிமையாளர் இன்சூரன்ஸ் நிறுவனத்திற்கு செல்ல வேண்டும். பெயர் மாற்ற கோரிக்கையின் பொருட்டு வேலை செய்து இதனை மாற்றுவதற்கு, இன்சூரர்கள் சுமார் 15 நாட்கள் எடுத்துக் கொள்வார்கள்.

செகண்ட்-ஹேண்ட் பைக் வாங்குவதற்கு முன்னர் நீங்கள் சரிபார்க்க வேண்டிய விஷயங்கள்

புத்திசாலியான ஒருவர், எந்தவொரு பொருளையுமே அதன் நன்மைகள்/அம்சங்கள் குறித்து ஆய்வு செய்யாமல் வாங்கவோ அல்லது தேர்வு செய்யவோ மாட்டார். அதுவும் செகண்ட்-ஹேண்ட் பைக்-ஆக இருக்கும் போது, நீங்கள் தீர ஆய்வு செய்ய வேண்டும். செகண்ட்-ஹேண்ட் பைக் வாங்குவதற்கு முன்பு, நீங்கள் சரிபார்க்க வேண்டிய சில விஷயங்கள் இதோ:

  • பைக்-ஐ ஆய்வு செய்வது: பைக்-ஐ கவனமாக பார்த்து, நீங்கள் கவனித்த விஷயங்களில் சிறிது ஆய்வு செய்து பார்க்கவும். நீங்கள் சுயமாகவே நன்றாக ஆராய்ச்சி செய்து பார்த்து, உங்கள் உள்ளுணர்வினையும் முடுக்கி விட்டுக் கொள்ளவும். வண்டியில் ஏதேனும் கீறல்கள் அல்லது மோதியதற்கான அடையாளங்கள் இருக்கிறதா என கண்டுபிடிக்கவும்.
  • அசாதாரணமான சத்தம் வருகிறதா என பார்க்கவும்: பைக்-கை உயிர்ப்பித்து, என்ஜினை ஓட விட்டு பார்த்தும், பின்னர் முடுக்கி விட்டுப் பார்த்தும் ஏதேனும் சத்தம் வருகிறதா என சரிபார்க்கவும். இதை தவிர்த்து, நீங்கள் இண்டிகேட்டர், லைட் மற்றும் ஹார்ன்கள் ஆகியவற்றை சரிபார்க்க வேண்டும்.
  • அனைத்து ஆவணங்களையும் சரிபார்க்கவும்: என்ஜினில் குறிப்பிட்டபடி, ஆர்சி-இல் அதே அடையாள எண் இருக்கிறதா என்று சரிபார்க்கவும். இதில் ஏதேனும் முரண்பாடு இருந்தால், நீங்கள் கிளைம் செய்யும் போது பிரச்சினை ஏற்படக் கூடும்.
  • சர்வீஸ் விபரங்களை தெரிந்து கொள்ளவும்: வண்டி எத்தனை முறை சர்வீஸிற்கு விடப்பட்டதென்பதையும், அது செய்யப்பட்ட மையத்தினையும் பற்றி நீங்கள் பைக்கின் உரிமையாளரிடம் கேட்க வேண்டும்.
  • ஒரு டெஸ்ட் ரைட்-ஐ செய்து பார்க்கவும்: நீங்கள் பைக்-ஐ ஓட்டிப் பார்த்து விட்டு வாங்குவதை உறுதி செய்து கொள்ளவும். ஒரு குண்டும் குழியுமான சாலையைத் தேர்வு செய்து கொள்ளவும், அப்போது தான் பைக்கின் செயல்பாட்டினை நீங்கள் சரியாக மதிப்பிட முடியும். அதன் சஸ்பென்ஷன் மற்றும் பிரேக்குகளின் மூலம் வண்டியின் செயல்பாட்டினை நீங்கள் அறிந்து கொள்ள முடியும்

 

இவ்விதமாக, உங்கள் செகண்ட்-ஹேண்ட் பைக் வாங்குவதற்கு முன்னர் நீங்கள் சரிபார்க்க வேண்டிய குறிப்புகளை பற்றி இப்போது தெரிந்து கொண்டீர்கள். உரிமை மாற்றும் நடைமுறையும் மற்றும் உங்கள் பெயரில் இன்சூரன்ஸை மாற்றுவது பற்றிய விபரமும் கூட உங்களுக்குத் தெரியும். ஒரு வேளை நீங்கள் புதிய இன்சூரன்ஸ் வாங்குவதாக இருந்தால் என்ன செய்வது? இந்த சிறிய பிரச்சனையைப் பற்றி கவலைப்படுகிறீர்களா? செகண்ட்-ஹேண்ட் பைக்கிற்கு புதிய இன்சூரன்ஸ் வாங்குவது எப்படியென்பது குறித்து பார்க்கலாம்.

உங்கள் செகண்ட்-ஹேண்ட் பைக்கிற்கு புதிய இன்சூரன்ஸ் வாங்க விரும்புகிறீர்களா?

உங்கள் செகண்ட்-ஹேண்ட் பைக்கின் இன்சூரன்ஸ் செல்லத்தக்கதாக இல்லையென்றாலோ, அல்லது தற்போதைய பாலிசி உங்களுக்கு பிடிக்கவில்லையென்றாலோ, உங்கள் செகண்ட்-ஹேண்ட் பைக்கிற்கு புதிய இன்சூரன்ஸ் பாலிசியை நீங்கள் கீழ்க்கண்ட நடைமுறையை பின்பற்றி வாங்கிக் கொள்ளலாம்:

 

# பெரும்பாலான இன்சூரர்கள் ஆன்லைன் மூலம் செய்யப்படும் நடைமுறைகளையே கையாளுகின்றனர். அவர்களின் வலைதளங்களில் ஆன்லைனில் சென்று பார்க்கவும்.

#ஆன்லைன் போர்ட்டலில் உங்கள் ஆர்சி (RC), பில் மற்றும் அடையாள சான்று ஆகியவற்றின் ஸ்கேன் செய்யப்பட்ட நகலை சமர்ப்பிக்கவும். அல்லது பதிவீடு செய்யப்பட்ட நகரம், மாடல் பெயர் மற்றும் மாற்றுரு, மற்றும் பதிவீட்டு தேதி ஆகியவற்றை மட்டும் நீங்கள் பதிவிடலாம்.

# இன்சூரர் உங்கள் வண்டியை ஆய்வு செய்வதற்கு ஏற்பாடு செய்வார், அதற்கு பிறகு நீங்கள் பிரீமியம் தொகையை செலுத்தலாம்.

# நீங்கள் காத்திருக்க வேண்டிய அவசியமில்லை, உங்கள் இன்சூரன்ஸின் பிரதி உங்களுக்குக் கிடைக்கப்பெறும்.

 

இறுதியாக, உங்கள் கனவு பைக்கை நீங்கள் வாங்கி விட்டீர்கள். வாழ்க்கை என்பது சாகசம் நிறைந்தது, ஆயினும் அது மதிப்புமிக்கது. நீங்கள் வாங்கிய பைக், பயன்படுத்தப்பட்டதாக இருந்தாலும் கூட, அதற்கும் ஒரு விலை இருக்கிறது. நீங்கள் பைக் ஓட்டும் போது, பாதுகாப்பு நடைமுறைகளை சரியாக பின்பற்றுவதை உறுதிப்படுத்திக் கொள்ளவும். இது உங்களை மட்டுமல்லாது, சாலையில் செல்கின்ற மற்றவரையும் கூட பாதுகாக்க உதவுகின்றது.