ఆన్​లైన్​లో యమహా బైక్ ఇన్సూరెన్స్ కొనుగోలు /రెన్యువల్

యమహా అనేది 1955లో స్థాపించబడింది. ఇది జపాన్​కు చెందిన టూ వీలర్ కంపెనీ. ఈ కంపెనీ ప్రధాన కార్యాలయం జపాన్​లోని షిజుయోకాలో ఉంది. భారతదేశంలో యమహా 1985లో తన కార్యకలాపాలను ప్రారంభించింది. ప్రస్తుతం మన దేశంలో యమహాకు హర్యానా, ఉత్తరప్రదేశ్, తమిళనాడు రాష్ట్రాలలో మూడు ఫ్యాక్టరీలు ఉన్నాయి.

యమహా కంపెనీ విజయవంతం కావడానికి ప్రధాన కారణం అది తన కస్టమర్లను చూసుకునే విధానం. నేడు భారతదేశంలో యమహా కంపెనీకి 500 మంది కంటే ఎక్కువ మంది డీలర్లు ఉన్నారు. యమహా స్పోర్ట్స్ బైక్స్​, సూపర్ బైక్స్, స్ట్రీట్ బైక్స్, స్కూటర్లను తయారు చేస్తుంది.

భారతదేశంలో అందుబాటులో ఉన్న యమహా యొక్క ప్రముఖ మోడళ్లు ఇక్కడ ఉన్నాయి.

• యమహా YZF R15 V3 (Yamaha YZF R15 V3)

• యమహా MT 15 (Yamaha MT 15)

• యమహా FZ S V3 (Yamaha FZ S V3)

• యమహా ఫసీనో (Yamaha Fascino)

• యమహా FZ25 (Yamaha FZ25)

యమహాలో ప్రీమియం బైకులతో పాటుగా సరసమైన ధరలకు కూడా బైక్స్ లభిస్తాయి. బైక్​ ధరతో సంబంధం లేకుండా మంచి యమహా బైక్ ఇన్సూరెన్స్ ప్లాన్​ను తీసుకోవడం చాలా ముఖ్యం.

రోడ్డు ప్రమాదాలు జరిగిన సందర్భంలో మీ సొంత వాహనం లేదా థర్డ్ పార్టీ వాహనానికి ఏవైనా డ్యామేజీలు జరిగితే చట్టం నుంచి ఆర్థిక ఇబ్బందుల నుంచి బైక్ ఇన్సూరెన్స్ కాపాడుతుంది.

యమహా బైకులు భారతదేశంలో ఎందుకు అంత పాపులర్​?

ప్రధానంగా చూసుకుంటే ఈ కింది కారణాల వలన యమహా బైకులు భారతదేశంలో చాలా ఫేమస్ అయ్యాయి.

• విస్తృత శ్రేణి ఉత్పత్తులు – ఇతర ద్విచక్ర వాహన కంపెనీలతో పోల్చుకుంటే యమహా అకేషనల్, రెగ్యులర్​ రైడర్ల కోసం వాహనాలను తయారు చేస్తుంది. కంపెనీ ఎన్నో రకాల వెరైటీ వాహనాలను అందజేస్తోంది. ధరలు కూడా సాధారణంగానే ఉంటాయి. మీకు ఆసక్తి ఉన్న, మీ బడ్జెట్​కు సరిపోయే బైక్​ను మీరు కొనుగోలు చేయొచ్చు.

• పర్ఫామెన్స్ ఇచ్చే బైకులు – యమహా యొక్క ప్రతీ బైక్ అద్భుతమైన పర్ఫామెన్స్​తో వస్తుంది. ఇంజిన్ క్యూబిక్ కెపాసిటీ, హ్యాండ్లింగ్, సస్పెన్షన్ ఇలా చెప్పుకుంటూ పోతే ప్రతి ఒక్కటీ చాలా నాణ్యతతో తయారు చేయబడతాయి. ఇవి మీకు ఉత్తమ రైడింగ్ అనుభూతిని అందజేస్తాయి.

• మంచి కస్టమర్ సర్వీస్ – యమహా అనేది ప్రపంచవ్యాప్తంగా విస్తరించిన కంపెనీ. ఇదో గ్లోబల్ బ్రాండ్. కంపెనీ మెరుగైన కస్టమర్ సర్వీసును అందజేస్తోంది. బైక్ గురించి ఏదైనా చిన్న సందేహం నుంచి యమహా బైకుల గురించి మరింత తెలుసుకోవడం వరకు యమహా కస్టమర్​ కేర్ మీకు సాయం చేస్తుంది. ఈ విధానం మిమ్మల్నియమహా ఫ్యామిలీలో చేరేందుకు ప్రేరేపిస్తుంది.

భారతీయులకు యమహా బైక్స్ ఎంత ప్రీతిపాత్రమో మీకు తెలుసు. కావున అటువంటి బైక్స్​ను జాగ్రత్తగా కాపాడుకోవాల్సిన అవసరం ఎంతైనా ఉంది.

మీబైక్ (అందులో మీరు పెట్టిన పెట్టుబడి) మీరు బండికి ఇన్సూరెన్స్ కొనుగోలు చేసినపుడు మాత్రమే ఇది సేఫ్​గా ఉంటుంది.

డ్రైవర్లు ఎన్ని జాగ్రత్తలు తీసుకుంటూ బైకులు నడిపినా కూడా అనుకోని సందర్భాల్లో ప్రమాదాలు జరిగే ఆస్కారం ఉంటుంది. ఒక సర్వే ప్రకారం 2016వ సంవత్సరంలో రోడ్డు ప్రమాదాల ద్వారా సంభవించిన మరణాల్లో దాదాపు 25 శాతం మంది బైక్ లేదా స్కూటర్ నడిపేవారే ఉండటం ఈ పరిస్థితికి అద్దం పడుతోంది. (2)

బైక్ ఇన్సూరెన్స్ పాలసీ కొనుగోలు చేయడం ఎందుకు ముఖ్యమో ఇక్కడ ఉంది:

• చట్టప్రకారం తప్పనిసరి – మేము ఇది వరకే చెప్పినట్లు మోటార్ వాహనాల చట్టం–1988 ప్రకారం భారతీయ రోడ్ల మీద వాహనాలతో తిరిగేందుకు బీమా తప్పనిసరి. కనీసం మీకు థర్డ్ పార్టీ లయబులిటీ ఇన్సూరెన్స్ అయినా ఉండాలి. లేకపోతే మీరు భారత రోడ్ల మీద తిరగలేరు. కావున బైక్ యజమానులకు ఈ విషయంలో మరో అవకాశం లేదు. ఒకవేళ కనీసం థర్డ్ పార్టీ ఇన్సూరెన్స్ అయినా లేకుండా యమహా బైక్ వేసుకుని రోడ్ల మీద తిరిగి ట్రాఫిక్ పోలీసులకు చిక్కితే.. మొదటి సారి రూ. 2,000 రెండో సారి రూ. 4,000 జరిమానా వేస్తారు.

• న్యాయపరమైన లయబులిటీల నుంచి కాపాడుతుంది – ఒకవేళ మీ బైక్​ ప్రమాదం బారిన పడితే.. మీ వాహనం వలన ఆస్తి లేదా వ్యక్తికి గాయాలైతే థర్డ్ పార్టీ యమహా బైక్ ఇన్సూరెన్స్ ప్లాన్ వారికి ఆర్థిక కవరేజీని అందిస్తుంది. మీకు కనుక ఇన్సూరెన్స్ లేకపోతే మీరు చట్టపరంగా థర్డ్ పార్టీకి జవాబుదారీగా ఉండాలి. వారికి అయిన ఆర్థిక నష్టాలను భరించాలి.

• థెఫ్ట్ కవర్ – కేవలం ప్రమాదం జరిగినప్పుడు మాత్రమే కాకుండా మీ యమహా బండి దొంగతనానికి గురైనా కానీ బీమా సంస్థలు మీకు పెద్ద మొత్తాన్నే అందజేస్తారు. ఈ డబ్బుతో మీరు బైక్ రిప్లేస్​మెంట్ చేసుకోవచ్చు. మీకు ఆర్థికంగా ఎటువంటి నష్టం కలగకుండా ఈ ప్లాన్ కాపాడుతుంది.

• సొంత డ్యామేజ్ రిపేర్ల కోసం రీయింబర్స్​మెంట్​ – ప్రమాదం జరిగినప్పుడు కేవలం థర్డ్ పార్టీ వ్యక్తులు, వాహనాలకు మాత్రమే నష్టం జరగదు. మీ సొంత బైక్ కూడా డ్యామేజ్ అవుతుంది. మీరు కనుక థర్డ్ పార్టీ లయబులిటీ పాలసీ తీసుకుంటే సొంత బైక్ రిపేర్ కోసం అయిన ఖర్చులను క్లెయిమ్ చేయలేరు. కానీ కాంప్రహెన్సివ్ యమహా ఇన్సూరెన్స్ ప్లాన్​తో మీరు మీ సొంత చికిత్సకు అయిన ఖర్చులు, సొంత వాహనానికి జరిగిన డ్యామేజీల నుంచి కూడా ఆర్థికంగా రక్షించబడతారు.

• మరణం/శాశ్వత అంగవైకల్యం సంభవిస్తే ఏకమొత్త చెల్లింపు – బైక్ ప్రమాదంలో పాలసీదారుడు చనిపోయినా లేదా శాశ్వత వైకల్యానికి గురైనా కానీ బీమా కంపెనీలు వారి కుటుంబ సభ్యులకు వ్యక్తిగత ప్రమాద బీమా కింద పెద్ద మొత్తంలో నగదును అందజేస్తాయి. దీని వలన వారు జీవనం కొనసాగించడం వీలు పడుతుంది.

మీరు మీ యమహా ఇన్సూరెన్స్ ప్రీమియాన్ని ఎలా తగ్గించుకోవచ్చు?

మీ బైక్​కు ఇన్సూరెన్స్ పాలసీ తప్పనిసరి. మీకు ఆర్థిక వనరులు అధికంగా ఉంటే మీరు బెస్ట్ కవరేజీని ఎంచుకోవచ్చు. ఒకవేళ మీకు ఆర్థిక వనరులు అంతగా లేకపోతే ప్రీమియం భారాన్ని తగ్గించుకునేందుకు కింది చిట్కాలను పాటించండి.  

• NCB మీకోసం పనిచేసేలా చూసుకోండి -  నో క్లెయిమ్ బోనస్ (NCB) అనేది మీ ప్రీమియాన్ని తగ్గించుకునేందుకు అత్యుత్తమ మార్గం. మీ ప్రీమియంపై ఎన్​సీబీ  (NCB) బోనస్ ఆస్వాదించేందుకు మీ బీమా కంపెనీ మీకు నో క్లెయిమ్ బోనస్ వర్తింపజేస్తుందా? లేదా అనేది తెలుసుకోండి. ఎన్​సీబీ ప్రయోజనాలను ఆనందించేందుకు మీ యమహా బైకుల​ను రోడ్ల మీద చాలా జాగ్రత్తగా నడపండి. ఎన్​సీబీ ప్రయోజనాలను ఆస్వాదించండి.

• స్వచ్చంద మినహాయింపులను ఎంచుకోండి – బీమా కంపెనీ తప్పనిసరి మినహాయింపులను సెట్ చేసింది. ఇందులో మీకు చెప్పాల్సింది ఏమీ లేదు. మీరు కనుక మీ పాలసీ యొక్క ప్రీమియాన్ని తగ్గించుకోవాలని చూస్తే మీరు స్వచ్చంద మినహాయింపుల ఆప్షన్​ను ఎంచుకుంటే సరిపోతుంది. మీరు స్వచ్చంద మినహాయింపులను ఎంచుకున్నపుడు బీమా కంపెనీ మీ ప్రీమియంను గణనీయంగా తగ్గిస్తుంది.

• నేరుగా బీమా కంపెనీలతో సంభాషించండి – మీరు పాలసీని తీసుకోవాలని భావించినపుడు ఎటువంటి మధ్యవర్తిని లేదా బ్రోకర్​ను సంప్రదించకండి. మీరు ఇలా చేయడం వలన పాలసీ ఖర్చు పెరిగిపోతుంది. నేరుగా బీమా కంపెనీనే సంప్రదించండి. అక్కడ మీకు తక్కువ ఖర్చుకు పాలసీలు అందుతాయి. అంతేకాకుండా ప్రొడక్టులను గురించిన మరింత సమాచారాన్ని కూడా మీరు తెలుసుకునేందుకు వీలుంటుంది.

• అవసరమయిన యాడ్​–ఆన్ల​ను మాత్రమే కొనుగోలు చేయండి – కాంప్రహెన్సివ్ యమహా బైక్ ఇన్సూరెన్స్ మీకు సమగ్ర సంరక్షణను అందజేస్తుంది. ఇది చాలా సందర్భాల్లో మీకు ఆర్థిక భరోసాను అందజేస్తుంది. అంతేకాకుండా మీ ప్లాన్​కు రైడర్స్ (యాడ్​–ఆన్స్​) జత చేయడం వలన మీ భద్రత మరింత పెరుగుతుందనడంలో ఎటువంటి సందేహం లేదు.

మీ ఖరీదైన బైక్​కు ఇన్సూరెన్స్ పాలసీని ఎంచుకునేటపుడు ఒక్క విషయాన్ని గుర్తుంచుకోవాలి. బీమా కంపెనీ గౌరవంతో పాటుగా అది అందించే సేవలను కూడా లెక్కలోకి తీసుకోవాలి. తక్కువ ఖర్చుతో కూడుకున్న పాలసీని ఎంచుకోవడం అంత మంచిది కాదు. ఏవైనా ప్రమాదాలు జరిగిన సందర్భంలో ఇది మీకు తక్కువ ఆర్థిక భద్రతను అందజేస్తుంది.

భారతదేశంలో టూ వీలర్ పాలసీలను అందించేందుకు అనేక బీమా కంపెనీలు ఉన్నాయి. మీ యమహా బైక్​ కోసం డిజిట్ పాలసీని ఎందుకు ఎంచుకోవాలో కింద కొన్ని కారణాలు ఉన్నాయి. ఈ పాలసీ ద్వారా మీరు ఆర్థికంగా సంరక్షించబడతారు. –
వివిధ రకాల టూ వీలర్ పాలసీల లభ్యత – టూ వీలర్ ఇన్సూరెన్స్ పాలసీల్లో డిజిట్ అనేక ఎంపికలను అందజేస్తుంది. వాటిలో కొన్ని –

• a) థర్డ్ పార్టీ లయబులిటీ ఇన్సూరెన్స్ పాలసీ – మీ టూ వీలర్ వల్ల ఎవరైనా థర్డ్ పార్టీ వ్యక్తులకు ఏవైనా గాయాలు అయినా లేదా థర్డ్ పార్టీ ప్రాపర్టీకి ఏదైనా నష్టం జరిగినా కానీ కవర్ చేస్తుంది.

• b) కాంప్రహెన్సివ్ టూ వీలర్ ఇన్సూరెన్స్ పాలసీ – ఇదో సమగ్ర సంరక్షణా ప్లాన్. ప్రమాదంలో సంభవించే సొంత డ్యామేజ్, థర్డ్ పార్టీ డ్యామేజీల​కు ఇది కవరేజీని అందజేస్తుంది. అంతేకాకుండా యమహా మోటార్ ఇన్సూరెన్స్ పాలసీ అగ్ని ప్రమాదాలు, దొంగతనాలు, సహజ, మానవ నిర్మిత విపత్తుల నుంచి మిమ్మల్ని ఆర్థికంగా రక్షిస్తుంది.

అంతేకాకుండా మీరు డిజిట్ అందించే యమహా టూ వీలర్ బైకర్స్ ఓన్ డ్యామేజ్ బైక్ ఇన్సూరెన్స్ కూడా పొందొచ్చు. కానీ 2018 సెప్టెంబర్ తర్వాత వాహనాలు కొనుగోలు చేసిన వారికి మాత్రమే ఈ ఆఫర్ వర్తిస్తుంది. ఈ పాలసీ థర్డ్ పార్టీ లయబులిటీలతో పాటుగా సొంత డ్యామేజీల​కు కూడా సంరక్షణ కల్పిస్తుంది.

• 1,000 కంటే ఎక్కువ నెట్​వర్క్​ గ్యారేజీలు – ఎక్కువ సంఖ్యలో నెట్​వర్క్​ గ్యారేజీలు ఉండటం వలన మీకు చాలా చోట్ల నగదు రహిత మరమ్మతులు అందుబాటులో ఉంటాయి. మీరున్న ప్రాంతం (లొకేషన్) గురించి ఎటువంటి చింత లేకుండా ఉండొచ్చు. డిజిట్​కు దేశవ్యాప్తంగా 1,000 కంటే ఎక్కువ నెట్​వర్క్ గ్యారేజీలు ఉన్నాయి. కావున మీ బండి ఎక్కడ ఆగిపోయినా కూడా మీరు సులభంగా డిజిట్ నెట్​వర్క్ గ్యారేజీని కనుక్కోవచ్చు.

• కాగితాల అవసరం లేకుండానే మీ ఇన్సూరెన్స్ పాలసీ కొనుగోలు, రెన్యువల్​ – ఎటువంటి అవాంతరాలు లేకుండా సులభంగా ఆన్​లైన్​లో యమహా ఇన్సూరెన్స్ పాలసీని కొనుగోలు చేసేందుకు డిజిట్ మిమ్మల్ని అనుమతిస్తుంది. పాలసీ గురించి తెలుసుకునేందుకు మా అధికారిక వెబ్​సైట్​ను సందర్శించండి. టూ వీలర్ ఇన్సూరెన్స్ ప్లాన్లను ఎంచుకోండి. అక్కడ ఉన్న ప్లాన్లను ఒకదానితో ఒకటి పోల్చి చూసి మీకు సరిగ్గా నప్పే పాలసీని ఎంచుకోండి. పాలసీ కవరేజ్ కోసం ఆన్​లైన్​లోనే ప్రీమియంలను చెల్లించండి. రెన్యువల్ విధానం కూడా చాలా సులభంగా ఉంటుంది. మీ పాలసీ వివరాలను ఆన్​లైన్​లో నింపి.. వార్షిక ప్రీమియం చెల్లించి ఎటువంటి అంతరాయాలు లేని పాలసీ కవరేజీని పొందండి.

• రకరకాల యాడ్+ఆన్స్​తో​ మీ యమహా టూ వీలర్​కు అత్యుత్తమ సంరక్షణ – కంపెనీ అందజేసే ఇన్సూరెన్స్ పాలసీ సరిపోదని మీకు అనిపిస్తే అదనపు ప్రొటెక్షన్ కోసం మీరు యాడ్–ఆన్స్​ను ఎంచుకోవచ్చు. డిజిట్ ఎన్నో ఉపయోగకరమైన యాడ్​–ఆన్స్​ను అందిస్తుంది. ఇవి ఇన్సూరెన్స్ కవరేజీని మెరుగుపరుస్తాయి. అందుబాటులో ఉన్న యాడ్ ఆన్స్

• a) జీరో డిప్రిషియేషన్ కవర్ (Zero depreciation cover)

• b) రిటర్న్ టూ ఇన్​వాయిస్ కవర్ (Return to invoice cover)

• c) కంజూమబుల్ కవర్ (Consumable cover)

• d) ఇంజిన్, గేర్ ప్రొటెక్షన్ కవర్ (Engine and gear protection cover)

• e) బ్రేక్ డౌన్ అసిస్టెన్స్ (Breakdown assistance)

టూ వీలర్ ఇన్సూరెన్స్ పాలసీ ద్వారా గరిష్ట ప్రయోజనాలను పొందేందుకు అవసరమైన యాడ్​ఆన్స్​ను ఎంచుకోండి.

• అద్భుతమైన కస్టమర్ సర్వీస్ – మీరు యమహా ద్విచక్ర వాహనం కోసం బీమా ఎంచుకునేటపుడు చాలా జాగ్రత్తగా ఉండాలి. ఇన్సూరెన్స్ కంపెనీ సర్వీసులను మీరు తనిఖీ చేయాలి. డిజిట్ ఇన్సూరెన్స్ కంపెనీ కస్టమర్​ సర్వీస్ భారతదేశంలోని మిగతా ఇన్సూరెన్స్ కంపెనీల కంటే చాలా బెస్ట్​గా ఉంటుంది. మీకు 24x7 కస్టమర్ సర్వీస్ లభిస్తుంది. కంపెనీ టోల్ ఫ్రీ నెంబర్​కు కాల్ చేసి పాలసీ వివరాలను తెలుసుకోవచ్చు. అంతేకాకుండా రిప్రసెంటేటివ్​ను సంప్రదించి క్లెయిమ్స్ గురించి మీకు ఉన్న సందేహాలను నివృత్తి చేసుకోండి.

• నో క్లెయిమ్ (NCB) ప్రయోజనాలను పొందండి – రోడ్ల మీద మీరు జాగ్రత్తగా రైడింగ్ చేసినందుకు డిజిట్ మీకు ఈ ప్రయోజనాన్ని అందజేస్తుంది. క్లెయిమ్ చేయని సంవత్సరాలకు మీరు నో క్లెయిమ్ బోనస్​ను పొందండి. క్లెయిమ్ చేయని సంవత్సరాలకు గాను ఇది మీకు లభిస్తుంది. ఈ నో క్లెయిమ్ బోనస్​ వలన ఇన్సూరెన్స్ ప్రీమియం మీద మీకు డిస్కౌంట్ లభిస్తుంది. గరిష్టంగా 50 శాతం వరకు డిస్కౌంట్ ప్రయోజనాలను పొందండి.

• అద్భతమైన క్లెయిమ్ ప్రక్రియ, హై సెటిల్​మెంట్ రేషియో – డిజిట్ మీకు స్ట్రీమ్ లైన్డ్ ఆన్​లైన్ క్లెయిమ్ సెటిల్​మెంట్ ప్రాసెస్​ను అందజేస్తుంది. స్మార్ట్ ఫోన్ ఎనేబుల్డ్ సెల్ఫ్ ఇన్స్పెక్షన్ ప్రాసెస్ ద్వారా మీరు అవాంతరాలు లేని సర్వీసును పొందొచ్చు. అంతే కాకుండా చాలా ఫాస్ట్​గా క్లెయిమ్స్​ను సెటిల్​ చేసుకోవచ్చు. క్లెయిమ్ సెటిల్​మెంట్ రేషియో అనేది ఒక సంవత్సరంలో రిసీవ్ చేసుకున్న మరియు సెటిల్ చేసిన క్లెయిమ్స్ మధ్య నిష్పత్తిని తెలియజేస్తుంది. ఎక్కువ శాతం నిష్పత్తి ఉన్నవి క్లెయిమ్స్​ను చాలా ఎక్కువగా చేసినట్లు గుర్తించబడతాయి. అదే సమయంలో తక్కువ రేషియో ఉన్నవి కష్టతరమైన క్లెయిమ్ సెటిల్​మెంట్ పద్ధతిని కలిగి ఉన్నట్లు అర్థం. డిజిట్ హై క్లెయిమ్ సెటిల్​మెంట్ రేషియో ద్వారా మీరు మీ క్లెయిమ్ తిరస్కరణకు గురయ్యే అవకాశాన్ని తగ్గించుకోవచ్చు.