హెల్త్ ఇన్సురంచె ఆన్‌లైన్‌లో కొనుగోలు చేయండి

2011 జనాభా లెక్కల ప్రకారం ఇండియాలో 26.8 మిలియన్ల కంటే ఎక్కువ మంది వైకల్యంతో ఉన్నారు (PwDs) — మొత్తం జనాభాలో ఇది మొత్తం 2.2శాతం వరకు ఉంటుంది. అయితే ఇతర సోర్సెస్ ఎక్కువ అంచనాలను కలిగి ఉన్నాయి. మీరు శారీరక లేదా మానసిక వైకల్యాన్ని కలిగి ఉన్నప్పుడు రోజూ వారి జీవితమే చాలా కష్టంగా ఉంటుంది. ఇక అధిక వైద్య ఖర్చుల ఒత్తిడి గురించి ప్రత్యేకంగా చెప్పాల్సిన అవసరం లేదు.

వైద్య ఖర్చుల నుంచి ఆర్థిక భద్రతను పొందేందుకు హెల్త్ ఇన్సూరెన్స్ అనేది ఉత్తమ ఎంపిక. ఇండియాలో దివ్యాంగులకు ఏదైనా హెల్త్ ఇన్సూరెన్స్ ఉందా అని మీరు ఆశ్చర్యపోవచ్చు?. అవి బాగానే ఉన్నాయని మేము మీకు హామీ ఇస్తున్నాం.

దివ్యాంగుల కొరకు వివిధ ప్రభుత్వ పథకాలు ఉన్నాయి. కానీ ఇవి పరిమిత కవరేజీని కలిగి ఉంటాయి. అలా కాకుండా కొన్ని ప్రైవేట్ ఇన్సూరెన్స్ కంపెనీలు కూడా హెల్త్ ఇన్సూరెన్స్ ప్లాన్ (ప్రణాళిక) ను అందిస్తాయి. కానీ ఇవి ఎక్కువ ఖరీదైనవిగా ఉంటాయి. వైకల్యం ఉన్న వ్యక్తికి లభించే ఇన్సూరెన్స్ ప్రయోజనాలేంటో ఓ లుక్కేద్దాం:

ఇండియాలో దివ్యాంగుల చట్టం 1955 ప్రకారం (సమాన అవకాశాలు, హక్కుల రక్షణ, పూర్తి అవకాశం) ఒక వ్యక్తికి 40 శాతం వైకల్యం ఉన్నా కానీ అతడిని దివ్యాంగుడిగా పరిగణిస్తారు. ఒకటి కంటే ఎక్కువ రకాలయిన వైకల్యం లేదా 80 శాతం కంటే ఎక్కువ వైకల్యం ఉంటే తీవ్ర వైకల్యం ఉన్నవారిగా పరిగణించబడతారు.

ఇండియాలో వర్గీకరించబడిన మూడు మేజర్ వైకల్యాలు ఇలా వర్గీకరించబడ్డాయి:

• పుట్టుకతో వచ్చే వైకల్యాలు - ఈ పరిస్థితులు పుట్టుక నుంచి ఉంటాయి. ఇవి వంశపారంపర్య లక్షణాల వల్ల కానీ లేదా పర్యావరణ కారణాల వల్ల కానీ జరగొచ్చు. గుండె పరిస్థితులు, సిస్టిక్ ఫిబ్రోసిస్, స్పినా బిఫిడా, డౌన్స్ సిండ్రోమ్, సెబెరల్ ప్లాసీ వంటివి కొన్ని రకాలైన ఉదాహరణలు.
• ప్రమాదవశాత్తు వైకల్యం - ఎవరైనా ప్రమాదవశాత్తు యాక్సిడెంట్ కు గురై అది పాక్షిక లేదా మొత్తం లేదా తాత్కాలిక వైకల్యాలకు దారి తీసినప్పుడు ఇది ఏర్పడుతుంది. ఇందులో విరిగిన చేతులు లేదా కాళ్లు, చేయి లేదా కాలు కోల్పోవడం, కంటి చూపు లేదా వినికిడి శక్తి కోల్పోవడం, పక్షవాతం వంటివి ఉంటాయి.
• మానసిక వైకల్యం - ఇది ఒక వ్యక్తి యొక్క మానసిక స్థితి బాగాలేని పరిస్థితిని సూచిస్తుంది. మూడ్, ప్రవర్తన సరిగా లేకపోవడం, ఆలోచనా విధానం, ఒక వ్యక్తి మానసిక సమతుల్యత సరిగా లేకపోవడం వంటివి. అవి డిప్రెషన్, బైపోలార్ డిజార్డర్, ఆందోళన, డెమెంటియా అంతేకాకుండా మానసిక రుగ్మతలయిన ఆటిజం వంటి డెవలప్‌మెంటల్ డిజార్డర్స్.

మీరు ప్రభుత్వం అందించే హెల్త్ ఇన్సూరెన్స్ పాలసీని లేదా ప్రైవేట్ పాలసీని కొనుగోలు చేయాలని ప్లాన్ (ప్రణాళిక) చేస్తున్నా కానీ దివ్యాంగుల హెల్త్ ఇన్సూరెన్స్ పాలసీని కొనుగోలు చేసే ముందు మీరు గుర్తుంచుకోవలసిన కొన్ని విషయాలు ఇక్కడ ఉన్నాయి:

1. సరైన సమాచారాన్ని ప్రకటించండి

దివ్యాంగుల హెల్త్ ఇన్సూరెన్స్ కోసం ఫారం పూరించేటప్పుడు మీరు మీ వైకల్యాలను మరియు ముందుగా ఉన్న ఇతర ఆరోగ్య పరిస్థితుల గురించి సరిగ్గా వివరించాలి. అలా చేయకపోవడం మీ క్లయిమ్స్ ను ప్రభావితం చేస్తుంది.

2. ప్రాపర్ డాక్యుమెంటేషన్ ను కలిగి ఉండండి

మీరు నిర్దిష్టమైన పత్రాలు లేదా మెడికల్ రిపోర్టులను సమర్పించాల్సి రావొచ్చు. మీకు ఎంత వరకు వైకల్యం ఉందనేది అర్థం చేసుకునేందుకు వైద్యుడి నుంచి ఒక నివేదిక ఉంటుంది. (రోజువారీ పనులు చేస్తున్నప్పుడు వైకల్యం ఆ వ్యక్తిని ఎంత మేర ప్రభావితం చేస్తుందనేది).

ప్రభుత్వం ఆమోదించిన వైద్యశాలలో రిజిస్టర్డ్ డాక్టర్ ద్వారా అదనపు టెస్టులు చేయించుకోమని కూడా మిమ్మల్ని అడిగే అవకాశం ఉంటుంది. ఈ పరీక్షలు నివేదిక ఆధారంగా ఇన్సూరెన్స్ సంస్థ మీ ఇన్సూరెన్స్ అప్లికేషన్ ను ఆమోదించాలా లేదా అని నిర్ణయం తీసుకుంటుంది.

3. ప్రీమియం మొత్తాన్ని లెక్కలోకి తీసుకోండి

మీ ఇన్సూరెన్స్ అప్లికేషన్ ను ప్రైవేట్ ఇన్సూరెన్స్ సంస్థ అంగీకరించిన తర్వాత మీ పాలసీకి ప్రీమియంను ఆ సంస్థే నిర్ణయిస్తుందని గుర్తుంచుకోండి. ఇది మీకున్న వైకల్యం, మీ వయసు, మీ కుటుంబ ఆరోగ్య చరిత్ర, మీకు ఉన్న ఆరోగ్య పరిస్థితులను బట్టి మారుతుంది. అంతే కాకుండా మీ ప్రీమియంపై 18శాతం జీఎస్టీ కూడా విధించబడుతుంది.

4. పన్ను ప్రయోజనాలు గుర్తుంచుకోండి

మీరు అధిక ప్రీమియం గురించి ఆలోచిస్తూ భయపడుతున్నారు. కానీ దివ్యాంగులు వారి హెల్త్ ఇన్సూరెన్స్ మీద పన్ను ప్రయోజనాలను కూడా పొందుతారు.

ఆదాయపు పన్ను చట్టంలోని 80U పాక్షికంగా వైకల్యం ఉన్న వారు రూ. 50,000 వరకు పన్ను మినహాయింపును పొందేందుకు అనుమతిస్తుంది. తీవ్రంగా వైకల్యం ఉన్న వ్యక్తులు రూ. 1 లక్ష వరకు పన్ను ప్రయోజనాలను పొందొచ్చు.

సెక్షన్ 80DD కింద కుటుంబ సభ్యులు కూడా తమ మీద ఆధారపడిన దివ్యాంగుల ఇన్సూరెన్స్ ప్రీమియంల మీద పన్ను మినహాయింపు పొందొచ్చు.

మేము పైన పేర్కొన్న విధంగా వైకల్యాలున్న వ్యక్తుల కోసం కొన్ని రకాల హెల్త్ ఇన్సూరెన్స్ ఎంపికలు ఉన్నాయి.

ప్రమాదం ద్వారా వైకల్యం వచ్చిన వ్యక్తులు ఎక్కువగా సాధారణ హెల్త్ ఇన్సూరెన్స్ పాలసీ ద్వారా కవర్ చేయబడతారు. ఇందులో ఎటువంటి అదనపు నిబంధనలు ఉండవు. నిజానికి ప్రమాదానికి ముందే వారు పర్సనల్ యాక్సిడెంట్ కవర్ కలిగి ఉన్నట్లయితే మీకు అదనపు ఆర్థిక భద్రత ఉంటుంది. అలాగే వైకల్యం (కొన్ని రకాలు) సంభవించినప్పుడు స్థిర ప్రయోజనాలు ఉంటాయి.

పుట్టుకతోనే మానసిక వ్యాధులతో జన్మించే వ్యక్తులకు అధిక ప్రమాదం ఉంటుంది కావున వారు రెగ్యులర్ హెల్త్ ఇన్సూరెన్స్ ప్లాన్ ద్వారా కవర్ చేయబడరు. లేదా వారు పాక్షిక కవరేజీని మాత్రమే పొందుతారనే విషయాన్ని గుర్తుంచుకోవాలి. అందువల్ల వారు మెరుగైన వైద్య సంరక్షణ కోసం ప్రభుత్వ పథకాల వైపు వెళ్లొచ్చు.

వైకల్యాలున్న వ్యక్తుల కోసం ప్రభుత్వం రెండు రకాల ఇన్సూరెన్స్ పథకాలను అందిస్తుంది:

• నిర్మల్య హెల్త్ ఇన్సూరెన్స్: మానసిక వైకల్యం ఉన్న వ్యక్తులకు రూ. 1 లక్ష వరకు వైద్య ఖర్చుల కోసం వర్తిస్తుంది. దీనికి ఎటువంటి ప్రీ-ఇన్సూరెన్స్ (ఇన్సూరెన్స్ ) పరీక్షలు అవసరం లేదు. కానీ వ్యక్తులు ఈ పాలసీని పొందేందుకు తప్పనిసరిగా నేషనల్ ట్రస్ట్ లో నమోదు చేసుకోవాలి.
• స్వావలంబన్ హెల్త్ ఇన్సూరెన్స్: రూ. 3,00,00 కంటే తక్కువ కుటుంబ ఆదాయం ఉన్న దివ్యాంగులందరికీ అందించబడుతుంది.

హెల్త్ ఇన్సూరెన్స్ కోసం మీ అర్హత ప్రమాణాలను నిర్ణయించే కొన్ని అంశాలు కూడా ఉన్నాయి. అవి ఈ కింది విధంగా ఉన్నాయి:

• ప్రస్తుత ఆరోగ్య స్థితి: వైకల్యంతో ఉన్న వ్యక్తికి ఇన్సూరెన్స్ కవరేజీని అందించేందుకు వచ్చిన ఇన్సూరెన్స్ సంస్థ వ్యక్తి ముందుగా చూసేది కొన్ని రోజులుగా అతడి ఆరోగ్యం ఎలా ఉంది అని. ఇది వారికి సంబంధించిన ప్రమాదాన్ని గురించి పేర్కొనడం. ఆరోగ్య నివేదికల ఆధారంగా మరియు మనకు ఏవైనా దీర్ఘకాలిక అనారోగ్యాలు కానీ ముందుగా ఏవైనా ఆరోగ్య సమస్యలు ఉన్నాయా అని వారు చెక్ చేసిన ఇతర ఏదైనా పరీక్షల ద్వారా ఇన్సూరెన్స్ కవరేజీని అంగీకరించవచ్చు లేదా తిరస్కరించవచ్చు.
• ఆదాయం: దివ్యాంగుల అర్హతను నిర్ణయించే మరో ముఖ్యమైన అంశం వారు ప్రీమియంలు చెల్లించగలరా? అని చూడడం. కాబట్టి వారు మీ సంపాదన సామర్థ్యం, బ్యాంక్ ఖాతాలు, మరియు స్టేట్మెంట్లను తనిఖీ చేస్తారు. చాలా చోట్ల దివ్యాంగులు ఆర్థికంగా వారి కుటుంబం మీద ఆధారపడతారు. అటువంటి సందర్భాలలో వారు కుటుంబ ఆదాయాన్ని కూడా తనిఖీ చేస్తారు. ఈ కారకాలను బట్టి వ్యక్తిని కవర్ చేయాలా వద్దా అని వారు నిర్ణయిస్తారు.

మీరు లేదా మీ కుటుంబ సభ్యుడు వైకల్యంతో జీవిస్తున్నట్లయితే హెల్త్ ఇన్సూరెన్స్ పాలసీని కొనుగోలు చేయడం ద్వారా మీరు ఏం చేయగలరో మీకు ఇప్పుడు ఒక మంచి ఐడియా ఉంటుంది.

దివ్యాంగుల హెల్త్ ఇన్సూరెన్స్ విషయానికి వస్తే అక్కడ మెరుగుపరచాల్సిన చాలా అంశాలు ఉన్నాయి. ప్రస్తుతం ఉన్న ప్రైవేట్ ఇన్సూరెన్స్ లు రిస్క్ లేదని అనుకున్న దివ్యాంగులకు మాత్రమే పాలసీలను అందిస్తున్నాయి. కానీ భవిష్యత్ లో ఖచ్చితంగా ఇంప్రూవ్‌మెంట్స్ మరియు నిబంధనల్లో మార్పులు ఉంటాయి. కావున ప్రతి ఒక్కరూ తీవ్రమైన వైకల్యాలు ఉన్నవారు కూడా ఈ హెల్త్ ఇన్సూరెన్స్ ద్వారా కవర్ చేయబడతారు.